កូនខ្លះឪពុកម្ដាយខំអប់រំណាស់នៅមិនព្រមស្ដាប់ទេ អ្នកដទៃទើបស្ដាប់តាម ព្រោះម៉ែឪជាមនុស្សដែលរស់នៅជាមួយគ្នារាល់ថ្ងៃហាក់ដូចជាដឹងចិត្ត ធ្វើឲ្យកូននោះមិនខ្លាច។ ដើម្បីកុំឲ្យកូនប្រព្រឹត្តកន្លងដំបូន្មាន ឪពុកម្ដាយគួរតែបណ្ដុះគុណធម៌៥យ៉ាងដល់កូនៈ ១-បង្រៀនកូនឱ្យមានសេចក្ដីស្រលាញ់ចំពោះមនុស្សទូទៅ។ ២-រកស៊ីក្នុងផ្លូវសុចរិត កុំឲ្យកេងប្រវ័ញ្ចអ្នកដទៃ បើធ្វើការងារឲ្យស្មោះត្រង់។…
កូនខ្លះឪពុកម្ដាយខំអប់រំណាស់នៅមិនព្រមស្ដាប់ទេ អ្នកដទៃទើបស្ដាប់តាម ព្រោះម៉ែឪជាមនុស្សដែលរស់នៅជាមួយគ្នារាល់ថ្ងៃហាក់ដូចជាដឹងចិត្ត ធ្វើឲ្យកូននោះមិនខ្លាច។ ដើម្បីកុំឲ្យកូនប្រព្រឹត្តកន្លងដំបូន្មាន ឪពុកម្ដាយគួរតែបណ្ដុះគុណធម៌៥យ៉ាងដល់កូនៈ
១-បង្រៀនកូនឱ្យមានសេចក្ដីស្រលាញ់ចំពោះមនុស្សទូទៅ។
២-រកស៊ីក្នុងផ្លូវសុចរិត កុំឲ្យកេងប្រវ័ញ្ចអ្នកដទៃ បើធ្វើការងារឲ្យស្មោះត្រង់។
៣-សទារសន្ដោសៈ អប់រំកូនឲ្យត្រេកអរចំពោះតែប្រពន្ធឫប្ដីខ្លួនមិនត្រូវប្រព្រឹត្តខុសចំពោះកូនឬប្រពន្ធប្ដីគេឡើយ ។
៤-បង្រៀនកូនឲ្យចេះនិយាយពាក្យពិតពាក្យត្រង់ មិននិយាយបាតដៃខ្នងដៃឡើយ ។
៥-អប់រំកូនឱ្យវៀរចាកអំពើស្រវឹងពាលា ឲ្យឃើញទោសនៃគ្រឿងស្រវឹង ជាទោសធ្វើឲ្យមនុស្សវង្វេង ស្មារតីវិបល្លាស ។
កាលបើឪពុកម្តាយបានបណ្ដុះគុណធម៌៥នេះដល់កូនហើយ តែកូននៅប្រព្រឹត្តព្រើលទៀត មាតាបិតាគួរផ្សាយនូវមេត្តាធម៌ចំពោះកូននិងណែនាំកូនថា ឪពុកម្ដាយបានយកចិត្តទុកដាក់ចិញ្ចឹមកូនតាមគន្លងល្អហើយ ឲ្យកូនដើរតាមផ្លូវល្អ កូននៅតែមិនប្រព្រឹត្តល្អទៀត ដូច្នេះពេលកូនធ្វើខុសអ្វីមួយទៅថ្ងៃមុខ ឪពុកម្ដាយមិនធានាខុសត្រូវចំពោះកូនទេ ។
កូនត្រូវដឹងថាឪពុកម្ដាយបានរិះរកគ្រប់វិធីសាស្ត្រដើម្បីកូនហើយ តែកូននៅតែដើរតាមផ្លូវខុសដដែល សូមកូនប្រព្រឹត្តទៅតាមដំណើរដែលកូនធ្វើចុះ តែទោះជាយ៉ាងណាកូនក៏នៅតែជាឈាមជ័ររបស់ពុកម៉ែដដែល ឪពុកម្ដាយនៅតែខំព្យាយាមដឹកនាំកូនឲ្យដើរផ្លូវល្អ រហូតដល់ពុកម៉ែលាចាកលោកនេះ ។
ចែករំលែកព័តមាននេះ