ខេត្តឧត្តរមានជ័យ ៖ ប្រជាកសិករម្នាក់កំពុងតែភ្ជួដីស្រែរបស់ខ្លួនស្រាប់តែប៉ះចំគ្រាប់កាំភ្លើងប្រភេទ១២០អុក ដែលសេសសល់កាលពីសម័យសង្គ្រាមចំនួន១១គ្រាប់ សំណាងល្អមិនផ្ទុះ ។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី៣១ មករា ឆ្នាំ២០១៩ នៅចំណុចវាលរហាលខាងកើតភូមិ…
ខេត្តឧត្តរមានជ័យ ៖ ប្រជាកសិករម្នាក់កំពុងតែភ្ជួដីស្រែរបស់ខ្លួនស្រាប់តែប៉ះចំគ្រាប់កាំភ្លើងប្រភេទ
១២០អុក ដែលសេសសល់កាលពីសម័យសង្គ្រាមចំនួន១១គ្រាប់ សំណាងល្អមិនផ្ទុះ ។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី៣១ មករា ឆ្នាំ២០១៩ នៅចំណុចវាលរហាលខាងកើតភូមិ ភូមិតាម៉ាន សង្កាត់កូនគ្រៀល សង្កាត់សំរោង ក្រុងសំរោង ខេត្តឧត្តរមានជ័យ។
ប្រជាកសិករដែលបានប្រទះឃើញគ្រាប់កាំភ្លើងប្រភេទធុន១២០អុកខាងលើនោះឈ្មោះផល សុភា ភេទប្រុស អាយុ៣០ឆ្នាំ រស់នៅភូមិខ្ទុម សង្កាត់កូនគ្រៀលក្រុងសំរោង ខេត្តឧត្តរមានជ័យបាន បានប្រាប់ឱ្យដឹងថា មុនពេលកើតហេតុ គាត់បានចេញទៅភ្ជួដាស់ហាលដីស្រែទើបកាច់ថ្មី មុនពេលទឹកភ្លៀងធ្លាក់ ស្រាប់តែភ្ជួចំគ្រាប់ប្រភេទ១២០អុកចំនួន១១គ្រាប់ សំណាងល្អមិនផ្ទុះ ពេលនោះគាត់បានទៅរាយការណ៍ដល់សមត្ថកិច្ចប៉ូលិសប៉ុស្តិ៍រដ្ឋបាលសង្កាត់កូនគ្រៀលឱ្យចុះមកពិនិត្យ។
ប៉ូលិសប៉ុស្ថិ៍រដ្ឋបាលកូនគ្រៀលបានឱ្យដឹងថា ក្រោយពីបានទទួលនូវព័ត៌មានរាយការណ៍រាយការណ៍ខាងលើភ្លាម សមត្ថកិច្ចបានចុះទៅដល់នឹងកន្លែងកើតហេតុធ្វើការពិនិត្យ រកឃើញថា គ្រាប់កាំភ្លើងធុន
១២០អុកនេះនៅល្អប្រមាណ៨០% ដោយមិនទាន់បានបាញ់នោះទេ ។ ក្រោយពីបានធ្វើការពិនិត្យរួចមក សមត្ថកិច្ចបានរាយការណ៍ទៅខាងក្រុមហេឡូត្រាស្តមកទទួលយកទៅរក្សាទុកផងដែរ៕
ចែករំលែកព័តមាននេះ