ទីផ្សារអចលនទ្រព្យនៅតំបន់អាស៊ីអាគ្នេយ៍មានភាពវិជ្ជមានច្រើន
អាស៊ីអាគ្នេយ៍ ៖ សារព័ត៌មាន South China Morning Post ដែលបានចេញផ្សាយកាលពីថ្ងៃអង្គារ៍ បានឲ្យដឹងថា ប្រទេសវៀតណាម…
អាស៊ីអាគ្នេយ៍ ៖ សារព័ត៌មាន South China Morning Post ដែលបានចេញផ្សាយកាលពីថ្ងៃអង្គារ៍ បានឲ្យដឹងថា ប្រទេសវៀតណាម…
អាស៊ីអាគ្នេយ៍ ៖ សារព័ត៌មាន South China Morning Post ដែលបានចេញផ្សាយកាលពីថ្ងៃអង្គារ៍ បានឲ្យដឹងថា ប្រទេសវៀតណាម និងសិង្ហបុរីអាចនឹងនាំមុខក្នុងផ្នែកំណើនតម្លៃនៅទីផ្សារអចលនទ្រព្យប្រចាំអាស៊ីអាគ្នេយ៍ក្នុងឆ្នាំនេះ ព្រោះតែប្រជាជនវ័យក្មេង និងស្ថិរភាពផ្នែកនយោបាយក្នុងប្រទេស ។
លោក Chris Marriott នាយកប្រតិបត្តិប្រចាំតំបន់អាស៊ីអាគ្នេយ៍នៅក្រុមហ៊ុន Savills បានឲ្យដឹងថា ៖«ប្រជាជនវ័យក្មេងកំពុងតែដើរតួយ៉ាងសំខាន់ក្នុងការលូតលាស់របស់តំបន់ ហើយស្ថិរភាពនយោបាយក្នុងតំបន់ក៏កំពុងតែជួយដែរ »។
ទិន្នន័យដែលបានពីអាស៊ានបានបង្ហាញមកថា សមាជិកទាំង១០ប្រទេសមានចំនួនប្រជាជនសរុប៦៤២,១លាននាក់កាលពីឆ្នាំ ២០១៧ ដោយប្រមាណពាក់កណ្តាលជាបប្រជាជនដែលមានអាយុរវាងពី ២០ទៅ៥៤ឆ្នាំ។ ក្រៅពីរដ្ឋប្រហារនៅប្រទេសថៃ ការផ្ទេរអំណាចក្នុងប្រទេសអាស៊ីអាគ្នេយ៍ជាច្រើនត្រូវបានធ្វើឡើងតាមសន្តិវិធី ដែលបង្កឲ្យតំបន់នេះមានការលូតលាស់ជាមធ្យមដល់ទៅ ៥,៣%ក្នុងកំឡុងឆ្នាំ២០០០ ដល់២០១៧។
យោងទៅតាមទិន្នន័យដែលបានពី Real Capital Analytics បានឲ្យដឹងថា ទីផ្សារអចលនទ្រព្យអាស៊ីអាគ្នេយ៍ទទួលបានការវិនិយោគសរុប៧,៧៩ប៊ីលានដុល្លារក្នុងឆ្នាំ ២០១៨ ឬទាបជាងឆ្នាំ២០១៧ប្រមាណ១៥%។ មកដល់សប្តាហ៍ទីបីនាខែមករាកន្លងមក តំបន់នេះទទួលបានការវិនិយោគផ្ទាល់ពីបរទេសបាន២,០៥ប៊ីលានដុល្លារទៅហើយ ដោយមានសិង្ហបុរីនាំមុខគេជាមួយនឹង ១,៩៧ប៊ីលានដុល្លារ និងវៀតណាមដែលទទួលបាន៣៣,២លានដុល្លារ ។
សម្រាប់ប្រទេសសិង្ហបុរី ក្រុមហ៊ុនបច្ចេកវិទ្យាដូចជា Google និង Yahoo កំពុងតែចង់បន្ថែមការិយាល័យប្រមាណ៨៥ម៉ឺនម៉ែត្រការ៉េទៀត ខណៈដែលប្រទេសវៀតណាមបានតាំងខ្លួនជាមជ្ឈមណ្ឌលផលិតកម្មដែលត្រៀមខ្លួនរួចជាស្រេចក្នុងការប្រកួតប្រជែងជាមួយនឹងប្រទេសចិន ខណៈដែលមានសង្គ្រាមពាណិជ្ជកម្ម ។ ប៉ុន្តែលោក Justin Eng ប្រធានថ្នាក់ខ្ពស់សម្រាប់ការស្រាវជ្រាវប្រចាំអាស៊ីប៉ាស៊ីហ្វិកនៅ Knight Frank បាននិយាយថា ទីផ្សារអចលនទ្រព្យក្នុងតំបន់នៅជួបឧបសគ្គដទៃព្រោះតែការអន់ថយនៃសេដ្ឋកិច្ចនិងសង្គ្រាមពាណិជ្ជកម្មរវាងសហរដ្ឋអាមេរិកនិងប្រទេសចិនជាដើម ។
លោកបាននិយាយថា ៖« ពួកយើងគិតថាទីផ្សារអចលនទ្រព្យរបស់ប្រទេសអាស៊ានទាំង៥ (ឥណ្ឌូនេស៊ី, ម៉ាឡេស៊ី, ហ្វីលីពីន, ថៃ និងវៀតណាម) នឹងមើលឃើញការលូតលាស់បានទាបជាងមុននៅឆ្នាំនេះ លើកលែងតែក្នុងទីផ្សារផ្ទះមួយចំនួនដូចជាក្នុងប្រទេសម៉ាឡេស៊ី និងហ្វីលីពីន »។ លោកបញ្ជាក់ថា ៖« ទីផ្សារការិយាល័យអាចនឹងជួបឧបសគ្គមួយក្នុងឆ្នាំនេះ ព្រោះទីផ្សារភាគច្រើនជួបនឹងបញ្ហាផ្គត់ផ្គង់។ ភាពទានតឹងពាណិជ្ជកម្មរវាងសហរដ្ឋអាមេរិកនិងប្រទេសចិន ក៏នឹងប៉ះពាល់ដល់ការធ្វើពាណិជ្ជកម្មជុំវិញពិភពលោកដែរ ដែលប៉ះពាល់ដល់ការលូតលាស់ និងទីផ្សារឧស្សាហកម្ម »៕
ចែករំលែកព័តមាននេះ