លោក សម រង្ស៊ី ព្រមានអ្នកវិយោគចិននៅកម្ពុជា
- ភ្នំពេញ
រាជធានីភ្នំពេញ ៖ លោកសម រង្ស៊ី បាន ព្រមានដល់អ្នកវិយោគចិនដែលកំពុងរកស៊ីនៅក្នុង ប្រទេសកម្ពុជាអោយពិនិត្យឡើងវិញរាល់សកម្មភាព និងបញ្ហាដែលពួកគេបានបង្ក ។ ប៉ុន្តែ…
រាជធានីភ្នំពេញ ៖ លោកសម រង្ស៊ី បាន ព្រមានដល់អ្នកវិយោគចិនដែលកំពុងរកស៊ីនៅក្នុង ប្រទេសកម្ពុជាអោយពិនិត្យឡើងវិញរាល់សកម្មភាព និងបញ្ហាដែលពួកគេបានបង្ក ។ ប៉ុន្តែ…
រាជធានីភ្នំពេញ ៖ លោកសម រង្ស៊ី បាន ព្រមានដល់អ្នកវិយោគចិនដែលកំពុងរកស៊ីនៅក្នុង ប្រទេសកម្ពុជាអោយពិនិត្យឡើងវិញរាល់សកម្មភាព និងបញ្ហាដែលពួកគេបានបង្ក ។ ប៉ុន្តែ អ្នកនាំពាក្យគណបក្សប្រជាជនកម្ពុជាបានវាយបកទៅលោកសម រង្ស៊ីថា ធ្វើអ្វីៗគ្រប់យ៉ាង ដើម្បីបំផ្លាញជាតិ និងដើម្បីតែការព្យាយាមដណ្តើមអំណាច ។
លោក សម រង្ស៊ី បានសរសេរលើបញ្តាញសង្គមនៅថ្ងៃទី១១ កុម្ភៈយ៉ាងដូច្នេះថា អ្នកវិនិយោគ និងជនជាតិចិនដែលមានវត្តមាននៅស្រុកខ្មែរត្រូវដឹងថា ស្ថានការណ៍នយោបាយនៅប្រទេសកម្ពុជានឹងកាន់តែតានតឹងឡើងៗចាប់ពីពេលនេះទៅ ។ ព្រឹត្តិការណ៍ថ្មីដ៏សំខាន់អាចកើតមានឡើងគ្រប់ពេលវេលាក្នុងឆ្នាំ២០១៩នេះ ។ លោកបន្តថា ផលប្រយោជន៍របស់អ្នកវិនិយោគ និងជនជាតិចិនខ្លួនឯងតម្រូវឲ្យពួកគេពិនិត្យឡើងវិញរាល់សកម្មភាព និងគម្រោងទាំងឡាយរបស់ពួកគេ ហើយក៏តម្រូវឲ្យពួកគេដោះស្រាយបញ្ហាទាំងឡាយដែលពួកគេបានបង្កឲ្យពលរដ្ឋខ្មែរជាអ្នករងគ្រោះដោយសារពួកគេ ។
ជាពិសេសពួកគេត្រូវតែប្រគល់សងឲ្យម្ចាស់ដើមវិញនូវដីធ្លីដែលពួកគេបានឃុបឃិតជាមួយអាជ្ញាធរផ្តាច់ការ និងពុករលួយនៅពេលមករឹបអូសដីធ្លីទាំងនោះពីពលរដ្ឋខ្មែរ ។ ពួកគេត្រូវតែបិទបនល្បែងស៊ីសង (កាស៊ីណូ) ដែលពួកគេបានបើកព្រោងព្រាតនៅស្រុកយើង ហើយពួកគេត្រូវតែយកចេញពីស្រុកខ្មែរនូវក្រុមចោរម៉ាហ្វៀរ (Mafia) និងបនជនពាលកាប់ចាក់ដែលពួកគេបាននាំមកជាមួយ «វិនិយោគ» និងសកម្មភាពផ្សេងៗរបស់ពួកគេ ។
