ខេត្តរតនគិរី ៖ លំនៅឋានប្រជាពលរដ្ឋមួយខ្នងត្រូវខ្យល់កន្ត្រាក់បោកបក់ បណ្តាលឱ្យរបើកដំបូលរងការខូចខាតអស់ទាំងស្រុង ដែលហេតុការណ៍នេះបានកើតឡើងកាលពីវេលាម៉ោង១១និង៣០នាទីថ្ងៃទី១៤ ខែកុម្ភៈ ឆ្នាំ២០១៩ ស្ថិតភូមិតាឡាវ ឃុំតាឡាវ ស្រុកអណ្ដូងមាស ខេត្តរតនគិរី។
យោងតាមប្រភពព័ត៌មានបានឱ្យដឹងថា ផ្ទះដែលរងការខូចខាតខាងលើមានម្ចាស់ឈ្មោះ ជឿន ហ្វិល ភេទប្រុស អាយុ៥៦ឆ្នាំ ជាជនជាតិចារាយ រស់នៅភូមិតាឡាវឃុំតាឡាវស្រុកអណ្ដូងមាស ខេត្តរតនគរី ។ គ្រួសាររងគ្រោះដោយសារខ្យល់កន្ត្រាក់បំផ្លាញផ្ទះមានសមាជិកចំនួន១៤នាក់ ក្នុងនោះស្រីចំនួន៧នាក់ ៕
ផ្ទះមួយខ្នងមានទំហំទទឹង៦ម៉ែត្រ និងបណ្តោយប្រវែង១៤ម៉ែត្រ ធ្វើអំពីឈើប្រក់សង្ក័សី បានរងការខូចខាតសំភារៈរួមមានសង្ក័សីចំនួន៦១សន្លឹក និងសំភារៈផ្សេងៗមួយចំនួនទៀតផងដែរ ៕
ចែករំលែកព័តមាននេះ