ប្រទេសអារ៉ាប៊ីសាអូឌីត ៖ ក្រសួងព័ត៌មានប៉ាគីស្ថានរាយការណ៍កាលពីថ្ងៃទី១៨កុម្ភៈថា ព្រះអង្គម្ចាស់រជ្ជទាយាទMOHAMED BEN SALMAN នៃប្រទេសអារ៉ាប៊ីសាអូឌីត បានចេញបញ្ជាឲ្យដោះលែង ជនជាតិប៉ាគីស្ថានជាង២០០០នាក់ដែលជាប់ឃុំឃាំង ក្នុងប្រទេសទ្រង់…
ប្រទេសអារ៉ាប៊ីសាអូឌីត ៖ ក្រសួងព័ត៌មានប៉ាគីស្ថានរាយការណ៍កាលពីថ្ងៃទី១៨កុម្ភៈថា ព្រះអង្គម្ចាស់រជ្ជទាយាទMOHAMED BEN SALMAN នៃប្រទេសអារ៉ាប៊ីសាអូឌីត បានចេញបញ្ជាឲ្យដោះលែង ជនជាតិប៉ាគីស្ថានជាង២០០០នាក់ដែលជាប់ឃុំឃាំង ក្នុងប្រទេសទ្រង់ នាឱកាសដែលរជ្ជទាយាទអង្គនោះយាងមកបំពេញទស្សនកិច្ចនៅទីក្រុងអីុស្លាម៉ាបាដ។
ព្រះអង្គម្ចាស់រជ្ជទាយាទអង្គនោះ ដែលយាងមកដល់ប៉ាគីស្ថានកាលពីថ្ងៃទី១៧កុម្ភៈ បន្ទាប់ពីបំពេញទស្សនកិច្ចនៅប្រទេសនោះ នឹងយាងបន្តមកកាន់ប្រទេសចិន ក្នុងក្របខណ្ឌនៃដំណើរទស្សនកិច្ចមួយ ចាត់ទុកជាការប៉ុនប៉ងស្ដារមុខមាត់ឡើងវិញរបស់ប្រទេសទ្រង់ ក្រោយការធ្វើឃាតអ្នកកាសែតអារ៉ាប៊ីសាអូឌីតម្នាក់ លោកJAMAL KHASHOGGI។
អារ៉ាប៊ីសាអូឌីតកាលពីថ្ងៃទី១៧កុម្ភៈបានចុះហត្ថលេខាជាមួយប៉ាគីស្ថាន លើបណ្ដាកិច្ចព្រមព្រៀងវិនិយោគ មានទឹកប្រាក់ដល់ទៅ១៨ពាន់លានអឺរ៉ូ។ យោងតាមរដ្ឋមន្ត្រីព័ត៌មានប៉ាគីស្ថាន លោកFAWAD CHAUDHRYថា ព្រះអង្គម្ចាស់រជ្ជទាយាទអង្គនោះ បានចេញបញ្ជាឲ្យដោះលែងជាបន្ទាន់ អ្នកទោសប៉ាគីស្ថាន២១០៧នាក់ តាមសំណើនាយករដ្ឋមន្ត្រីលោកIMRAN KHAN៕
ចែករំលែកព័តមាននេះ