អតីតបក្សប្រឆាំងនេះបានលើកឡើងទៀតថា ជនជាតិចិនទាំងនោះត្រូវដឹងថា ពួកគេបានធ្វើឲ្យប្រជាពលរដ្ឋខ្មែរទាំងមូលមានការក្តៅក្រហាយចំពោះពួកគេ ។ ដូច្នេះជាការប្រុងប្រយ័ត្នដ៏ត្រឹមត្រូវ បើពួកគេឈប់បំពានមកលើជនជាតិខ្មែរឈប់ព្រហើន ហើយចេះសម្តែងការគោរពខ្លះចំពោះជនជាតិខ្មែរដែលជាម្ចាស់ស្រុក ។ បើមិនដូច្នោះទេ ពួកជនជាតិចិនទាំងនោះអាចប្រឈមមុខពីការផ្ទុះកំហឹងពីសំណាក់ជនជាតិខ្មែរជាម្ចាស់ស្រុកនៅពេលដែលព្រឹត្តិការណ៍នយោបាយថ្មីនឹងកើតមានឡើងក្នុងឆ្នាំ២០១៩នេះ ។
ទាក់ទិននឹងការលើកឡើងរបស់លោក សម រង្ស៊ីនោះ លោក សុខ ឥសានបានលើកឡើងថាជាឧបាយកលពិសពុលរបស់ទណ្ឌិត សម រង្ស៊ី ក្នុងការបំផ្លាញកម្ពុជា ដើម្បីអំណាចតែប៉ុណ្ណោះ ។ លោកបានលើកឡើងថា សម្រាប់ក្នុងប្រទេសទណ្ឌិត សម រង្ស៊ី បាននិយាយចាក់ដោតដុតកំហឹងប្រជាជនកម្ពុជាផ្ទុយពីការពិតថា សម្តេចតេជោហ៊ុន សែន បានយកប្រជាជនកម្ពុជាធ្វើជាចំណាប់ខ្មាំង ដើម្បីរក្សាអំណាចទោះបីប្រជាជនកម្ពុជារងទុក្ខវទនាពីការដាក់ទណ្ឌកម្មពីសហគមន៍អឺរុបយ៉ាងណាក៏ដោយ ។
សម្រាប់អន្តរជាតិ ទណ្ឌិត សម រង្ស៊ី បាននិយាយបំភាន់មតិថា ប្រជាជនកម្ពុជាសុខចិត្តទទួលយកការទុក្ខលំបាកមួយរយៈខ្លី ដើម្បីឲ្យតែហ៊ុន សែន ធ្លាក់ពីតំណែង ដោយសារការដាក់ទណ្ឌកម្មពីអន្តរជាតិ ។ លោករិះគន់លោក សម រង្ស៊ីថា ប្រើល្បិចកលដាក់បន្ទុកលើប្រជាជនកម្ពុជាបោកពួកបរទេសថា ប្រជាជនកម្ពុជាទេ ដែលចង់ឲ្យសម្តេចតេជោ ចុះចេញពីតំណែងនាយករដ្ឋមន្ត្រីមិនមែន សម រង្ស៊ីទេ ។
តែតាមការពិត គឺជាទណ្ឌិត សម រង្ស៊ី ហ្នឹងឯងដែលចង់ទម្លាក់សម្តេចតេជោហ៊ុន សែន ពីតំណែង ដើម្បីដណ្តើមយកតំណែងនាយករដ្ឋមន្ត្រី ។ លោកបានបញ្ជាក់ថា«ចំណុចទាំង២ខាងលើនេះ បញ្ជាក់ច្បាស់ពីល្បិចកលដ៏ពិសពុលរបស់ទណ្ឌិត សម រង្សី ក្នុងការបំផ្លាញប្រទេសកម្ពុជា និងប្រជាជនកម្ពុជា ដើម្បីតែមហិច្ឆតាអំណាចរបស់ខ្លួនប៉ុណ្ណោះ ៕
ចែករំលែកព័តមាននេះ