ខ្យល់កខ្វក់វាយលុកពេញប្រទេសថៃ នាយករដ្ឋមន្ត្រីស្នើឱ្យប្រជាជនឈប់ជិះឡានចាក់ម៉ាស៊ូត
ប្រទេសថៃ ៖ ភ្នាក់ងារសារព័ត៌មាន Bangkok Post បានរាយការណ៍កាលពីថ្ងៃទី២ ខែកុម្ភៈ កន្លងមកថា លោកនាយករដ្ឋមន្ត្រី Prayut…
ប្រទេសថៃ ៖ ភ្នាក់ងារសារព័ត៌មាន Bangkok Post បានរាយការណ៍កាលពីថ្ងៃទី២ ខែកុម្ភៈ កន្លងមកថា លោកនាយករដ្ឋមន្ត្រី Prayut…
ប្រទេសថៃ ៖ ភ្នាក់ងារសារព័ត៌មាន Bangkok Post បានរាយការណ៍កាលពីថ្ងៃទី២ ខែកុម្ភៈ កន្លងមកថា លោកនាយករដ្ឋមន្ត្រី Prayut Chan-O-Cha បានប្រាប់ដល់ប្រជាជនក្នុងប្រទេសឲ្យឈប់បើកបររថយន្តប្រើប្រេងម៉ាស៊ូតក្នុងទីក្រុងបាងកក និងក្នុងខេត្តជិតខាងដើម្បីកាត់បន្ថយធូលី ។
លោកនាយករដ្ឋមន្ត្រីបាននិយាយកាលពីថ្ងៃសុក្រមកថា «បើទោះជាមានដំណោះស្រាយរយៈពេលខ្លីពិតមែនក្តី ស្ថានការ PM2.5 មិនបានល្អប្រសើរឡើងទេ ។ ស្ថានការនេះកើតមានឡើងព្រោះតែការបញ្ចេញឧស្ម័នជាតិពុលពីរថយន្តប្រើប្រេងម៉ាស៊ូតក្នុងទីក្រុងបាងកក រួមជាមួយនឹងអាកាសធាតុមិនល្អជាដើម ។ រដ្ឋាភិបាលចង់ស្នើដល់ប្រជាជនឲ្យសហការក្នុងការមិនបើកបរ ឬកាត់បន្ថយការប្រើប្រាស់រថយន្តប្រើប្រេងម៉ាស៊ូតមួយរយៈក្នុងទីក្រុងបាងកក និងខេត្តជិតខាង» ។
លោកបានបន្ថែមថា វាច្បាស់ណាស់ដែលការបញ្ចេញជាតិពុលពីរថយន្តទាំងនេះបានចូលរួមខ្លាំងជាងគេដល់កំណើនកម្រិតធូលី ហើយរោងចក្រមិនមែនជាកត្តាបង្កទេ ព្រោះការត្រួតពិនិត្យមិនបានប្រទះឃើញមានរោងចក្រណាមួយដែលបញ្ចេញធូលីទាំងនេះឡើយ ។
រដ្ឋាភិបាលបានចេញវិធានការជាច្រើនដើម្បីទប់ស្កាត់ធូលីប្រភេទនេះដោយកាត់បន្ថយរថយន្តដែលបញ្ចេញផ្សែងខ្មៅ បង្កើតភ្លៀងសប្បនិមិត្ត បាញ់ទឹកតាមដងផ្លូវ និងប្រកាសឲ្យមានការឈប់សម្រាកតាមសាលារៀនដើម្បីកាត់បន្ថយការស្ទះចរាចរណ៍ជាដើម ។
ក្រុមហ៊ុនឯកជនបានចាប់ផ្តើមអនុញ្ញាតឲ្យបុគ្គលិកធ្វើការពីផ្ទះមកផងដែរ ។ ប៉ុន្តែវិធានការទាំងនេះមិនគ្រប់គ្រាន់ក្នុងការធ្វើឲ្យប្រជាជនក្នុងទីក្រុងបាងកកអាចដកដង្ហើមដោយមិនមានកង្វល់ឡើយ ។ មនុស្សកាន់តែច្រើនបានចាប់ផ្តើមពាក់ម៉ាស់ ហើយកំពុងតែកាត់បន្ថយការចេញពីផ្ទះ ខណៈដែលអ្នកមួយចំនួនទៀតថែមទាំងបានទិញឧបករណ៍បន្សុទ្ធខ្យល់អាកាសផងដែរ ។ កម្រិត PM2.5 បានធ្លាក់ចុះហើយប៉ុន្តែមិនច្រើនទេ ។
នាយកដ្ឋានគ្រប់គ្រងកង្វក់បរិស្ថាន រួមទាំងគេហទំព័រតាមដានអាកាសធាតុបានឲ្យដឹងថាគុណភាពខ្យល់អាកាសក្នុងទីក្រុងបាងកកនៅស្ថិតក្នុងកម្រិតសុវត្ថិភាពនៅឡើយ ប៉ុន្តែនៅតែផ្តល់ហានិភ័យដល់ក្រុមមួយចំនួនដូចអ្នកដែលមានបញ្ហាសុខភាព មនុស្សចាស់ ស្ត្រីមានផ្ទៃពោះ និងក្មេងៗជាដើម ៕
ចែករំលែកព័តមាននេះ