រាជធានីភ្នំពេញ ៖ សម្តេចតេជោបានអះអាងជាថ្មីថា គ្មានអ្នកណាម្នាក់មកចលនាឲ្យលើកលែងទោសលោក កឹម សុខា អតីតគណបក្សសង្គ្រោះជាតិ ឬលើកលែងទោសឲ្យលោក សម រង្ស៊ីបានទៀតទេ…
រាជធានីភ្នំពេញ ៖ សម្តេចតេជោបានអះអាងជាថ្មីថា គ្មានអ្នកណាម្នាក់មកចលនាឲ្យលើកលែងទោសលោក កឹម សុខា អតីតគណបក្សសង្គ្រោះជាតិ ឬលើកលែងទោសឲ្យលោក សម រង្ស៊ីបានទៀតទេ ។ នេះបើតាមខ្សែអាត់សំឡេងរបស់សម្តេចតេជោ ហ៊ុន សែន ។
យោងតាមខ្សែអាត់សំឡេងត្រូវបានវិទ្យុអាស៊ីសេរីផ្សាយសម្តេចតេជោ ហ៊ុនសែន បានបញ្ជាក់«ឯខ្ញុំក៏ងាយស្រួលដែរ គឺគ្មានអ្នកណាមកចលនាខ្ញុំឲ្យលើកលែងទោសឲ្យកឹម សុខា ឬសម រង្ស៊ីបានទៀតទេ ព្រោះអ្នកឯងធ្វើដល់ចំណុចនេះហើយ វាងាយស្រួលសម្រាប់ខ្ញុំ ដូច្នេះយើងត្រូវ យល់អំពីចំណុចនេះ ។ វាលំបាកក៏ប៉ុន្តែ វាក៏មានចំណុចងាយស្រួលសម្រាប់យើងដែរ បានសេចក្តីយើងគ្រប់គ្រងសភាពបានទាំងស្រុង» ។
សម្តេចក៏បានស្នើអ្នកនាំពាក្យទាំងអស់កុំតបតជាមួយលោក សម រង្ស៊ី ប៉ុន្តែសារព័ត៌មានមួយចំនួនត្រូវតបតដោយយកសំដីអ្នកវិភាគតបតដោយកុំឲ្យ សម រង្ស៊ី ក្លាយជាតួអង្គឯងមួយ និងតួអង្គមួយ ស្ថិតក្នុជម្រើសនយោបាយណាមួយ នៅពេលអនាគតត្រូវបញ្ចប់ជីវិតនយោបាយ ពួកអាចោរក្បត់ជាតិ ចាប់ពីពេលនេះតទៅតាមរយៈដែល EU បានផ្តល់ឲ្យយើង ។ សម្តេចក៏បានលើកឡើងថា ទោះបីជាមាន ឬមិនមាន EBA ក៏កម្ពុជាមិនស្លាប់ដែរ ហើយបើគេឲ្យត្រឡប់មកវិញក៏ជាឱកាសល្អក៏ប៉ុន្តែខ្ញុំបញ្ជាក់ថា ខ្ញុំមិនធ្វើសត្រូវជាមួយបរទេស ឬជាមួយសហភាពអឺរ៉ុបនោះទេ ។
នេះជាការសម្រេចរបស់មនុស្សពីរនាក់សំខាន់ប៉ុណ្ណោះដែលប្រទេសជាច្រើនមិនពេញចិត្តនោះទេ ។ សម្តេចក៏បានស្នើដល់អ្នកនាំពាក្យទាំងអស់កុំធ្វើអត្ថាធិប្បាយនានាដែលប៉ះពាល់ដល់សហភាពអឺរ៉ុប ហើយត្រូវស្ងាត់ស្ងៀមក្នុងការតបតជាមួយសម រង្ស៊ី ។ សម្តេចតេជោបញ្ជាក់ថា «វាធ្វើសកម្មភាពកាន់តែសាហាវទៅៗរកមកចាំខ្ញុំផង។ វាមកដល់ភ្លាមវៃខ្នោះតែម្តង ហើយសិនតដៃ គឺយើងដឹងហើយថា ការតដៃយើងត្រូវធ្វើយ៉ាងណាម៉េច ។នេះខ្ញុំសូមបញ្ហជំហររបស់ខ្ញុំ គឺមិនត្រូវលក់អធិបតេយ្យ ដើម្បីដោះដូរជំនួយបរទេសណាមួ យទេ» ។
សូមរឮកថា សម្តេចតេជោ ហ៊ុន សែន ធ្លាប់បានបញ្ជាក់ជាសាធាណៈជាច្រើនដងមកហើយថាគ្មានការលើកលែងទោសដល់លោក កឹម សុខា និងលោក សម រង្ស៊ីនោះទេ ៕
ចែករំលែកព័តមាននេះ