ក្រុមហ៊ុនផលិតទូរស័ព្ទបានផ្តល់វិធីជាច្រើនក្នុងការកាត់បន្ថយពេលវេលាដែលអ្នកប្រើប្រាស់ចំណាយលើទូរស័ព្ទរបស់ពួកគេហើយខាងក្រោមនេះជាវិធីងាយៗក្នុងការប្រើប្រាស់ពួកវា ៖
១. Screen Time
Apple តាមដានពេលវេលាដែលអ្នកចំណាយលើកម្មវិធីនីមួយៗ និងចំនួនដងដែលអ្នកលើកទូរស័ព្ទមកមើលជាដើម ។ មួយសប្តាហ៍ម្តង អ្នកនឹងទទួលបានរបាយករណ៍ Screen Time ដែលបង្ហាញថាតើអ្នកប្រើពេលវេលាច្រើនជាងគេលើកម្មវិធីណាមួយ ។
Screen Time ក៏អនុញ្ញាតឲ្យអ្នកដាក់កម្រិតលើពេលវេលាដែលអ្នកគួរប្រើកម្មវិធីណាមួយដែរ។ បើទោះជាវាមិនអាចបញ្ឈប់អ្នកបានទាំងស្រុងពិតមែនក៏វាអាចជួយឲ្យអ្នកដឹងថាអ្នកចំណាយពេលវេលាលើកម្មវិធីអ្វីខ្លះច្រើនជាងគេដែរ ។
២. Bedtime Mode
ក្នុង Bedtime Mode អ្នកអាចដាក់កម្រិតពេលវេលាដែលអ្នកត្រូវតែក្រោកពីដំណេករាល់ព្រឹក និងចំនួនម៉ោងដែលអ្នកចង់ទុកសម្រាប់ការគេងជាដើម ហើយទូរស័ព្ទរបស់អ្នកនឹងប្រាប់ដល់អ្នកពេលដែលជិតដល់ម៉ោងចូលដំណេក ។
វាក៏ដាក់ទូរស័ព្ទរបស់អ្នកជា Do Not Disturb Mode រហូតដល់អ្នកក្រោកឡើងដែរ ដែលទប់ស្កាត់មិនឲ្យអ្នកដឹងពី Notification ដែលអាចដាស់អ្នកឲ្យក្រោកឡើង ។
៣. Digital Wellbeing
Digital Wellbeing មានលើ Android 9 និងលើទូរស័ព្ទ Pixel ជាដើម ហើយវាអាចតាមដានពេលវេលាដែលអ្នកចំណាយលើកម្មវិធីណាមួយ និងអនុញ្ញាតឲ្យអ្នកដាក់កម្រិតលើពេលវេលាដែលអ្នកគួរចំណាយលើកម្មវិធីនោះ ។
វាក៏អនុញ្ញាតឲ្យអ្នកកំណត់ចំនួនដងដែលអ្នកអាចលើកទូរស័ព្ទមកឆែក ឬចំនួន Notification ដែលអ្នកគួរតែទទួលបានផងដែរ ។
៤. Wind Down
Wind Down នឹងដាក់ទូរស័ព្ទរបស់អ្នកក្នុង Do Not Disturb Mode និងធ្វើឲ្យស្គ្រីនរបស់អ្នកទៅជាពណ៌ប្រផេះដែលធ្វើឲ្យពិបាកក្នុងការប្រើប្រាស់ ដែលមានប្រសិទ្ធិភាពយ៉ាងខ្លាំងក្នុងការធ្វើឲ្យអ្នកប្រើប្រាស់ដាក់ទូរស័ព្ទចុះ ៕
ចែករំលែកព័តមាននេះ