រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃទី១៦ កុម្ភៈ កន្លងមកថា សហរដ្ឋអាមេរិក និងប្រទេសចិននឹងបន្តការចរចាលើពាណិជ្ជកម្មនៅសប្តាហ៍នេះក្នុងរដ្ឋធានីវ៉ាស៊ីនតោន ប៉ុន្តែលោកប្រធានាធិបតី…
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃទី១៦ កុម្ភៈ កន្លងមកថា សហរដ្ឋអាមេរិក និងប្រទេសចិននឹងបន្តការចរចាលើពាណិជ្ជកម្មនៅសប្តាហ៍នេះក្នុងរដ្ឋធានីវ៉ាស៊ីនតោន ប៉ុន្តែលោកប្រធានាធិបតី ដូណាល់ ត្រាំ (Donald Trump) បាននិយាយសាជាថ្មីកាលពីថ្ងៃសុក្រ ថាលោកអាចពន្យាពេលថ្ងៃកំណត់សម្រាប់កិច្ចព្រមព្រៀង និងផ្អាកការបង្កើនពន្ធលើផលិតផលនាំចូលពីប្រទេសចិន ។
លោកប្រធានាធិបតី ត្រាំ បាននិយាយក្នុងសន្និសីទកាសែតមួយនៅ White House ថា សហរដ្ឋអាមេរិកបានខិតជិតយ៉ាងខ្លាំងក្នុងការសម្រេចបានកិច្ចព្រមព្រៀងពាណិជ្ជកម្មមួយជាមួយនឹងប្រទេសចិន ហើយលោកនឹងមានកិត្តិយសក្នុងការដកពន្ធចេញ ប្រសិនបើសម្រេចកិច្ចព្រមព្រៀងនេះបាន ។ ប៉ុន្តែលោកបានបន្ថែមថា ការចរចាពិតជាមានភាពស្មុគស្មាញណាស់ ។
គួរបញ្ជាក់ដែរថា ពន្ធអាមេរិកលើផលិតផលចិនប្រមាណ២០០ប៊ីលានដុល្លារនឹងត្រូវបានបង្កើនពី១០%ទៅ២៥% នៅថ្ងៃទី១ ខែមីនា ខាងមុខប្រសិនបើប្រទេសទាំងពីរមិនអាចសម្រេចបានកិច្ចព្រមព្រៀងពាណិជ្ជកម្មមួយបានដើម្បីដោះស្រាយតម្រូវការអាមេរិកឲ្យប្រទេសចិនបញ្ឈប់ការបង្ខំឲ្យមានការផ្ទេរបច្ចេកវិទ្យា និងឲ្យប្រទេសចិនអនុម័តច្បាប់ការពារសិទ្ធិកម្មសិទ្ធិបញ្ញាឲ្យបានប្រសើរជាងមុនជាដើម ៕
ចែករំលែកព័តមាននេះ