រាជធានីភ្នំពេញ៖ បុរសអាណិកជនខ្មែរម្នាក់បាននិយាយដើមភិន សុដាលីស វាធ្វើឲ្យមានកំហឹងជះត្រឡប់ទៅវិញ ។ ដោយមិនបញ្ចេញអត្តសញ្ញាណបុរសនោះថាជាអ្នកណាលោក អិុន សុភិន ឪពុករបស់ភិន សុដាលីស…
រាជធានីភ្នំពេញ៖ បុរសអាណិកជនខ្មែរម្នាក់បាននិយាយដើមភិន សុដាលីស វាធ្វើឲ្យមានកំហឹងជះត្រឡប់ទៅវិញ ។ ដោយមិនបញ្ចេញអត្តសញ្ញាណបុរសនោះថាជាអ្នកណាលោក អិុន សុភិន ឪពុករបស់ភិន សុដាលីស ស្នើឲ្យគេឈប់និយាយអាក្រក់លើកូនស្រីរបស់លោកទៀត ក្នុងពេលដែលភិន សុដាលីស បានដាច់ឆ្ងាយពីរឿងស្នេហាទៅហើយ ។
ចាងហ្វាងផលិតកម្មមហាហង្សលោកអិុន សុភិន បានសរសេរសារបង្ហោះតាមហ្វេសប៊ុករបស់ខ្លួនកាលពីថ្ងៃទី១៤ កុម្ភៈ ២០១៩ថា «សូមនិយាយខ្លះទ្រាំមិនបានហេតុអីមនុស្សមួយចំនួនចូលចិត្តដើរនិយាយបង្ខូចឈ្មោះគេម្ល៉េះ ជាពិសេសរឿងកូនស្រីខ្ញុំមានដូចតទៅ៖រឿងចាស់បានកន្លងផុតទៅហើយ តែអាបងប្រុសវានៅអាមេរិកលូវែលនៅតែដើរនិយាយទៀតថាកូនយើងឆ្កួតបានគេលែងក្បាលចោល ហើយមិនចប់ទៀតថាកូនយើងទៅស្រលាញ់ប្អូនវាដោយមានបំណងចង់បោកលុយប្អូនវា ។ ចំណែកនៅស្រុកខ្មែរវិញឲ្យតែឃើញកូនខ្ញុំដើរជាមួយ ប្រុសៗមិនថាចាស់ ឬក្មេងសុទ្ធតែសង្សារកូនខ្ញុំទាំងអស់ ។
កូនស្រីចូល Club ជួបជុំមិត្តភក្កិក៏មិនបានសុទ្ធតែនិយាយថាវាដើរលេងយប់ផឹកស៊ីអាវ៉ាសែ ។ កាលពីមុនខំអាណិតវា តែការណ៍ពិតវាថោកអ៊ីចឹងសោះ ។ ខ្ញុំចង់ប្រាប់ពួកអ្នកវិញថាកូនស្រីខ្ញុំដែលទៅធ្វើអីអ្នកឯង ! កូនខ្ញុំការងារច្រើនណាស់រកពេលសម្រាកមិនបានផង ពួកអ្នកធ្លាប់ជួយកូនខ្ញុំអីខ្លះ ឈប់ធ្វើចរិតថោកទាបដើរនិយាយដើមគេប្រយត្ន័ងាប់មួយពូជទៅ ! ពេលនេះកូនខ្ញុំមិនពាក់ពន្ធ័រឿងសង្សារស្នេហាជាមួយអ្នកណាទេកូនរវល់ណាស់រឿងរកស៊ី រឿងថតកុន ការងារកូនរបស់វា ឈប់មើលងាយស្ត្រីខ្មែរទៅពួកអាអ្នកច្រណែនឈ្នានីសកូនខ្ញុំ ពេលនេះនាងបានសុខហើយ »។
សំណេររបស់លោកអិុន សុភិន នេះមិនដឹងថាសម្តៅទៅលើលោកប៉ែន ចំរ៉ុង និងក្រុមគ្រួសាររបស់លោកនោះយ៉ាងណាទេ ប៉ុន្តែអត្ថន័យនោះស្តាប់ទៅអាចយល់ ។ ឬវាទំនងជាអាចមានជាប់ពាក់ព័ន្ធទៅលើតារាសម្តែងរូបនេះខ្លះផងដែរ ។
តារាសម្តែងភិន សុដាលិស មួយរយៈចុងក្រោយនេះហាក់ស្ងប់ស្ងាត់បន្តិចពីវិស័យសិល្បៈ ដោយសារតែនាងកំពុងជាប់ដៃមមាញឹកចំពោះជំនួញផ្ទាល់ខ្លួន ។
បន្ទាប់ពីបាក់បែកស្នេហ៍ពីតារាសម្តែងលោក ប៉ែន ចំរ៉ុង ដោយមានកូនស្រីម្នាក់មក ភិន សុដាលីស ក៏ធ្លាប់ទទួលរងព័ត៌មានភ្ជាប់ចំណងស្នេហ៍ជាមួយបុរសមួយចំនួនផងដែរ ប៉ុន្តែព័ត៌មានបានសាបរលាបទៅវិញ ក្នុងពេលដែលវាមិនបានកើតឡើងដូចអ្វីដែលបានលេចឮនោះ ៕
ចែករំលែកព័តមាននេះ