Ferrari បញ្ចេញរថយន្តទំនើបថ្មីឡើងញាក់សាច់ តែតម្លៃកុំលូក !
ក្រុមហ៊ុនរថយន្ត Ferrari នឹងដាក់បង្ហាញរថយន្តទំនើបចុងក្រោយ ដែលមានបំពាក់នូវម៉ាស៊ីនធុនកណ្តាលប្រភេទ Hybrid ជាមួយនឹងកម្លាំងខ្លាំងជាងរថយន្ត 488 Pista របស់ខ្លួន ។…
ក្រុមហ៊ុនរថយន្ត Ferrari នឹងដាក់បង្ហាញរថយន្តទំនើបចុងក្រោយ ដែលមានបំពាក់នូវម៉ាស៊ីនធុនកណ្តាលប្រភេទ Hybrid ជាមួយនឹងកម្លាំងខ្លាំងជាងរថយន្ត 488 Pista របស់ខ្លួន ។…
ក្រុមហ៊ុនរថយន្ត Ferrari នឹងដាក់បង្ហាញរថយន្តទំនើបចុងក្រោយ ដែលមានបំពាក់នូវម៉ាស៊ីនធុនកណ្តាលប្រភេទ Hybrid ជាមួយនឹងកម្លាំងខ្លាំងជាងរថយន្ត 488 Pista របស់ខ្លួន ។
នាយកប្រតិបត្តិរបស់ក្រុមហ៊ុនលោក Louis Camilleri បានបញ្ជាក់ពីព័ត៌មាននេះតាមការប្រកាសប្រាក់ចំនូល ដែលបានរាយការណ៍ដោយសារព័ត៌មាន Automotive ។ យើងដឹងថាវានឹងរួមបញ្ចូលគ្នានូវម៉ាស៊ីន V8 ដែលមានថាមពលអគ្គីសនី ប៉ុន្តែយើងមិនបានដឹងថាវាជាប្រភេទប្រើប្រាស់ម៉ូទ័រអាគុយ ឬ ប្រើខ្សែភ្លើងដោតបញ្ចូល Plug-in នោះទេ ។
វាអាចផ្តល់ប្រាក់ចំណេញដល់ក្រុមហ៊ុនជាងរថយន្តដែលមានស៊ីឡាំង១២ ដោយសារតែការប្រកាសប្រាក់ចំនូលរបស់ក្រុមហ៊ុនបានឱ្យដឹងថាភាគច្រើនមិនមែនបានមកពីរថយន្តម៉ាស៊ីនធំៗនោះទេ ។ វាអាចនឹងមានតម្លៃថ្លៃជាងរថយន្ត Pista ដែលកំពុងតែថ្លៃស្មើនឹងទឹកប្រាក់ ៦៤៥០០០ដុល្លារ ។
យោងតាមលោក Camilleri បានឱ្យដឹងថា ៦០%នៃម៉ូដែលរថយន្ត Ferrari នឹងមានបំពាក់មកជាមួយនូវបច្ចេកវិទ្យា Hybrid នៅឆ្នាំ២០២២ ។ លោកក៏បាននិយាយថា គេនឹងមានរថយន្តអគ្គិសនីសុទ្ធនៅក្រោយឆ្នាំ២០២២ ។ អតិថិជនមិនទាន់ដឹងថាវាជារថយន្តប្រភេទស្ព័រ ប្រភេទបើកលើផ្លូវប្រកួត ឬ ប្រភេទ SUV នៅឡើយទេ ។
កាលពីឆ្នាំមុនយើងបានដឹងថាម៉ាស៊ីន V12 នឹងមិនថយចុះប្រជាប្រិយភាពឡើយ បើទោះបីជាក្រុមហ៊ុន Ferrari ត្រូវឆ្ពោះទៅកាន់អនាគតប្រើអគ្គិសនីក៏ដោយ ។ តែពេលនេះ យើងឃើញថាប្រភេទម៉ាស៊ីន V8 កំពុងតែស៊ីដាច់ ជាមួយនឹងបច្ចេកវិទ្យាទំនើបផ្សេងៗទៀត ។
យើងអាចនឹងដឹងបន្ថែមទៀតអំពីរថយន្តទំនើបរបស់ Ferrari ដែលមានម៉ាស៊ីន Hybrid នៅក្នុងកម្មវិធីតាំងរថយន្ត Geneva Motor Show ដែលចាប់ផ្តើមនៅក្នុងខែមីនា ៕
ប្រភព ៖ Caradvice
ចែករំលែកព័តមាននេះ