បច្ចុប្បន្ននេះ កត្តាសំខាន់ជាងគេសម្រាប់ការផ្សាយពាណិជ្ជកម្មគឺទិន្នន័យ ហើយក្រុមហ៊ុនជាច្រើនកំពុងចង់ប្រមូលទិន្នន័យ និងទម្លាប់របស់អ្នកប្រើប្រាស់ដើម្បីលក់ទៅឲ្យក្រុមហ៊ុនពាណិជ្ជកម្ម និងស្រាវជ្រាវធំៗ ។ ពួកយើងគួរតែទទួលស្គាល់ដែរថា ទូរស័ព្ទរបស់យើងជាឧបករណ៍សំខាន់មួយដែលកំពុងតែតាមដានសកម្មភាពរបស់ពួកយើង ប៉ុន្តែខាងក្រោមនេះជាវិធីងាយៗក្នុងដោះស្រាយកង្វល់ខាងលើ ៖…
បច្ចុប្បន្ននេះ កត្តាសំខាន់ជាងគេសម្រាប់ការផ្សាយពាណិជ្ជកម្មគឺទិន្នន័យ ហើយក្រុមហ៊ុនជាច្រើនកំពុងចង់ប្រមូលទិន្នន័យ និងទម្លាប់របស់អ្នកប្រើប្រាស់ដើម្បីលក់ទៅឲ្យក្រុមហ៊ុនពាណិជ្ជកម្ម និងស្រាវជ្រាវធំៗ ។
ពួកយើងគួរតែទទួលស្គាល់ដែរថា ទូរស័ព្ទរបស់យើងជាឧបករណ៍សំខាន់មួយដែលកំពុងតែតាមដានសកម្មភាពរបស់ពួកយើង ប៉ុន្តែខាងក្រោមនេះជាវិធីងាយៗក្នុងដោះស្រាយកង្វល់ខាងលើ ៖
១. ឆែកមើល Location
ទូរស័ព្ទ iPhone និង Android មានកម្មវិធី Frequent Locations ដែលតាមដានទីតាំងរបស់អ្នក និងពេលវេលាដែលអ្នកចំណាយនៅទីតាំងណាមួយ ។ វាថែមទាំងដឹងកន្លែងធ្វើការរបស់អ្នកនិងលំនៅដ្ឋានរបស់អ្នកផងដែរ ។
-សម្រាប់ទូរស័ព្ទ iPhone អ្នកអាចបិទវាបានដោយចូលទៅកាន់ Settings រួចចុចលើ Privacy និងជ្រើសយក Location Services និងអូសទៅរក System Services ហើយជ្រើសយល Significant Locations រួចចុចបិទជាការស្រេច ។
-សម្រាប់ទូរស័ព្ទ Android អ្នកអាចចូលទៅកាន់ Settings និងចុចលើ Location រួចអូសទៅរក Google Location Settings ហើយជ្រើសយក Location Reporting និង Location History ដើម្បីបិទវាទាំងពីរ ។
២. ប្រើ Private Browser ពេលដែលឆែកព័ត៌មានលើអ៊ីនធើណែត
អ្នកអាចទាញយកកម្មវិធីដែលមិនតាមដានសកម្មភាពពេលដែលអ្នកឆែកពត៌មានលើអ៊ីនធើណែតបានដូជជា Firefox Focus ជាដើម ដែលថែមទាំងបិទការផ្សាយពាណិជ្ជកម្ម និងលុបរាប់លេខសម្ងាត់ និងប្រវត្តិនៃការប្រើប្រាស់របស់អ្នកថែមទៀត។
កម្មវិធី Google’s Chrome និង Microsoft’s Edge ក៏មាន Incognito និង InPrivate Mode ដែលអ្នកអាចប្រើបានដែរ។
៣. ឆែកគណនីលើអ៊ីនធើណែតរបស់អ្នក
រាល់ពេលដែលអ្នកប្រើសេវាកម្មរបស់ក្រុមហ៊ុនធំៗដូចជា Google, Microsoft និង Facebook ពួកគេមានបច្ចេកវិទ្យាដែលអាចតាមដានអ្វីដែលអ្នកចូលចិត្ត ឬចុចមើលជាដើម ដែលត្រូវបានប្រើប្រាស់ដើម្បីជួយដល់ការផ្សាយពាណិជ្ជកម្ម ។ ពួកគេបានផ្តល់ជាឧបករណ៍ដល់អ្នកក្នុងការផ្លាស់ប្តូរវិធីតាមដានរបស់ពួកគេលើគេហទំព័រពួកគេជាដើម ៕
ចែករំលែកព័តមាននេះ