តម្លៃខុនដូលំដាប់ខ្ពស់ក្នុងប្រទេសថៃនៅថេរក្នុងឆ្នាំនេះ
ទីក្រុងបាងកក ៖ លោកស្រី Suohin Mechuchep នាយកគ្រប់គ្រងរបស់ JLL Thailand បាននិយាយប្រាប់ដល់សារព័ត៌មានបាងកក ប៉ុស្ដិ៍…
ទីក្រុងបាងកក ៖ លោកស្រី Suohin Mechuchep នាយកគ្រប់គ្រងរបស់ JLL Thailand បាននិយាយប្រាប់ដល់សារព័ត៌មានបាងកក ប៉ុស្ដិ៍…
ទីក្រុងបាងកក ៖ លោកស្រី Suohin Mechuchep នាយកគ្រប់គ្រងរបស់ JLL Thailand បាននិយាយប្រាប់ដល់សារព័ត៌មានបាងកក ប៉ុស្ដិ៍ កាលពីថ្ងៃទី២៨ ខែមករា កន្លងមកថា តម្លៃខុនដូថ្នាក់ខ្ពស់ក្នុងប្រទេសថៃដែលនឹងត្រូវបានដាក់លក់ក្នុងឆ្នាំនេះ នឹងមិនមានការផ្លាស់ប្តូរពីឆ្នាំ២០១៨នោះទេ ។
អ្នកស្រីបានបន្តថាវា អាចនឹងពិបាកក្នុងការដាក់លក់គម្រោងខុនដូថ្មីៗក្នុងតម្លៃខ្ពស់ជាងឆ្នាំមុន ។
អ្នកស្រីបានបន្ថែមថា ការទិញទុកបានធ្លាក់ចុះកាលពីឆ្នាំមុន ខណៈដែលទីផ្សារលក់បន្តមិនសូវសកម្មឡើយ និងមានខុនដូថ្នាក់ខ្ពស់ជាច្រើនទៀតដែលលក់មិនទាន់ចេញ ។ ប៉ុន្តែទីផ្សារនេះមិនមានមុខសញ្ញាបង្ហាញថាតម្លៃអាចនឹងធ្លាក់ចុះលឿនទេ ព្រោះក្រុមហ៊ុនអចលនទ្រព្យភាគច្រើនជាក្រុមហ៊ុនដែលមានលំនឹងភាពផ្នែកហិរញ្ញវត្ថុដែលភាគច្រើនមិនមានការលក់បញ្ចុះតម្លៃទេ បើទោះជាចង់លក់ខុនដូដែលមានលើទីផ្សារពិតមែនក្តី ។
យ៉ាងណាក្តី ពួកគេអាចនឹងមានការលក់បញ្ចុះតម្លៃខុនដូដែលពិបាកនឹងលក់ចេញដូចជាខុនដូដែលមិនអាចមើលឃើញទេសភាពល្អជាដើម។
អ្នកស្រី Suphin បានបន្តទៀតថា ៖« ទីផ្សារខុនដូថ្នាក់ទាបដែលកំពុងជួបប្រទះបញ្ហាផ្គត់ផ្គង់លើសលប់កំពុងតែជួបកត្តាអវិជ្ជមានដទៃទៀតដូចជា កំណើនអត្រាការប្រាក់ និងវិធានការកាត់បន្ថយការផ្តល់កម្ចីជាដើម »។ ខុនដូដែលមានតម្លៃរវាងពី៣.៨០០ទៅ ៤.៨០០ដុល្លារក្នុង១ម៉ែត្រការ៉េ អាចនឹងទទួលរងការប៉ះពាល់ខ្លាំងជាងគេពីវិធានការដ្ឋាភិបាលក្នុងការកាត់បន្ថយកម្ចី ។
យោងទៅតាមក្រុមហ៊ុនផ្តល់សេវាប្រឹក្សាយោបល់ផ្នែកអចលនទ្រព្យJLLបានឲ្យដឹងថា នៅចុងឆ្នាំ២០១៨នេះ ទីក្រុងបាងកកមានខុនដូដែលសម្រេចការសាងសង់ប្រាឲមាណ ៥៧,៩ម៉ឺនយូនីត ដែលក្នុងនោះមាន ៨២% ជាខុនដូដែលមានតម្លៃក្រោម៣១៨០ដុល្លារក្នុងមួយមែត្រការ៉េ ។ ក្នុងរយៈពេល១០ឆ្នាំមកនេះ តម្លៃខុនដូជាមធ្យមក្នុងទីក្រុងបាងកកបានកើនឡើងច្រើនជាង៤០%ទៅទៀត ប៉ុន្តែល្បឿននៃកំណើននេះមានធ្លាក់ចុះ ៕
ចែករំលែកព័តមាននេះ