Barcelona បន្តចងជើងតារាឆ្នើម Lionel Messi
តាមប្រភពព័ត៌មាន Soccer Laduma បានឱ្យដឹងថា ប្រធានក្លិបអ្នកមានបុណ្យ Barcelona លោក Josep Maria Bartomeu…
តាមប្រភពព័ត៌មាន Soccer Laduma បានឱ្យដឹងថា ប្រធានក្លិបអ្នកមានបុណ្យ Barcelona លោក Josep Maria Bartomeu ថាលោកនឹងធ្វើការពិភាក្សាជាមួយនឹង Messi ស្តីអំពីការបន្តកុងត្រា ដែលមានភាពប្រសើរជាមុន ។
Messi ដែលរៀនចប់ខាងបាល់ទាត់នៅសាលា La Masia និង ចេញមកទាត់ដំបូងនៅ Barcelona តាំងពីឆ្នាំ២០០៤ ។ កីឡាកររូបនេះ បន្តនៅក្លិបដដែលអស់ជាច្រើនឆ្នាំមកហើយរហូតមកដល់សព្វថ្ងៃនេះ ។
កុងត្រារបស់ Messi នាពេលបច្ចុប្បន្ននឹងផុតនៅឆ្នាំ២០២១ វាមានតម្លៃទិញផ្តាច់កុងត្រារហូតដល់៧០០លានអឺរ៉ូសម្រាប់តារាឆ្នើមរូបនេះ ។
លោក Josep បានប្រាប់ដល់សារព័ត៌មាន FourFour Two ថា ៖«ទំនាក់ទំនងរវាង Messi និង Barcelona នឹងបន្តជារៀងរហូត ។ Lionel Messi នឹងបន្តជាមួយយើងរហូត ។ គេគឺជាកីឡាកររបស់ក្លិប និងមានទំនាក់ទំនងដែលមិនចេះចប់»។
ជាមួយគ្នានេះដែរលោក Josep ក៏បាននិយាយពីការបន្តកុងត្រារបស់កីឡាករ Jordi Alba ផងដែរ ដែលមកលេងនៅក្លិបនេះតាំងពីឆ្នាំ២០១២ ។ លោកថា លោកមានជំនឿទុកចិត្តថា កីឡាកររូបនេះនឹងបន្តនៅតទៅទៀតជាមួយកុងត្រារយៈពេល៥ឆ្នាំ ៕
ចែករំលែកព័តមាននេះ