នៅពេលអ្នកចាប់អានអត្ថបទនេះ អ្នកប្រាកដជាមនុស្សចាប់អារម្មណ៍នឹងការរកស៊ីម្នាក់ហើយ។ ដូចនេះអ្នកគួរតែយល់ពីជំនាញទាំង៤ ដែលយើងខ្ញុំបានយកពីគេហទំព័រ Alux។ គេរកឃើញតាមរយៈការសិក្សាមួយកាលពីប៉ុន្មានឆ្នាំមុនថា មនុស្សដែលមានកម្រិត EQ ខ្ពស់ គឺមានភាពជោគជ័យជាងអ្នកមាន…
នៅពេលអ្នកចាប់អានអត្ថបទនេះ អ្នកប្រាកដជាមនុស្សចាប់អារម្មណ៍នឹងការរកស៊ីម្នាក់ហើយ។ ដូចនេះអ្នកគួរតែយល់ពីជំនាញទាំង៤ ដែលយើងខ្ញុំបានយកពីគេហទំព័រ Alux។ គេរកឃើញតាមរយៈការសិក្សាមួយកាលពីប៉ុន្មានឆ្នាំមុនថា មនុស្សដែលមានកម្រិត EQ ខ្ពស់ គឺមានភាពជោគជ័យជាងអ្នកមាន IQ ខ្ពស់ ដល់ទៅ៧០%។ គេក៏រកឃើញថា អ្នកដែលមានជំនាញទាំង៤ខាងក្រោមនេះ គឺអាចក្លាយទៅជាអ្នកជំនួញជោគជ័យទៅថ្ងៃមុខ។
១. ជំនាញទំនាក់ទំនង ៖ ជំនាញសំខាន់ជាងគេទីមួយ គឺការទំនាក់ ទំនង ។ វាគឺជាអ្វីដែលយើងធ្វើជារៀងរាល់ថ្ងៃ ដើម្បីអាចរស់នៅក្នុងសង្គមបាន។ នៅអ្នកក្លាយជាថៅកែក្នុងមុខជំនួញដែលមិនសូវមានបុគ្គលិក អ្នកមិនចាំបាច់និយាយច្រើនក្នុងក្រុមហ៊ុននោះទេ។ តែអ្នកត្រូវពូកែទាក់ទងមនុស្សខាងក្រៅ ដែលជាអតិថិជនរបស់អ្នក។ ប្រសិនបើអ្នកមានបញ្ហាទំនាក់ទំនង ហើយចង់ពង្រឹងលើជំនាញនេះ អ្នកអាចរកថ្នាក់ណាដែលបង្រៀនពីជំនាញនេះ អានសៀវភៅឱ្យបានច្រើន ឬក៏មើលវីឌីអូក្នុង YouTube ពីរបៀបទំនាក់ទំនង ហើយយកវាទៅអនុវត្តន៍។
២. ជំនាញធ្វើយីហោឱ្យល្បី ៖ វាជាជំនាញដែលចាប់ដៃគ្នាជាប់ជាមួយនឹងការធ្វើទីផ្សារ។ អ្នកទិញនឹងមិនទិញឡើយ សម្រាប់ទំនិញណាដែលគេមិនជឿទុកចិត្ត។ ដូចនេះហើយ បានជាមុខជំនួញជោគជ័យមួយចំនួនកាន់តែមានភាពជោគជ័យ ខណៈដែលមុខជំនួញដែលគេមិនសូវស្គាល់ មិនសូវជាលោតប៉ុន្មានទេ។ បើចង់ឱ្យយីហោរបស់អ្នកល្បី អ្នកអាចធ្វើតាមវិធីច្រើនយ៉ាង ដែលក្នុងនោះគឺមិនចោលទេ ការបង្ហោះតាមអនឡាញក្នុងបណ្តាញសង្គម ។
៣. ជំនាញលក់ ៖ មិនថាមុខជំនួញរបស់អ្នកស្ថិតនៅក្នុងប្រភេទណាទេ អ្នកត្រូវតែចេះលក់។ វាអាចជាការលក់ទំនិញ ឬលក់សេវាដល់អតិថិជន។ អ្វីដែលកាន់តែសំខាន់ទៀតនោះ អ្នកត្រូវចេះលក់គំនិតរបស់អ្នកឱ្យអ្នកវិនិយោគផ្សេងទៀតជឿតាម ហើយយល់ព្រមជាមួយនឹងគម្រោងរបស់អ្នក។
៤. ជំនាញជាអ្នកដឹកនាំ ៖ ជាទូទៅ ភាពជាអ្នកដឹកនាំគឺជាអ្វីដែលយើងត្រូវការក្នុងគ្រប់ធុរកិច្ចទាំងអស់។ ការដឹកនាំគេ ហាក់បីដូចជាតៃកុងរថយន្ត កាន់ដៃចង្កូតអីចឹង។ មនុស្សមួយចំនួនកើតមកមានជំនាញនេះស្រាប់ពីកំណើត ខណៈដែលមនុស្សខ្លះទៀត ត្រូវរៀនពីវា។ មិនថា អ្នកធ្វើយ៉ាងណាទេ អ្នកត្រូវតែមានវាជាប់នឹងខ្លួន ។
បើដឹងថាខ្លួនមានជំនាញទាំង៤នេះហើយ តោះ! ចាប់ផ្តើមគិតគួរពីការរកស៊ីជាមួយគ្នា !
ចែករំលែកព័តមាននេះ