អាជ្ញាធរអេហ្សុីបបង្ហើបឲ្យដឹងកាលពីថ្ងៃទី២ ខែកុម្ភៈ ឆ្នាំ២០១៩ ថាប្រទះឃើញផ្នូរមុាំមីបុរាណជាច្រើនកន្លែងក្នុងក្រុងមីនយ៉ា (Minya) ភាគខាងត្បូងក្រុងគែរ ។ មុាំមីនោះមានទាំងបុរស-ស្ត្រី និងមុាំមីកុមារចំនួន១២គ្រោង អាយុជាង២០០០ឆ្នាំមុន ។
អ្នកបុរាណវិទ្យារំពឹងទុកថា ផ្នូរបុរាណទាំងនេះបានសាងសង់ឡើងប្រហែល៣០០ឆ្នាំមុនគ្រឹះសករាជ មានអាយុជាង២០០០ឆ្នាំ និងរំពឹងថាអាចជាផ្នូរបស់ក្រុមគ្រួសារវណ្ណៈកណ្ដាលនៅក្នុងយុគសម័យ«Ptolemy» ឬក្នុងយុគមុាំមីទើបចាប់កកើតលើកដំបូង ។
មុាំមីនៅក្នុងផ្នូរមានទម្រង់ល្អ មានខ្លះរក្សាទុកនៅក្នុងមឈូសថ្ម និងខ្លះទៀតមានអក្សរជាភាសាអេហ្សុីបបុរាណសរសេរនៅពីលើ ។ ក្រៅពីនេះប្រទះឃើញឧបករណ៍ស្មូនដី ក្រដាស«ប៉ាពីរុស» (papyrus) និងមឈូសមានក្បូរក្បាច់ ។
កាលពីប៉ុន្មានឆ្នាំមុនអេហ្សុីបបានរកឃើញវត្ថុបុរាណជាហូរហែ និងជាផ្នែកមួយជំរុញដល់វិស័យទេសចរណ៍ ៕
ចែករំលែកព័តមាននេះ