អាហារដែលអ្នកម្តាយគួរតែទទួលទានក្រោយសម្រាលកូនរួច ដើម្បីមានទឹកដោះគ្រប់គ្រាន់ ព្រមទាំងឆាប់ជាមុខរបួសទៀតផង ។
1.អ្នកគួរតែញ៉ាំអាហារដែលមានប្រូតេអ៊ីនខ្ពស់ ព្រោះសារធាតុនេះអាចជួយធ្វើឲ្យអ្នកមានទឹកដោះគ្រប់គ្រាន់ក្នុងការបំបៅទឹកដោះដល់កូន ដោយធ្វើឲ្យកូនបៅបានឆ្អែត ។ ដូចនេះអ្នកគួរតែស្រូបយកសារធាតុនេះឲ្យបានគ្រប់គ្រាន់ ទើបល្អចំពោះសុខភាពអ្នក និងកូន ។
2.នៅពេលដែលអ្នកសម្រាលកូន អ្នកអាចបាត់បង់ឈាមច្រើន ។ ដូចនេះអ្នកគួរតែទទួលទានអាហារដែលមានសារធាតុដែក ទើបអាចប៉ូវឈាមអ្នកមកវិញ ធ្វើឲ្យអ្នកមិនកើតមានអាការខ្វះឈាម ថែមទាំងអាចជួយធ្វើឲ្យអ្នកមិនជ្រុះសក់ទៀតផង ។
3.អ្នកគួរតែបរិភោគអាហារដែលមានផ្ទុកវីតាមីនសេ ព្រោះវីតាមីនមួយនេះ អាចជួយធ្វើឲ្យមុខរបួសអ្នកឆាប់ជាសះស្បើយណាស់ ។ ដូចនេះ ក្រោយពេលដែលអ្នកសម្រាលកូនរួច អ្នកគួរតែទទួលទានអាហារដែលមានសារធាតុ៣ខាងលើ ទើបល្អចំពោះសុខភាពកូន និងអ្នក (ប្រភពពី៖ Health.com.kh) ៕
ចែករំលែកព័តមាននេះ