រាជធានីភ្នំពេញ ៖ អ្នកនាំពាក្យក្រសួងការពារជាតិលោកឈុំ សុជាត បានបដិសេធថា មិនបានធ្វើការអត្ថាធិប្បាយអំពីកម្ពុជាគម្រោងបង្ហោះផ្កាយរណប នៅឆ្នាំ២០២១ខាងមុខនេះទេ ។ ការបដិសេធនេះ បន្ទាប់ពីសារព័ត៌មានមួយចំនួនចុះផ្សាយដោយស្រង់សំដីលោកថា…
រាជធានីភ្នំពេញ ៖ អ្នកនាំពាក្យក្រសួងការពារជាតិលោកឈុំ សុជាត បានបដិសេធថា មិនបានធ្វើការអត្ថាធិប្បាយអំពីកម្ពុជាគម្រោងបង្ហោះផ្កាយរណប នៅឆ្នាំ២០២១ខាងមុខនេះទេ ។
ការបដិសេធនេះ បន្ទាប់ពីសារព័ត៌មានមួយចំនួនចុះផ្សាយដោយស្រង់សំដីលោកថា នៅឆ្នាំ២០២១ កម្ពុជានឹងមានគម្រោងបាញ់ផ្កាយរណប ។ យ៉ាងណាក្តីលោក ឈុំ សុជាត នៅថ្ងៃទី១១ ខែកុម្ភៈនេះ បានបដិសេធយ៉ាងដូច្នេះខ្ញុំមានការងឿយឆ្ងល់បន្តិចដែរដែលឃើញសារព័ត៌មានមួយចំនួនបានចុះផ្សាយបន្តគ្នាថា ខ្ញុំបានធ្វើអត្ថាធិប្បាយទាក់ទងនឹងគម្រោងបង្ហោះប្រព័ន្ធផ្កាយរណបរបស់កម្ពុជានាថ្មីៗនេះ ។
លោកបានសរសេរលើបណ្តាញសង្គមយ៉ាងដូច្នេះថា «ទោះបីជារឿងនេះជារឿងវិជ្ជមានក៏ពិតមែន ប៉ុន្តែខ្ញុំសូមស្នើឱ្យសារព័ត៌មានមួយចំនួននោះធ្វើការកែតម្រូវឡើងវិញដែលរូបខ្ញុំផ្ទាល់ក្នុងឆ្នាំ២០១៩នេះមិនដែលបាននិយាយអំពីរឿងនេះជាមួយសារព័ត៌មាន ឬនៅក្នុងវេទិកាណា មួយទាល់តែសោះ ។ ខ្ញុំយល់ថា អ្នកសារព័ត៌មានដែលសរសេររឿងនេះអាចទំនងមានការភាន់ ច្រឡំចំពោះប្រភពដែលផ្តល់ព័ត៌មានខាងលើនេះ» ៕
ចែករំលែកព័តមាននេះ