ហុងកុង ៖ យោងតាមសេចក្តីរាយការណ៍របស់ Financial Times កាលពីថ្ងៃសុក្រ បានឲ្យដឹងមកថា ហុងកុងត្រូវបានចាត់ទុកជាទីផ្សារផ្ទះដែលមិនមានផលចំណេញខ្ពស់អស់៩ឆ្នាំកន្លងមកនេះ ហើយវាអាចនឹងបន្តដល់ឆ្នាំទី១០ផងដែរ ។…
ហុងកុង ៖ យោងតាមសេចក្តីរាយការណ៍របស់ Financial Times កាលពីថ្ងៃសុក្រ បានឲ្យដឹងមកថា ហុងកុងត្រូវបានចាត់ទុកជាទីផ្សារផ្ទះដែលមិនមានផលចំណេញខ្ពស់អស់៩ឆ្នាំកន្លងមកនេះ ហើយវាអាចនឹងបន្តដល់ឆ្នាំទី១០ផងដែរ ។
តម្លៃផ្ទះក្នុងហុងកុងបានកើនឡើងច្រើនជាង ២០០%ទៅទៀត ដែលបង្កឲ្យប្រជាជនរស់នៅក្នុងផ្ទះទំហំមិនលើសពីទំហំរថយន្តមួយផង ។ កាលពីឆ្នាំមុន បន្ទប់ដែលមានទំហំ១១.២៤ម៉ែត្រការេត្រូវបានលក់ចេញក្នុងតម្លៃ ២៥៥,០០០ដុល្លារឯណោះ ។
របាយការណ៍មួយរបស់ UBS ព្យាករណ៍មកថា ប្រជាជនហុងកុងត្រូវធ្វើការដល់ទៅ ១០ឆ្នាំដើម្បីមានសមត្ថភាពក្នុងការទិញផ្ទះដែលមានទំហំ ៦០ម៉ែត្រការេមួយយូនីត។ មូលហេតុនេះហើយទើបការអន់ថយនៃតម្លៃដែលកើតមានឡើងតាំងពីពាក់កណ្តាលឆ្នាំមុនទទួលបានការស្វាគមន៍យ៉ាងខ្លាំង ។
ការអន់ថយនេះត្រូវបានជំរុញដោយការព្រួយបារម្ភពីសេដ្ឋកិច្ចពិភពលោក ។ ហើយការធ្លាក់ចុះនៃការលូតលាស់សេដ្ឋកិច្ចចិនបានបង្កឲ្យតម្លៃប្រាប់យាន់ធ្លាក់ចុះ និងប៉ះពាល់ដល់ទីផ្សារភាគហ៊ុនផងដែរ ។ ចំណាប់អារម្មណ៍លើអចលនទ្រព្យហុងកុងបានអន់ថយ ដែលធ្វើឲ្យក្រុមហ៊ុនអចលនទ្រព្យចាប់ផ្តើមមានការលក់បញ្ចុះតម្លៃដើម្បីទាក់ទាញអតិថិជនជាដើម ។
យោងទៅតាមបញ្ជីឈ្មោះមហាសេដ្ឋីរបស់ Forbes បានឲ្យដឹងថាមហាសេដ្ឋីហុងកុងចំនួន ២៣នាក់មើលឃើញទ្រព្យសម្បត្តិខ្លួនធ្លាក់ចុះព្រោះតែការអន់ថយនៃទីផ្សារអចលនទ្រព្យ និងការលូតលាស់សេដ្ឋកិច្ចចិន។
ការធ្លាក់ចុះនៃតម្លៃដុល្លារហុងកុងបានបង្ខំឲ្យអាជ្ញាធររូបិយវត្ថុហុងកុង (HKMA) ឲ្យចេញសកម្មភាពទប់ស្កាត់ការធ្លាក់ចុះបន្តទៀតដែលបង្កការប៉ះពាល់ដល់ទីផ្សារផ្ទះដោយបង្កើនអត្រាការប្រាក់។
ជាលទ្ធផល ធនាគារធំៗដូចជា Citi និង HSBC បានបង្កើនអត្រាការប្រាក់លើកម្ចីទិញផ្ទះថ្មីៗកាលពីឆ្នាំមុនជាលើកដំបូងក្នុងរយៈពេល១០ឆ្នាំមកនេះដែលអាចប៉ះពាល់ដល់សំណង។ ប៉ុន្តែអត្រាការប្រាក់បានធ្លាក់ចុះពី ២.៣%មកស្មើ ១.៧%វិញកាលពីខែធ្នូ ។
លើសពីនេះទៅទៀត ប្រសិនបើទីផ្សារភាគហ៊ុនចិនបន្តងើបឡើងវិញ នោះការវិនិយោគនឹងចាប់ផ្តើមហូរចូលទៅទីផ្សារអចលនទ្រព្យក្នុងរយៈពេលប៉ុន្មានខែខាងមុខដដែល ។ អ្នកស្រី Nicole Wong ដែលជាអ្នកវិភាគនៅ CLSA បាននិយាយថាមានវិនិយោគិនជាច្រើនដែលកំពុងស្វែងរកផ្ទះដែលមានប្រាក់ចំណេញច្រើន ។
ព្រោះតែធនាគារជាតិអាមេរិកប្រហែលជាកាត់បន្ថយអត្រាការប្រាក់ក្នុងពេលខាងមុខ សម្ពាធដែលប្រាក់ដុល្លារដាក់លើទីផ្សារអចលនទ្រព្យហុងកុងកំពុងតែបាត់ទៅបន្តិចម្តងដែរ ដូច្នេះទីផ្សារអចលនទ្រព្យហុងកុងប្រហែលជាអាចបន្តការលូតលាស់ទៅមុខទៀត ៕
ចែករំលែកព័តមាននេះ