រាជធានីភ្នំពេញ ៖ ពេលវេលាដែលយើងទាំងអស់គ្នា កំពុងតែទន្ទឹងរង់ចាំយ៉ាងអន្ទះសារ កំពុងតែឈានជិតចូលមកដល់ហើយ គឺកម្មវិធីតន្ត្រីបេសកកម្មស្នាមញញឹមនៃក្តីស្រឡាញ់ ដើម្បីជួយដល់កុមារកម្ពុជា និងមន្ទីរពេទ្យគន្ធបុប្ផា ដែលនឹងប្រារព្ធធ្វើនៅថ្ងៃទី១០ កុម្ភៈ…
រាជធានីភ្នំពេញ ៖ ពេលវេលាដែលយើងទាំងអស់គ្នា កំពុងតែទន្ទឹងរង់ចាំយ៉ាងអន្ទះសារ កំពុងតែឈានជិតចូលមកដល់ហើយ គឺកម្មវិធីតន្ត្រីបេសកកម្មស្នាមញញឹមនៃក្តីស្រឡាញ់ ដើម្បីជួយដល់កុមារកម្ពុជា និងមន្ទីរពេទ្យគន្ធបុប្ផា ដែលនឹងប្រារព្ធធ្វើនៅថ្ងៃទី១០ កុម្ភៈ ខាងមុខនេះ ចាប់ពីម៉ោង៣រសៀលតទៅ ស្ថិតនៅសាលAeon Hall ផ្សារទំនើប Aeon Mall Sen Sok City ។
កម្មវិធីដ៏ពិសេសជាច្រើន នឹងត្រូវបង្ហាញជូនក្នុងឱកាសនោះ រួមមានការច្រៀង, ការដើរបង្ហាញម៉ូដ, ការសម្តែងរបាំសហ្សសម័យ និងក្បាច់គុណបុរាណខ្មែរ, ការសម្តែងចម្រៀងរ៉េប និងក្បាច់រាំសម័យទំនើប ព្រមទាំងឈុតឆាកជាច្រៀងទៀត ដោយមានការចូលរួមដោយស្ម័គ្រចិត្តពីតារាចម្រៀង, តារាសម្តែងអាជីព, តារាចម្រៀង Original Song , តារាបង្ហាញម៉ូដ, ក្រុុមសម្តែង និងអ្នកដែលមានប្រជាប្រិយនៅក្នុងបណ្តាញសង្គមផងដែរ ។
តម្លៃសំបុត្របរិច្ចាគថវិកា សម្រាប់ចូលរួមកម្មវិធីតម្លៃត្រឹមតែ២០.០០០រៀលតែប៉ុណ្ណោះ ដែលអាចរកជាវបាននៅថ្ងៃកម្មវិធីផ្ទាល់ និងទីតាំងផ្ទាល់តែម្តង ចាប់ពីម៉ោង៩ព្រឹកតទៅ ។ ថវិកា ១០០% ដែលបានមកពីការជាវសំបុត្រ ត្រូវបានជួយដល់កុមារកម្ពុជា និងមន្ទីរពេទ្យគន្ធបុប្ផា។
សូមចូលរួមទាំងអស់គ្នា ដើម្បីរួមចំណែកជួយដល់កុមារ និងមន្ទីរពេទ្យគន្ធបុប្ផា ក៏ដូចជួយគាំទ្រ
និងលើកទឹកចិត្តដល់សិល្បករ សិល្បការិនីទាំងអស់ ដែលបានស្ម័គ្រចិត្តចូលរួមជួយដល់កម្មវិធី។
ចែករំលែកព័តមាននេះ