អ្នកជំនាញប្រាប់ពីគន្លឹះសម្រាប់វិនិយោគអចលនទ្រព្យឱ្យជោគជ័យ
រាជធានីភ្នំពេញ ៖ អ្នកជំនាញសេដ្ឋកិច្ច និងជាទីប្រឹក្សាក្រុមហ៊ុន Emerging Markets Consulting លោកង៉ែត ជូ ដែលកំពុងមានឈ្មោះបោះសំឡេងនៅក្នុងពិភពសារព័ត៌មាន…
រាជធានីភ្នំពេញ ៖ អ្នកជំនាញសេដ្ឋកិច្ច និងជាទីប្រឹក្សាក្រុមហ៊ុន Emerging Markets Consulting លោកង៉ែត ជូ ដែលកំពុងមានឈ្មោះបោះសំឡេងនៅក្នុងពិភពសារព័ត៌មាន…
រាជធានីភ្នំពេញ ៖ អ្នកជំនាញសេដ្ឋកិច្ច និងជាទីប្រឹក្សាក្រុមហ៊ុន Emerging Markets Consulting លោកង៉ែត ជូ ដែលកំពុងមានឈ្មោះបោះសំឡេងនៅក្នុងពិភពសារព័ត៌មាន និងជាគ្រូបង្គោលបណ្ដុះគំនិតក្នុងការធ្វើអាជីវកម្មមួយរូបបានប្រាប់ពីគន្លឹះចំនួន៥ចំណុច ដែលធ្វើឲ្យអ្នកវិនិយោគអចលនទ្រព្យទទួលបានការរីកចំរើនគ្រប់ស្ថានភាពនៃទីផ្សារ ។
លោក ង៉ែត ជូ បានសរសេរនៅក្នុងបណ្ដាញសង្គមផ្ទាល់ខ្លួនរបស់លោកនៅថ្ងៃទី១៥ កុម្ភៈ ម្សិលមិញថា បើចង់ទទួលបានជោគជ័យលើជំនួញវិស័យអចលនទ្រព្យ អ្នកវិនិយោគត្រូវមាន ៖
១- មានចក្ខុវិស័យរយៈពេលវែង ៖ អ្នកវិនិយោគជាច្រើនខ្វះចក្ខុវិស័យរយៈពេលវែង វិនិយោគដេញតាមក្រោយចំហាយនៃការអភិវឌ្ឍ ។ ជារឿយៗ គេតែងជួបវិបត្តិកប់ដើមទុនយូរ ឬទទួលបានផលចំណេញតិចតួច។ ផ្ទុយទៅវិញ អ្នកវិនិយោគដែលមានចក្ខុវិស័យចេះប្រមើរមើលការអភិឌ្ឍផ្នែកហេដ្ឋារចនាសម្ព័ន្ធ កំណើនប្រជាពលរដ្ឋ និងការពង្រីកក្រុង។ ជារឿយៗ ពួកគេមិនចំណាយដើមទុនធំក៏អាចទទួលបានផលចំណេញខ្ពស់ និងហានិភ័យទាប ។
ពោលគឺពួកគេមានភាពអំណត់ដោយត្រៀមខ្លួនសំរាប់ទទួលផលពីការអភិវឌ្ឍនាពេលអនាគត។ ឧទាហរណ៍ កាលពីឆ្នាំ២០១៤ ខ្ញុំវិនិយោគដីនៅតំបន់ភ្នំប្រសិទ្ធត្រឹមតម្លៃជាង១០ដុល្លារក្នុង១ម៉ែត្រការ៉េ ដល់ពេលនេះតម្លៃចន្លោះពី១៤០ ទៅ២០០ដុល្លាក្នុង១ម៉ែត្រការ៉េ ។
២- មានទំហំវិនិយោគធំគួរសម ៖ ទំហំនៃការវិនិយោគគួរចាប់ផ្តើមពី៥ទៅ១០ហិកតាដើម្បីឲ្យការរចនាគម្រោងបានប្រសើរ មានភាពទាក់ទាញ និងធានាបាននូវតម្លៃប្រកួតប្រជែងខ្ពស់ ។
៣- ការវិនិយោគគួរមានយុទ្ធសាស្ត្រ ៖ ជាក់លាក់ និងស្មោះស្ម័គ្រនឹងទីផ្សារ អ្នកវិនិយោគលំៗ លោតចូលក្នុងទីផ្សារពេលមានសភាពពុះកញ្ជោល គេដណ្តើមទិញពេលតម្លៃហក់ឡើងខ្ពស់។ ផ្ទុយទាំងស្រុង អ្នកវិនិយោគពិតប្រាកដមានភក្តីភាពនឹងទីផ្សារ មិនរាថយ និងសម្រុកវិនិយោគពេលទីផ្សារស្ងប់ស្ងាត់ និងមានតម្លៃទាប ។
៤- ការអភិវឌ្ឍគម្រោងអនុលោមទៅតាមតម្រូវការរបស់អតិថិជន ៖ តម្រូវការរបស់អតិថិជនមានភាពស្មុគស្មាញ។ អ្នកវិនិយោគជោគជ័យរមែងស្តាប់ និងយល់ពីតម្រូវការ សេចក្តីប្រាថ្នា លទ្ធភាពផ្នែកហិរញ្ញវត្ថុ និងលក្ខខណ្ឌនានាដែលអតិថិជនចង់បាន ។
៥- ចេះកសាងកេរ្តិ៍ឈ្មោះ និងទំនុកចិត្ត ៖ ទោះជាវិនិយោគលើវិស័យអ្វីក៏ដោយ ឬធ្វើកិច្ចការអ្វីក៏ដោយ អ្នកមានអាចជោគជ័យធំ និងយូរអង្វែងបានទេ ប្រសិនបើអ្នកមិនបានកសាងកេរ្តិ៍ឈ្មោះ និងទំនុកចិត្តក្នុងសង្គម។ ឧទាហរណ៍ ម្ចាស់បុរីពិភពថ្មីមានកេរ្តិ៍ឈ្មោះបោះសំឡេង និងទទួលបានភាពជោគជ័យដ៏ធំធេង។ អតិថិជនហ៊ានកក់ប្រាក់ ទោះបីជាផ្ទះមិនទាន់លេចចេញជារូបរាងក៏ដោយ ៕
ចែករំលែកព័តមាននេះ