ខេត្តមណ្ឌលគិរី ៖ បុរសជាជនជាតិវៀតណាមម្នាក់បើកបររថយន្តមួយគ្រឿងលើផ្លូវកោង រេចង្កូតធ្លាក់ប្រឡាយក្រឡាប់ជាច្រើនត្រឡប់ផ្ងារជើងឡើងលើ បណ្តាលឱ្យអ្នកបើកបររថយន្តរងរបួសក្បាលយ៉ាងធ្ងន់ធ្ងរ។ ហេតុការណ៍គ្រោះថ្នាក់ចរាចរណ៍ក្រឡាប់រថយន្តដោយខ្លួនឯងនេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី៦ ខែកុម្ភៈ ឆ្នាំ២០១៩ នៅចំណុចគីឡូម៉ែត្រលេខ៧៦ ផ្លូវជាតិ៧៦A…
ខេត្តមណ្ឌលគិរី ៖ បុរសជាជនជាតិវៀតណាមម្នាក់បើកបររថយន្តមួយគ្រឿងលើផ្លូវកោង រេចង្កូតធ្លាក់ប្រឡាយក្រឡាប់ជាច្រើនត្រឡប់ផ្ងារជើងឡើងលើ បណ្តាលឱ្យអ្នកបើកបររថយន្តរងរបួសក្បាលយ៉ាងធ្ងន់ធ្ងរ។
ហេតុការណ៍គ្រោះថ្នាក់ចរាចរណ៍ក្រឡាប់រថយន្តដោយខ្លួនឯងនេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី៦ ខែកុម្ភៈ ឆ្នាំ២០១៩ នៅចំណុចគីឡូម៉ែត្រលេខ៧៦ ផ្លូវជាតិ៧៦A ស្ថិតក្នុងអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ប្រភពពីសមត្ថកិច្ចនគបាលចរាចរណ៍បានឱ្យដឹងថា រថយន្តខាងលើម៉ាកស្តារិច ពណ៌ខៀវពាក់ស្លាកលេខ មណ្ឌលគិរី ២A-៧៨៧៩ បើកបរដោយឈ្មោះ ភូ ភេទប្រុស អាយុ២៥ឆ្នាំ ជាជនជាតិវៀតណាម រស់នៅភូមិ -ឃុំប៊ូដូប ស្រុកប៊ូដូប ខេត្តប៊ិញភឿក ប្រទេស់វៀតណាម បានរងរបួសក្បាលធ្ងន់ធ្ងរ។
ប្រភពដដែលបានបន្តថា មុនពេលកើតហេតុ គេឃើញបុរសម្នាក់បើកបររថយន្តចេញពីស្រុកអូររាំងឆ្ពោះទៅស្រុកកែវសីមា លុះមកដល់ចំណុចកើតហេតុខាងលើជាចំណុចផ្លូវកោង ស្រាប់តែរថយន្តបានរេចង្កូតធ្លាក់ចូលប្រឡាយខាងឆ្វេងដៃ បណ្តាលឱ្យក្រឡាប់ផ្ងារជើងឡើងលើតែម្តង និងធ្វើឱ្យអ្នកបើកបររថយន្តរងរបួសក្បាលធ្ងន់ធ្ងរ។
ក្រោយកើតហេតុ ជនរងគ្រោះត្រូវបានសមត្ថកិច្ចដឹកយកទៅសង្គ្រោះនៅមណ្ឌលសុខភាពស្រុកកែវសីមា ហើយសមត្ថកិច្ចបានហៅរថយន្តស្ទូចមកស្ទូចយករថយន្តម៉ាកស្តារិចទៅរក្សា ទុកនៅអធិការដ្ឋានស្រុកបណ្តោះអាសន្នផងដែរ៕
ចែករំលែកព័តមាននេះ