សមាជិកដែលរស់នៅក្នុងរង្វង់គ្រួសារគួរលះបង់សេចក្ដីសុខផ្ទាល់ខ្លួនដើម្បីប្រយោជន៍សុខដល់គ្នានិងគ្នា ដូចប្តីប្រពន្ធដែលរស់នៅជាមួយគ្នាជាដើម គឺបុរសជាប្តីរស់នៅដើម្បីប្រពន្ធ ចំណែកប្រពន្ធក៏ត្រូវរស់នៅដើម្បីស្វាមីរបស់ខ្លួនដែរ ហើយបើមានកូនផង យើងជាឪពុកម្តាយក៏រស់នៅដើម្បីកូន ធ្វើប្រយោជន៍ដើម្បីកូន ។ គូស្វាមីភរិយាទោះជាពេលខ្លះមានគំនិតខ្វែងគ្នាក៏ដោយ តែម្នាក់ៗត្រូវយល់ថា…
សមាជិកដែលរស់នៅក្នុងរង្វង់គ្រួសារគួរលះបង់សេចក្ដីសុខផ្ទាល់ខ្លួនដើម្បីប្រយោជន៍សុខដល់គ្នានិងគ្នា ដូចប្តីប្រពន្ធដែលរស់នៅជាមួយគ្នាជាដើម គឺបុរសជាប្តីរស់នៅដើម្បីប្រពន្ធ ចំណែកប្រពន្ធក៏ត្រូវរស់នៅដើម្បីស្វាមីរបស់ខ្លួនដែរ ហើយបើមានកូនផង យើងជាឪពុកម្តាយក៏រស់នៅដើម្បីកូន ធ្វើប្រយោជន៍ដើម្បីកូន ។
គូស្វាមីភរិយាទោះជាពេលខ្លះមានគំនិតខ្វែងគ្នាក៏ដោយ តែម្នាក់ៗត្រូវយល់ថា វាជារឿងធម្មតាទេ គឺវាតែយ៉ាងហ្នឹងឯង ព្រោះមនុស្សផ្សេងគ្នា នឹងឲ្យត្រូវគ្នាគ្រប់រឿងទាំងអស់យ៉ាងមិចនឹងកើត ប៉ុន្តែត្រូវចេះរៀបចំសម្រួល កុំឲ្យចេះតែគិតថាគេត្រូវធ្វើតាមយើងទាំងអស់នោះ។
សូមចាំចុះថា គេមិនតាមយើងព្រោះយើងមិនតាមគេ គេមិនដូចយើងព្រោះយើងមិនដូចគេ ដូច្នេះត្រូវចេះសម្រួលអធ្យាស្រ័យគ្នាម្ដងបន្តិចៗ ភរិយាទន់មក ស្វាមីទេរទៅទីបំផុតផ្លូវណាក៏ត្រូវដើរទៅទាំងពីរនាក់ ត្រូវឈរលើស្មារតីស្មោះត្រង់ទាំងអស់គ្នា ។
បើឈរលើស្មារតីយ៉ាងនេះ ស្វាមីភរិយារមែងដើរផ្លូវជាមួយគ្នាជាផ្លូវសុភមង្គល ជាផ្លូវត្រូវ នាំគ្នាដើរទៅរកពន្លឺសុភមង្គល។
ចែករំលែកព័តមាននេះ