ខេត្តក្រចេះ ៖ បើទោះបីជាតួលេខគ្រោះថ្នាក់ចរាចរណ៍មានការថយចុះយ៉ាងណាក៏ដោយ ប៉ុន្តែករណីនេះគឺនៅតែជាបញ្ហាប្រឈម ហើយត្រូវទាមទារឱ្យពលរដ្ឋមានការចូលរួមគោរពច្បាប់ទាំងអស់គ្នាផងដែរ ។លោកវ៉ា ថន អភិបាលខេត្តក្រចេះមានប្រសាសន៍បែបនេះ នៅក្នុងកិច្ចប្រជុំបូកសរុបលទ្ធផលការងារ ចរាចរណ៍ប្រចាំឆ្នាំ…
ខេត្តក្រចេះ ៖ បើទោះបីជាតួលេខគ្រោះថ្នាក់ចរាចរណ៍មានការថយចុះយ៉ាងណាក៏ដោយ ប៉ុន្តែករណីនេះ
គឺនៅតែជាបញ្ហាប្រឈម ហើយត្រូវទាមទារឱ្យពលរដ្ឋមានការចូលរួមគោរពច្បាប់ទាំងអស់គ្នាផងដែរ ។លោកវ៉ា ថន អភិបាលខេត្តក្រចេះមានប្រសាសន៍បែបនេះ នៅក្នុងកិច្ចប្រជុំបូកសរុបលទ្ធផលការងារ ចរាចរណ៍ប្រចាំឆ្នាំ និងលើកទិសដៅសម្រាប់អនុវត្តបន្ត កាលពីព្រឹកថ្ងៃទី១២ កុម្ភៈ នៅក្នុងសាលមហោស្រពខេត្តក្រចេះ ។
បើតាមរបាយការណ៍របស់លោកឧត្តមសេនីយ៍ទោ លន់ សុផាត ស្នងការនគរបាលខេត្តបានបង្ហាញនៅក្នុងកិច្ចប្រជុំឱ្យដឹងទៀតថា ក្នុងឆ្នាំ២០១៨ នៅទូទាំងខេត្តក្រចេះមានស្រុក៥ និងក្រុង១ ករណីគ្រោះថ្នាក់ចរាចរណ៍ បានកើតឡើងចំនួន១៦៧លើក លើ១៧៤លើក (ថយចុះ៧លើក) បង្កឱ្យមានមនុស្សស្លាប់៦០នាក់ លើ៦៨នាក់ (ថយចុះ៨នាក់) របួសធ្ងន់ស្រាល ២៥៦នាក់ លើ២៧៣នាក់ (ថយចុះ១៧នាក់) ។ ហើយករណីគ្រោះថ្នាក់ចរចរណ៍ទាំងនេះ បានដោះស្រាយបញ្ចប់ និងបញ្ជូនសំណុំរឿងទៅអយ្យការអមសាលាដំបូងខេត្ត១៤០ករណី ជនបង្កពីរនាក់ (ប្រុស) រត់គេចខ្លួន១៥ករណី និងកំពុងសម្រុះសម្រួល៩ករណី ។
លោកបន្តថា ក្នុងចំណោមករណីគ្រោះថ្នាក់ចរាចរណ៍ទាំង១៦៧លើក មានករណីមិនពាក់មួកសុវត្ថិភាព៣៦ លើក បណ្តាលឱ្យមានមនុស្សស្លាប់៣៨នាក់ (ស្រី៨នាក់) ក្នុងចំណោមអ្នកស្លាប់ចំនួន៦០នាក់ ។ មូលហេតុដែលបង្កឱ្យមានករណីគ្រោះថ្នាក់ចរាចរណ៍ទាំងនេះ មានដូចជាបើកបរលើសល្បឿនកំណត់ មិនគោរពសិទ្ធិអាទិភាព បើកបរក្នុងស្ថានភាពស្រវឹង, ជែងដោយប្រថុយប្រថានបត់ឆ្វេង-ស្តាំមិនប្រុងប្រយ័ត្ន និងការមិនពាក់មួយសុវត្ថិភាព ក្នុងពេលបើកបរគឺជាបញ្ហាប្រឈម។
ចែករំលែកព័តមាននេះ