ស្រុកព្រៃនប់៖ សេចក្តីរាយការណ៍បឋមឱ្យដឹងថា មានករណីរថភ្លើងបានបុកជាមួយរថយន្តបែនដឹកដី មួយគ្រឿង បង្កការភ្ញាក់ផ្អើលយ៉ាងខ្លាំងនៅវេលាម៉ោងជាង១១ព្រឹកថ្ងៃ១១ កុម្ភៈ នេះ ស្ថិតនៅក្នុងភូមិទូល ឃុំទឹកថ្លា ស្រុកព្រៃនប់ ខេត្តព្រះសីហនុ ខណៈរថភ្លើងកំពុងបើកឆ្លងកាត់លើផ្លូវជាតិលេខ៣ ។
បើតាមលោកអធិការនគរបាលស្រុកព្រៃនប់ឱ្យដឹងថា នៅហេតុការណ៍ដ៏រន្ធត់នេះ គឺមិនមានមនុស្សបានគ្រោះថ្នាក់នោះទេ ប៉ុន្តែរថភ្លើងបានផ្អៀងធ្លាក់ចេញពីផ្លូវដែក រីឯរថយន្តបានរងការខូចខាតផងដែរ ។ បច្ចុប្បន្ន សមត្ថកិច្ចកំពុងចុះអន្តរាគមន៍ហើយ ។ គួរបញ្ជាក់ថា នេះជាលើកទី២ហើយ ដែលកើតមានគ្រោះថ្នាក់រថភ្លើងបុកជាមួយរថយន្តបែបនេះនៅក្នុងឃុំខាងលើ ។
ព័ត៌មានលម្អិតនឹងផ្សាយជូនបន្ត ។
ចែករំលែកព័តមាននេះ