រាជធានីភ្នំពេញ ៖ រថយន្តកាមរីគូទហើមមួយគ្រឿងតៃកុងបើកលឿនមិនបានមើលមុខបុកទ្រូងផ្លូវ បណ្តាលឲ្យខូចខាតទ្រូងផ្លូវអស់ចំនួនមួយកង់ តៃកុងភ័យរត់ចោលរថយន្តបាត់ បង្កឲ្យមានការភ្ញាក់ផ្អើល កាលពីវេលាម៉ោង៩យប់ ថ្ងៃទី១៨ ខែកុម្ភៈ ឆ្នាំ២០១៩ នៅតាមបណ្ដោយផ្លូវ សហព័ន្ធរុស្ស៊ី ទល់មុខប្រលានយន្តហោះអន្តរជាតិភ្នំពេញ ដែលស្ថិតនៅភូមិក្បាលដំរី១ សង្កាត់កាកាបទី១ ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញរថយន្តម៉ាកកាមរីគូថហើម ពណ៌ស ពាក់ស្លាកលេខភ្នំពេញ 2C- 8464 បើកបរដោយបុរសម្នាក់ទិសដៅពីលិចទៅកើតក្នុងល្បឿនយ៉ាងលឿន លុះបើកមកដល់ចំណុចកើតហេតុបានបុកទ្រូងផ្លូវពេញទំហឹង បណ្តាលឲ្យខូចខាតទ្រូងផ្លូវខូចអស់ចំនួនមួយកង់ ចំណែកឯរថយន្តបានដាច់កង់ម្ខាងផ្នែកខាងឆ្វេង ហើយរថយន្តបើកទៅមុខមិនរួច តៃកុងចុះពីលើរថយន្តហើយរត់គេចខ្លួនបាត់ ។
បើតាមជំនាញចរាចរណ៍ខណ្ឌពោធិ៍សែនជ័យបាននិយាយប្រាប់ថា ទីតាំងខាងលើតែងតែគ្រោះថ្នាក់ជាញឹកញយមកហើយ ដោយសារទ្រូងផ្លូវពុំមានភ្លើងសញ្ញាសម្គាល់ ឫចំណាំងផ្លាត ដោយក្រសួងសាធារណៈការធ្វេសប្រហែសដែលបង្កឲ្យប្រជាពលរដ្ឋរងគ្រោះថា្នក់ចរាចរណ៍ជាច្រើនលើសមកហើយ ពលរដ្ឋសំណូមពរដល់ក្រសួងសាធារណការរាជធានីភ្នំពេញជួយមើលទ្រូងផ្លូវដែលដាក់ហើយ សុំដាក់ចំនាំងផ្លាតផងព្រោះបង្កគ្រោះថ្នាក់ជាញឹកញយមកហើយ ។
ក្រោយពេលកើតហេតុជំនាញចរាចរណ៍ខណ្ឌពោធិ៍សែនជ័យ សហការជាមួយកម្លាំងប្រជាការភូមិខាងលើគាស់ទ្រូងផ្លូវដាក់ចំណុចគោលដៅចាស់កុំអោយគ្រោះថា្នក់បន្តទៀត និងស្ទូចរថយន្តយកទៅរក្សាទុកដើម្បីរង់ចាំម្ចាស់មកដោះស្រាយ ៕
ចែករំលែកព័តមាននេះ