ខេត្តកំពង់ស្ពឺ ៖ បន្ទាប់ពីព្រះរាជអាជ្ញារងចេញដីកាបង្គាប់ឱ្យកម្លាំងសមត្ថកិច្ចឃាត់ខ្លួនឧកញ៉ាម្នាក់ពីបទរំលោភលើទំនុកចិត្តរួចមក ស្រាប់តែពេលថ្មីៗនេះបែកធ្លាយព័ត៌មានមកថា មានអ្នកកំពុងរត់ការសុំឱ្យឧកញ៉ាសង្ស័យក្លែងក្លាយបាននៅក្រៅឃុំ ខណៈមិនទាន់សងលុយ និងដីដល់ម្ចាស់បណ្តឹងនៅឡើយ។ ក្រុមអ្នករត់ការទាំងនោះ ត្រូវបានដឹងថា ម្នាក់ជាក្រុមប្រឹក្សាស្រុកនិងអធិការរងស្រុកឧដុង្គ…
ខេត្តកំពង់ស្ពឺ ៖ បន្ទាប់ពីព្រះរាជអាជ្ញារងចេញដីកាបង្គាប់ឱ្យកម្លាំងសមត្ថកិច្ចឃាត់ខ្លួនឧកញ៉ាម្នាក់ពីបទរំលោភលើទំនុកចិត្តរួចមក ស្រាប់តែពេលថ្មីៗនេះបែកធ្លាយព័ត៌មានមកថា មានអ្នកកំពុងរត់ការសុំឱ្យឧកញ៉ាសង្ស័យក្លែងក្លាយបាននៅក្រៅឃុំ ខណៈមិនទាន់សងលុយ និងដីដល់ម្ចាស់បណ្តឹងនៅឡើយ។ ក្រុមអ្នករត់ការទាំងនោះ ត្រូវបានដឹងថា ម្នាក់ជាក្រុមប្រឹក្សាស្រុកនិងអធិការរងស្រុកឧដុង្គ ហើយម្នាក់ទៀតជាយោធាផ្កាយ៣។
ប្រភពពីមន្ត្រីតុលាការមួយរូបបង្ហើបក្នុងលក្ខខណ្ឌមិនបញ្ចេញឈ្មោះបានអោយដឹងថា បន្ទាប់តំណាងអយ្យការឃាត់ខ្លួនជនសង្ស័យយកទៅដាក់ក្នុងពន្ធនាគារមិនបានប៉ុន្មានថ្ងៃផង ស្រាប់តែក្រុមមនុស្សទាំង៣នាក់ខាងលើ បានរត់ការខ្វាត់ខ្វែងជាមួយចៅក្រម ដើម្បីឱ្យជនសង្ស័យបានរួចពីការជាប់ឃុំ។
ប្រភពបន្តថា ក្រោយពីអធិការរងស្រុកឧដុង្គ និងគូកនបានចេញ-ចូលជួបខាងតុលាការ ស្រាប់តែចៅក្រមប្រុងដោះលែងឱ្យនៅក្រៅឃុំតែដោយសារម្ចាស់ដី និងលុយដឹងរឿង ហើយគ្រោងនាំគ្នាប្រុងឡើងមកតុលាការក៏លេចឮថា ចៅក្រមក៏ផ្អាកដំណើរការតែម្តង។
ដោយឡែកតាមប្រភពពីមន្ត្រីនគរបាលស្រុកឧដុង្គឯណោះវិញបានបង្ហើបផងដែរថា តាមអ្វីដែលពលរដ្ឋនិយាយ បើខាងតុលាការដោះលែងជនសង្ស័យក៏លែងទៅ តែសុំឱ្យជនសង្ស័យសងលុយ និងដីមកពួកគាត់ជាមុនសិន។
ក្នុងនោះផងដែរ តំណាងឈ្មោះ លី ជុន បានទាមទារឱ្យជនសង្ស័យ សូ សារឹម ដោះស្រាយដីដែលខ្វះជិត២ហិចតាមកខ្លួន ព្រោះលុយបានប្រគល់គ្រប់អស់ហើយ ( ត្រូវតែប្រគល់ដីគ្រប់ចំនួនតាមកិច្ចសន្យាលក់ទិញ និងប្លង់ដែលចេញដោយអាជ្ញាធរឃុំ-ស្រុក)។
ព័ត៌មានពិស្តារមានផ្សាយនៅលើកាសែតកោះសន្តិភាព
ចែករំលែកព័តមាននេះ