បើកប្រតិបត្តិការបង្ក្រាបទីតាំងស្តុកឈើកែច្នៃ
- ស្ទឹងត្រែង
ខេត្តស្ទឹងត្រែង ៖ កម្លាំងចម្រុះកាលពីវេលាព្រឹកថ្ងៃទី១៣ កុម្ភៈ ក្រោមការបញ្ជាផ្ទាល់ពីអភិបាលខេត្តលោក ម៉ុម សារឿន ប្រតិបត្តិការមួយ ដឹកនាំដោយលោកឧត្តមសេនីយ៍ទោ ម៉ៅ…
ខេត្តស្ទឹងត្រែង ៖ កម្លាំងចម្រុះកាលពីវេលាព្រឹកថ្ងៃទី១៣ កុម្ភៈ ក្រោមការបញ្ជាផ្ទាល់ពីអភិបាលខេត្តលោក ម៉ុម សារឿន ប្រតិបត្តិការមួយ ដឹកនាំដោយលោកឧត្តមសេនីយ៍ទោ ម៉ៅ…
ខេត្តស្ទឹងត្រែង ៖ កម្លាំងចម្រុះកាលពីវេលាព្រឹកថ្ងៃទី១៣ កុម្ភៈ ក្រោមការបញ្ជាផ្ទាល់ពីអភិបាលខេត្តលោក ម៉ុម សារឿន ប្រតិបត្តិការមួយ ដឹកនាំដោយលោកឧត្តមសេនីយ៍ទោ ម៉ៅ តារា បានធ្វើការបង្ក្រាបទីតាំងស្តុកឈើកែច្នៃទ្វារ-បង្អួចគ្មានច្បាប់អនុញ្ញាតជាច្រើនកន្លែង នៅក្នុងភូមិស្រែគរស្រុកសេសាន ។
លោកវរសេនីយ៍ឯក វ៉ា សុផាន់ នាយការិយាល័យប្រឆាំងបទល្មើសសេដ្ឋកិច្ចបានប្រាប់នៅទីតាំងសិប្បកម្មកែច្នៃឈើខុសច្បាប់នោះថា បន្ទាប់ពីមន្ត្រីជំនាញសើុបអង្កេតបានដឹងថាចំណុចទីតាំងខាងលើ បានលបលួចកែច្នៃធ្វើគ្រោងទ្វារបង្អួចឈើ ដោយពុំមានលិខិតអនុញ្ញាតក្នុងភូមិសាស្ត្រស្រុកសេសានរាប់ឆ្នាំមកហើយ ។
ក្រោយកែច្នៃបានពាក់កណ្តាលសម្រេចគេដឹកបន្តតាមរថយន្តសាំយ៉ុងចេញទៅទីផ្សារគោលដៅជារៀងរាល់យប់ ។ លោកវរសេនីយ៍ឯកបន្តថា ទីតាំងស្ថិតក្រោមការបង្ក្រាបនេះកាលពីខែមីនា ឆ្នាំ២០១៨កន្លងមក ធ្លាប់បានបង្ក្រាបម្តងរួចមកហើយតែសិប្បកម្មនេះ ហាក់បីដូចជាមិនរាងចាល បែរជាប្តូរទីតាំងចាស់មកបង្កើតទីតាំងថ្មី ដោយកាប់ឈើរាប់សិបម៉ែត្រគូបស្តុកទុកដើម្បីកែច្នៃធ្វើទ្វារបង្អួចបន្តទៀត ។
តាមការបញ្ជាក់បន្ថែមលោកថាឈើដែលកម្លាំងចម្រុះចុះបង្ក្រាបនេះជាប្រភេទឈើសុក្រំជាប្រភេទឈើលេខ១ ដែលមានមុខកាត់ប្រវែងចាប់ពី១ ម៉ែត្ររហូតដល់ប្រវែង៦ម៉ែត្រ ។
បច្ចុប្បន្ន ឈើដែលមានចំនួនច្រើនសន្ធឹកសន្ធាប់នោះ ត្រូវគេប៉ាន់ស្មានមានប្រមាណជា២០ ទៅ៣០ម៉ែត្រគូបនោះ សមត្ថកិច្ចកំពុងតែធ្វើការត្រួតពិនិត្យ និងរកមធ្យោបាយដើម្បីដឹកជញ្ជូនទៅកាន់រដ្ឋបាលព្រៃឈើខេត្តចាត់ការបន្តទៅតាមនីតិវិធី ។
មានគេខ្សិបប្រាប់កោះសន្តិភាពថា ទីតាំងសិប្បកម្មមួយៗមិនមែនមន្ត្រីជំនាញមិនដឹងខ្យល់នោះទេ ប៉ុន្តែសង្ស័យហោប៉ៅចំហធំពេក ទើបមើលលែងឃើញ ។ យូរៗបង្ក្រាបម្តងយកស្នាដៃទាន់ដើមឆ្នាំ ៕
ចែករំលែកព័តមាននេះ