រាជធានីភ្នំពេញ ៖ យោងតាមគណនីហ្វេសប៊ុករបស់លោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ បានឲ្យដឹងមុននេះបន្តិចថា មានការសម្រេចបង្កើតក្រុមអន្តរាគមន៍ពិសេសសម្រាប់ដោះស្រាយបញ្ហាកកស្ទះចរាចរណ៍ចំនួន៣ក្រុម ដោយមានការឯកភាពពីគណ:បញ្ជាការឯកភាពសាលារាជធានីភ្នំពេញ ។
លោកឧត្តមសេនីយ៍ឯក ស ថេត បានបញ្ជាក់ថា ក្រុមនេះនឹងចល័តទៅគ្រប់គោលដៅដែលមានការកកស្ទះខ្លាំងរៀងរាល់ថ្ងៃ, ទប់ស្កាត់ការជិះបញ្ច្រាសនៅម៉ោងកកស្ទះ និងសុំអោយកម្លាំងសម្រួលចរាចរណ៍ពេលស្ទះខ្លាំងអោយបានធូរស្បើយ មិនត្រូវឈរលើថ្នល់ មើលការកកស្ទះឡើយ ។
ក្រុមការងារពិសេសនឹងត្រូវជិះម៉ូតូចល័តទៅគ្រប់កន្លែងដែលស្ទះ ហើយសម្រួលដោះស្រាយបញ្ហាស្ទះភ្លាមៗ, ត្រូវត្រៀមខ្លួនជានិច្ចនៅតាមច្រកចេញរាជធានីភ្នំពេញនៅពេលមានពិធីបុណ្យជាតិសំខាន់ៗ, ត្រូវលុបបំបាត់សកម្មភាពពួនស្ទាក់ដើម្បីចាប់អ្នកប្រព្រឹត្តបទល្មេីសចរាចរណ៍ និងមានបំប៉នវគ្គសិក្សាដល់មន្ត្រីនគរបាលចរាចរណ៍ ៕
ចែករំលែកព័តមាននេះ