រាជធានីភ្នំពេញ ៖ លោកបណ្ឌិតសភាចារ្យ សុខ ទូចបានថ្លែងថា«លោក សម រង្ស៊ី ចូលមកនឹងត្រូវចាប់ខ្លួនដោយអាវុធហត្ថបញ្ជូនទៅតុលាការអនុវត្តច្បាប់កម្ពុជា» ការលើកឡើងក្នុងវេទិការស្តីពីស្ថានការណ៍ចុងក្រោយរបស់អតីតគណបក្សសង្គ្រោះជាតិ នៅរាជបណ្ឌិតសភាកម្ពុជា ។
តែការរៀបចំកម្មវិធីនេះ មិនមែនសម្រាប់គណបក្សសង្គ្រោះជាតិនោះទេ ។
លោកថា ដើម្បីឲ្យម្ចាស់ឆ្នោតមិនមានការខកចិត្ត ហើយមិនថា គណបក្សប្រជាជនកម្ពុជាទេ បើសិនគណបក្សកាន់អំណាចនេះមានបញ្ហាក៏រាជបណ្ឌិតសភាកម្ពុជាលើកយកមកធ្វើវេទិកាដូចគ្នាដែរ ។ លោកថា សម្តេច ហ៊ុន សែន មកកាន់អំណាចនៅអាណត្តិទី៥នេះ បានមកពីការបោះឆ្នោតមិនមែនដោយរដ្ឋប្រហារនោះទេ ។ ការលើកឡើងរបស់លោកបណ្ឌិតសភាចារ្យប្រធានរាជបណ្ឌិតសភាកម្ពុជា កាលពីថ្ងៃទី១ កុម្ភៈ ឆ្នាំ២០១៩ ក្នុងរាជបណ្ឌិតសភាកម្ពុជាលើប្រធានបទ«ស្ថានការណ៍ចុងក្រោយរបស់គណបក្សសង្គ្រោះជាតិ» ដែលមានការចូលរួមពីពិភាក្សាដោយមានលោកបណ្ឌិតសភាចារ្យសុខ ទូច ប្រធានបណ្ឌិតសភាកម្ពុជា លោក ផៃ ស៊ីផាន រដ្ឋមន្ត្រីអមនាយករដ្ឋមន្ត្រី និងអ្នកនាំពាក្យរាជរដ្ឋាភិបាលកម្ពុជា លោកបណ្ឌិត ឌៀប សុផល អ្នកស្រាវជ្រាវប្រវត្តិសាស្ត្រ និងទំនាក់ទំនងអន្តរជាតិជាវាគ្មិន ។
លោកបណ្ឌិត សុខ ទូច បានប្រៀបធៀបកម្ពុជាទៅនឹងសិង្ហបូរីថា បើគេគាំទ្រលោក លី ស៊ានឡុង ហើយនៅកម្ពុជាមេចគេមិនគាំទ្រសម្តេចតេជោ និងលោក ហ៊ុន ម៉ាណែត បើសិនគាត់បានធ្វើល្អ ។ តែបើមិនធ្វើល្អទេ គេក៏មិនបោះឆ្នោតឲ្យដែរ ទោះបីសម្តេច ហ៊ុនសែនខំ (លើក)ប្រម៉ូតក៏ដោយមានអីខុស ។ ចំពោះការចូលមកវិញរបស់លោក សម រង្ស៊ីវិញ លោកបណ្ឌិតសុខ ទូចថា លោក សម រង្ស៊ី អះអាងថា បើមកតាមជើងគោកប្រទេសថៃមានកម្មករ៤សែននាក់ (៤០ម៉ឺននាក់) ចូលរួមនេះចេះ តែនិយាយគ្មាននរណាគេជឿទេ ។
លោកបណ្ឌិតថា មានទិដ្ឋភាពចំនួន៥ ដែលលោក សម រង្ស៊ី មិនអាចចូលមកកម្ពុជាវិញបាន គឺ១- ព្រឹត្តិការណ៍កាលពីឆ្នាំ២០០៨ មានកម្មករ២០ម៉ឺននាក់ រដ្ឋាភិបាលយកឡានដឹកមិនគ្រប់ផងចុះទំរាំ៤០ម៉ឺននាក់វិញ ជឿមិនបានទេ ។ ២- លោក សម រង្ស៊ី មិនអាចមកតាមថៃបានទេ ព្រោះពេលនេះនាយករដ្ឋមន្ត្រីថៃ គឺប្រាយុទ្ធ ចាន់អូចា មិនមែនលោកអាភីស៊ីតទេ ។ មិនអាចមកបានទេ លោកប្រាយុទ្ធ ចាន់អូចាមិនឲ្យចូលទេ ។ ៣- សេដ្ឋកិច្ចថៃធំណាស់ជាមួយកម្ពុជារឿងអីគេទៅដុតផ្ទះរបស់គេ ដើម្បីលោក សម រង្ស៊ី ទៅមិនរួចទេ ។ ៤- កម្មករមិនអាចមកតាមណាបើលិខិតឆ្លងដែនដកអស់ ៥ -បើមកតាមវៀតណាមកាន់មិនបានទៀត ព្រោះវៀតណាមមានទំនាក់ទំនងល្អជាមួយកម្ពុជា ។
លោកបណ្ឌិត សុខ ទូច បានលើកឡើងថា «លោក សម រង្ស៊ី អាចមកតាមយន្តហោះចុះនៅភ្នំពេញ និងសៀមរាប ហើយសមត្ថកិច្ចអាវុធហត្ថរបស់លោកនាយកឧត្តមសេនីយ៍សៅ សុខាត្រឹមតែ៣នាក់ ឃាត់ខ្លួនបានហើយ មិនចាំបាច់ក្រសួងការពារជាតិចេញសេចក្តីប្រកាសអីនាំខ្លួន ដើម្បីអនុវត្តតាមច្បាប់តុលាការ »។
លោកថា ប្រជាពលរដ្ឋផ្តល់៥៥អាសនៈនៅសភាដល់បក្សប្រឆាំង តែតំណាងរាស្ត្រមិនបានធ្វើអ្វីសោះ តែនៅពេលលោក សម រង្ស៊ី បែរទៅបញ្ឆេះកម្មករនៅជប៉ុន នៅកូរ៉េ ហើយដល់ពេលបញ្ឆេះច្រើនពេក រដ្ឋាភិបាលឈឺក្បាលមិនឲ្យចូលស្រុក ។
លោកបណ្ឌិតបានលើកឡើងថា គេមានសភាឲ្យតតាំងកុំយករឿងខ្មែរទៅហែកឲ្យបរទេសស័ក្តិសមហើយ ដែលអំពើខ្លួនបានធ្វើ ។ លោកថា កម្មករនៅកូរ៉េមាន៦ម៉ឺននាក់ អ្នកចង់នៅអាមេរិកខំជេររដ្ឋាភិបាលទៅ ។ លោកបានបញ្ជាក់ថា បើខ្មែរឈ្មោះខ្មែរបរទេសជាអ្នកចំណេញ ។ មានអ្នកវិភាគខ្លះថា« លោក សម រង្ស៊ី ត្រូវតែចូលស្រុកកុំឲ្យលោកហ៊ុន សែន នៅធ្វើការងារយូររីកចម្រើនម៉េចក៏មិនចង់ឲ្យខ្មែររីកចម្រើន ។ មានអ្នកខ្លះទៀតថា លោក សម រង្ស៊ី ចូលទៅទោះបីឈ្នះមិនឈ្នះឲ្យតែបានធ្វើ» ៕
ចែករំលែកព័តមាននេះ