ទីក្រុងហូជីមិញនឹងវិនិយោគលើកសិផល៦ប្រភេទ
ប្រទេសវៀតណាម ៖ យោងតាមភ្នាក់ងារសារព័ត៌មាន Viet Nam News កាលពីថ្ងៃពុធ កន្លងមកបានឲ្យដឹងថា ទីក្រុងហូជីមិញនឹងវិនិយោគលើកសិផលចំនួន ៦ប្រភេទ…
ប្រទេសវៀតណាម ៖ យោងតាមភ្នាក់ងារសារព័ត៌មាន Viet Nam News កាលពីថ្ងៃពុធ កន្លងមកបានឲ្យដឹងថា ទីក្រុងហូជីមិញនឹងវិនិយោគលើកសិផលចំនួន ៦ប្រភេទ…
ប្រទេសវៀតណាម ៖ យោងតាមភ្នាក់ងារសារព័ត៌មាន Viet Nam News កាលពីថ្ងៃពុធ កន្លងមកបានឲ្យដឹងថា ទីក្រុងហូជីមិញនឹងវិនិយោគលើកសិផលចំនួន ៦ប្រភេទ និងភូមិសិប្បកម្មចំនួន៦ ក្រោមកម្មវិធីសហគមន៍មួយផលិតផលមួយដែលតម្រូវឲ្យសហគមន៍ជនបទនីមួយៗបង្កើតជំនាញដោយខ្លួនឯង ។
កសិផលទាំង ៦រួមមានបន្លែ ផ្កា សត្វគោចិញ្ចឹមសម្រាប់ទឹកដោះ ជ្រូក បង្គារ និងត្រីចិញ្ចឹមជាដើម ចំណែកឯភូមិទាំង ៦ រួមមានភូមិសិប្បកម្មកន្ត្រកឬស្សី Thai My, ភូមិ Phu Hao, Tan Tjong Hoi, Xuan Thoi Son, Le Minh Xuan និង ភូមិ Ly Nhon ជាដើម ។
ក្រោមកម្មវិធីខាងលើ ស្តង់ដារ VietGAP នឹងត្រូវបានប្រើប្រាស់ក្នុងដំណើរការផលិតកម្ម ហើយកសិករនឹងត្រូវបានជំរុញឲ្យសហការជាមួយនឹងសហគ្រាសនិងសហករណ៍ ។ ទីក្រុងហូជីមិញនឹងជួយដល់សហគ្រាសក្នុងផ្នែកស្ថាបនាយីហោ និងរៀបចំសកម្មភាពសម្របសម្រួលការធ្វើពាណិជ្ជកម្មជាដើម ។
ទីក្រុងខាងលើក៏នានគម្រោងបង្កើតតំបន់ឯកជនពីរដែលសហការជាមួយនឹងកម្មវិធីវិស័យទេសចរណ៍ដើម្បីលើកតម្កើងនិងលក់ផលិតផលជំនាញក្នុងតំបន់នៅ Cu Chi និង Can Gio ជាដើម ។
គោលនយោបាយដែលល្អប្រសើរសម្រាប់កសិផលធំៗ ផលិតផលភូមិសិប្បកម្ម និងផលិតផលជំនាញក្នុងតំបន់ក៏នឹងត្រូវបានបង្កើតឡើងដែរ ។
ទីក្រុងហូជីមិញបានចាត់តាំងនាយកដ្ឋានឧស្សាហកម្មនិងពាណិជ្ជកម្មឲ្យផ្តល់ពត៌មានទាក់ទិននឹងតម្លៃនិងតម្រូវការទីផ្សារដល់អ្នកដែលចូលរួមកម្មវិធី ។
លោក Nguyen Thanh Phong ដែលជាប្រធានគណៈកម្មាធិការប្រជាជនរបស់ទីក្រុងហូជីមិញបាននិយាយថា តម្លៃទិន្នផលក្នុងមួយហិចតានៃដីសម្រាប់កសិកម្មកំពុងតែកើនឡើងខណៈដែលចំនួនដីបានធ្លាក់ចុះបន្តិចម្តងៗ ៕
ចែករំលែកព័តមាននេះ