កាមេរ៉ាសុវត្ថិភាពដាក់ក្នុងរថយន្ត កំពុងតែមានប្រជាប្រិយភាពខ្លាំងក្នុងរយៈពេលប៉ុន្មានឆ្នាំមកនេះ ដោយសារតែវាមានប្រយោជន៍ជាច្រើន ដែលលោកអ្នកប្រហែលជាមិននឹកស្មានដល់ ។ ជាធម្មតា យើងដឹងស្រាប់ហើយថា គេប្រើប្រាស់វាដើម្បីថតរាល់សកម្មភាព និង សម្លេង…
កាមេរ៉ាសុវត្ថិភាពដាក់ក្នុងរថយន្ត កំពុងតែមានប្រជាប្រិយភាពខ្លាំងក្នុងរយៈពេលប៉ុន្មានឆ្នាំមកនេះ ដោយសារតែវាមានប្រយោជន៍ជាច្រើន ដែលលោកអ្នកប្រហែលជាមិននឹកស្មានដល់ ។
ជាធម្មតា យើងដឹងស្រាប់ហើយថា គេប្រើប្រាស់វាដើម្បីថតរាល់សកម្មភាព និង សម្លេង ដែលកើតមាននៅពេលយើងកំពុងបើកបរ តែវានៅមានលើសហ្នឹងទៀត ដែលមាន ៥ចំនុចខាងក្រោម ៖
១. ផ្តល់ជាភស្ថុតាងជាក់ស្តែងពេលមានគ្រោះថ្នាក់ចរាចរណ៍
នេះគឺជាហេតុផលចម្បងគេ ដែលម្ចាស់រថយន្តជាច្រើនជះលុយ ដើម្បីដាក់វាឱ្យមាននៅក្នុងរថយន្ត ជាពិសេសនៅប្រទេសរុស្ស៊ី ដែលមានចំនួនអ្នកដាក់កាមេរ៉ាប្រភេទនេះច្រើនជាងគេ ។
និយាយឱ្យស្រួលស្តាប់ទៅគឺ កាមេរ៉ានោះនឹងធ្វើការថតសកម្មភាពពេលយើងបញ្ឆេះរថយន្តភ្លាម និង ថតជាប់រហូតរាល់សកម្មភាពពេលបើកបរ។ ប្រសិនបើមានគ្រោះថ្នាក់ចរាចរណ៍ យើងអាចយកវីឌីអូនោះ ធ្វើជាភស្ថុតាង។
២. អាចបន្លាចអ្នកបើកបរខុសច្បាប់បាន
បើទោះបីជាគេមិនមកបុកយើងក៏ដោយ យើងនៅតែអាចថតរាល់សកម្មភាពរបស់យានយន្តឯទៀតនៅលើផ្លូវ។ ដូចនេះ ប្រសិនបើមាននរណាម្នាក់បើកខុសច្បាប់ ឬ បង្កគ្រោះថ្នាក់ចរាចរណ៍ដល់អ្នកដទៃ យើងអាចយកវីឌីអូនោះទៅប្តឹងប៉ូលីសបាន។
៣. ជាឧបករណ៍សំខាន់សម្រាប់តាមដានការបើកបររបស់កូន
ប្រសិនបើអ្នកជាម្តាយឪពុកដែលមានការព្រួយបារម្ភពីការបើកបររបស់កូន អ្នកអាចដាក់កាមេរ៉ានេះក្នុងរថយន្តរបស់កូន ដើម្បីឱ្យកូនមិនហ៊ានបើកព្រហើន ហើយក៏ដើម្បីដឹងថាកូនបើកបរបែបណដែរ។
៤. អាចថតជាអនុស្សាវរីយ៍ដំណើរកំសាន្តបាន
នៅពេលអ្នកធ្វើដំណើរទៅផ្លូវឆ្ងាយ ជាមួយនឹងមនុស្សជាទីស្រឡាញ់ អ្នកប្រាកដជាចង់ថតរូបទុកជាអនុស្សាវរីយ៍ហើយ មិនថារូបមនុស្ស ឬ វីឌីអូសកម្មភាពធ្វើដំណើរនោះទេ។ ដោយសារតែហេតុនេះ ទើបអ្នកគួរទិញកាមេរ៉ានេះដាក់ក្នុងរថយន្ត ដើម្បីបង្កើនឱជារសដំណើរកំសាន្ត។
៥. អាចដឹងថានរណាមកប៉ះពាល់រថយន្តពេលចតចោល
កាមេរ៉ាខ្លះអាចថតសកម្មភាពបានទាំងពេលកំពុងចតចោលថែមទៀត ។ វាអាចចាប់បានរាល់សកម្មភាពមនុស្ស ឬ រថយន្ត ដែលនៅជុំវិញនេះ។ ប្រសិនបើមាននរណាមកបុករថយន្តកំពុងចតចោល យើងអាចតាមរកមុខអ្នកនោះឃើញតាមរយៈវីឌីអូ ៕
ចែករំលែកព័តមាននេះ