លោកអ្នកកំពុងរវល់ដកឃ្លាមិនរួចមែនទេ? ប្រសើនបើដូច្នោះមែន វាមិនមែនជារឿងល្អឡើយសម្រាប់សុខភាពទាំងផ្លូវកាយ និងផ្លូវចិត្ត។ លោកអ្នកត្រូវចេះចាត់ចែងពេលវេលាឲ្យបានល្អ ទើបអ្វីៗនឹងប្រសើរឡើង ក្នុងនោះតាមការស្រាវជ្រាវមានវិធីងាយៗដែលអាចឲ្យលោកចេះគ្រង់គ្រងពេលវេលាបានយ៉ាងមានប្រសិទ្ធភាព ហើយខាងក្រោមនេះ ជាវិធីដែលលោកអ្នកអាចអនុវត្តបាន ៖…
លោកអ្នកកំពុងរវល់ដកឃ្លាមិនរួចមែនទេ? ប្រសើនបើដូច្នោះមែន វាមិនមែនជារឿងល្អឡើយសម្រាប់សុខភាពទាំងផ្លូវកាយ និងផ្លូវចិត្ត។ លោកអ្នកត្រូវចេះចាត់ចែងពេលវេលាឲ្យបានល្អ ទើបអ្វីៗនឹងប្រសើរឡើង ក្នុងនោះតាមការស្រាវជ្រាវមានវិធីងាយៗដែលអាចឲ្យលោកចេះគ្រង់គ្រងពេលវេលាបានយ៉ាងមានប្រសិទ្ធភាព ហើយខាងក្រោមនេះ ជាវិធីដែលលោកអ្នកអាចអនុវត្តបាន ៖
១-ត្រូវដឹងថាអ្នកចំណាយពេលវេលាច្រើនលើអ្វី ៖ មនុស្សម្នាក់ៗងាយនឹងធ្លាក់ចូលក្នុងអន្ទាក់នៃសកម្មភាពដែលធ្វើឲ្យយើងចំណាយពេលច្រើនដូច្នេះអ្នកគួរដឹងថា អ្នកចំណាយពេលមិនមានប្រយោជន៍លើអ្វីខ្លះ? តើអ្នកចំណាយពេលវេលាភាគច្រើនលើអីុនធើរណែត អានអីុមែល លេងហ្វេសប៊ុក ផ្ញើសារ ឬខលតាមទូរស័ព្ទជាដើម? តើអ្នកកំពុងខ្ជះខ្ជាយពេលវេលាឬទេ ? អ្នកគួរតែតាមដានសកម្មភាពប្រចាំថ្ងៃរបស់អ្នកដើម្បីដឹងថា តើអ្នកចំណាយពេលវេលាដែលមានលើសកម្មភាពអ្វីខ្លះ ។
២- ដាក់គោលដៅសម្រាប់ការគ្រប់គ្រងពេលវេលាច្បាស់លាស់ ៖ ត្រូវចងចាំថា អ្វីដែលសំខាន់ក្នុងការគ្រប់គ្រងពេលវេលា គឺការផ្លាស់ប្តូរទម្លាប់របស់អ្នក មិនមែនផ្លាស់ប្តូរពេលវេលាទេ។ អ្នកអាចចាប់ផ្តើមដោយលុបបំបាត់សកម្មភាពដែលអ្នកចំណាយពេលលើ ។ ឧទាហរណ៍ដូចជាដាក់គោលដៅថាមួយសប្តាហ៍ អ្នកនឹងនិយាយទូរស័ព្ទសម្រាប់រឿងផ្ទាល់ខ្លួនតែក្រៅម៉ោងធ្វើការប៉ុណ្ណោះជាដើម ។
៣-រៀនមើលសារសំខាន់នៃការងារនីមួយៗ ៖ អ្នកគួរតែចាប់ផ្តើមថ្ងៃនីមួយៗដោយមើលថា កិច្ចការមួយណាមានសារសំខាន់ជាងគេដែលអ្នកត្រូវតែបំពេញ ។ ប្រសិនបើអ្នកមានកិច្ចការសរុប២០ក្នុង១ថ្ងៃ តើមានប៉ុន្មានដែលអ្នកចាំបាច់ត្រូវតែសម្រេចវាជាដាច់ខាត ?
៤. រៀនផ្ទេរការងារ ៖ ការផ្ទេកការងារអាចជារឿងដែលពិបាកធ្វើជាងគេសម្រាប់ម្ចាស់អាជីវកម្មជាច្រើន ប៉ុន្តែមិនថាអាជីវកម្មរបស់អ្នកតូចឬធំទេ អ្នកមិនគួរធ្វើជាមនុស្សម្នាក់ដែលត្រូវធ្វើកិច្ចការទាំងអស់ដែលមាននោះឡើយ ។ អ្នកគួរតែរៀនផ្ទេរកិច្ចការមួយចំនួនទៅមនុស្សដទៃដើម្បីអ្នកអាចប្រើពេលវេលាដែលអ្នកមានឲ្យមានប្រសិទ្ធភាព ។
៥. ដាក់កម្រិតពេលវេលាចំណាយលើកិច្ចការ ៖ ការអាននិងឆ្លើយតបអុីម៉ែល អាចខ្ជះខ្ជាយពេលមួយថ្ងៃរបស់អ្នក ប្រសិនបើអ្នកអនុញ្ញាត។ ដូច្នេះអ្នកគួរតែដាក់កម្រិតពេលវេលាដែលអ្នកគួរតែចំណាយលើកិច្ចការណាមួយឲ្យបានច្បាស់លាស់ ។
៦. កុំចំណាយពេលវេលារង់ចាំ ៖ មិនថាអ្នកកំពុងរង់ចាំជួបអតិថិជន ឬជួបគ្រូពេទ្យទេ អ្នកមិនអាចជៀសវាងការរង់ចាំអ្វីមួយ ឬនរណាម្នាក់ឡើយ ប៉ុន្តែប្រសិនបើអ្នកគ្រាន់តែអង្គុយចាំនិងមិនធ្វើអ្វីសោះ អ្នកនឹងចំណាយពេលវេលារបស់អ្នកដោយខ្ជះខ្ជាយ។ បច្ចេកវិទ្យាធ្វើឲ្យអ្នកអាចធ្វើការមិនថា អ្នកនៅទីណាឡើយ ដូចជាថាប្លេត ឬស្មាតហ្វូនរបស់អ្នកជាដើម ។ អ្នកអាចអង្គុយអានរបាយការណ៍ ត្រួតពិនិត្យឯកសារ ឬរៀបចំផែនការផ្សព្វផ្សាយរបស់អ្នកជាដើមក្នុងអំឡុងពេលរង់ចាំនោះ ។
តើមានចំណុចផ្សេងទៀតដែលលោកអ្នកគិតថា អាចចាត់ចែង និងគ្រប់គ្រងពេលវេលាបានល្អ និងមានប្រសិទ្ធភាពជាងនេះដែរឬទេ សូមជួយផ្តល់មតិយោបល់ ៕
ចែករំលែកព័តមាននេះ