រាជធានីភ្នំពេញ ៖ សម្តេចតេជោបានអះអាងថា ទោះបីជាគ្មានការដកអនុគ្រោះពន្ធយ៉ាងណាក្តីក៏ប្រទេសកម្ពុជាមិនស្លាប់នោះទេ ។ ការលើកឡើងរបស់ប្រមុខរាជរដ្ឋាភិបាលនេះខណៈដែលសហភាពអឺរ៉ុបបានផ្អាកអនុគ្រោះពន្ធមកកម្ពុជា កាលពីថ្ងៃទី១១ ខែកុម្ភៈ កន្លងមកនេះ ។…
រាជធានីភ្នំពេញ ៖ សម្តេចតេជោបានអះអាងថា ទោះបីជាគ្មានការដកអនុគ្រោះពន្ធយ៉ាងណាក្តីក៏ប្រទេសកម្ពុជាមិនស្លាប់នោះទេ ។ ការលើកឡើងរបស់ប្រមុខរាជរដ្ឋាភិបាលនេះខណៈដែលសហភាពអឺរ៉ុបបានផ្អាកអនុគ្រោះពន្ធមកកម្ពុជា កាលពីថ្ងៃទី១១ ខែកុម្ភៈ កន្លងមកនេះ ។
ថ្លែងក្នុងបិទសន្និបាតបូកសរុបការងាររបស់ក្រសួងមហាផ្ទៃ នាថ្ងៃទី១៤ ខែកុម្ភៈ ឆ្នាំ២០១៩នៅទីស្តីការក្រសួងសម្តេចតេជោ ហ៊ុនសែន បានលើកឡើងថា ខ្ញុំចង់ជម្រាបជូនថា កំណើនសេដ្ឋកិច្ចនៅកម្ពុជាដែលបានប្រកាសនៅកាលពីដើមឆ្នាំកន្លងទៅដែលមាន៧.៣% នោះឥឡូវអាអឹមអេស សហការជាមួយស្ថាប័នពាក់ព័ន្ធរបស់កម្ពុជាបានវាយតម្លៃឡើយវិញថា កំណើនសេ ដ្ឋកិច្ចកម្ពុជាពីឆ្នាំ២០១៨កន្លងមកនេះ គឺមានរហូតដល់៧,៥% ដែលជាកំណើនខ្ពស់ ។
សម្តេចបញ្ជាក់ថា «ឥឡូវខ្ញុំចង់និយាយបន្តិចថា អ្វីទៅដែលហៅថា EBA ? បញ្ហាដែល បាត់បង់នូវភាពអនុគ្រោះពន្ធ និងការបាត់ទីផ្សារ គឺមានច្រើនខុសគ្នានៅទីនេះ គឺការដែលយើ ងមិនអនុវត្តទៅតាមអ្វីដែលគេចង់បានការបង្គាប់បញ្ជារបស់គេទ្រនិចនាឡិកាត្រូវបានចាប់ផ្តើ មអំពីការពិនិត្យទៅលើបញ្ហាការព្យួរនូវភាពអនុគ្រោះពន្ធនេះ មានរយៈពេល១៨ខែ បើគិតពី ពេលនេះទៅដល់ពេលដែលគេត្រូវដក ឬមិនដក គឺរហូតដល់ពាក់កណ្តាលឆ្នាំ២០២០ ។
សម្តេចបានបន្ថែមថា នីតិវិធីនេះ គឺជានីតិវិធីធម្មតារបស់ពួកគេ នោះហើយដែលខ្ញុំដែលចង់និយាយថា យើងចង់រស់ដោយប្រើខ្យល់អុកស៊ីសែន ដែលមិនត្រូវពឹងពាក់នូវខ្យល់ដែលប ញ្ជូនឲ្យយើងនោះទេ ។ បានជាក្នុងចំណុចនេះនៅក្នុងសុន្ទកថាដែលខ្ញុំសរសេរនៅក្នុងម៉ោង ១២យប់ និង២ភ្លឺយប់មិញ ខ្ញុំបានបញ្ជាក់ថា ពុំមាន ឬមាន EBA វាក៏មិនធ្វើឲ្យយើងស្លាប់ តែវាក៏មិនធ្វើឲ្យយើងក្លាយជាអ្នកមានបានដែរ ។ សម្តេចបន្ថែមបញ្ហារស់ស៊ីបង់ពន្ធឲ្យគេ គេបង់ពន្ធឲ្យយើង គឺជារឿងស្មើភាពសមហេតុសមផល ដែលយើងមិនចង់ឲ្យអ្នកប្រើប្រាស់នូវភាពអនុគ្រោះ ហើយបែរជាមកបង្វិលក្បាលយើងតាមចិត្តចង់នោះទេ។
ខ្ញុំបានបញ្ជាក់តាំងពីដើមទីមកថា មិនអាចយកអធិបតេយ្យជាតិរបស់យើងទៅដោះដូរជាមួយអ្នកណាទាំងអស់ ។ ដូច្នេះហើយបានជាយើងត្រូវខិតខំហើយខ្ញុំបញ្ជាក់ថា EBA នេះយូរ ឬឆាប់ វាគង់តែបាត់ទេ ។ នៅពេលណាដែលសេដ្ឋកិច្ចរបស់យើងដើរដល់ដំណាក់កាលមួយ ពេលនោះយើងនឹងបាត់ដោយស្វ័យប្រវត្តិ ។ វាគ្រាន់តែបាត់មុនបន្តិចតែប៉ុណ្ណោះ ដែលយើងត្រូវប្រឹង ត្រូវទ្រាំពីមុនធ្លាប់ចំណេញច្រើនឥឡូវចំណេញតិចតែប៉ុណ្ណោះ ៕
ចែករំលែកព័តមាននេះ