ខេត្តប៉ៃលិន ៖ នៅព្រឹកថ្ងៃទី៣១ ខែមករា ឆ្នាំ២០១៩ នេះ នៅក្នុងសាលប្រជុំក្នុងសាលាខេត្តប៉ៃ លិន មានការប្រកាសផ្ទេរភារកិច្ចស្នងការខេត្តប៉ៃលិន ក្រោមអធិបតីភាពឯកឧត្តមនាយឧត្តនសេនីយ៍ នេត សាវឿន អគ្គស្នងការនគរបាលជាតិ, លោយ ផាន់ ចាន់ធុលអភិបាលខេត្ត និងថ្នាក់ដឹកនាំជាច្រើនរូបចូលរួមផងដែរ ។
សូមបញ្ជាក់ថា លោក សេង សុគន្ធ អតីតស្នងការរងរាជធានីភ្នំពេញ ត្រូវបានតែងតាំងជាស្នងការខេត្តប៉ៃលិន ខណ:លោក ជា ចាន់ឌិន បានចូលនិវត្តន៍កាលពីពេលថ្មីៗនេះ ។
លោកនាយឧត្តមសេនីយ៍សន្ធិបណ្ឌិត នេត សាវឿន បានណែនាំឲ្យលោកស្នងការដែលទើបនឹងតែងតាំងថ្មី ជាសេនាធិការឲ្យកងឯកភាពខេត្ត ត្រូវតែសហការជាមួយស្ថាប័នពាក់ព័ន្ធឲ្យបានល្អ ដោយធ្វើការពង្រឹងស្ថានការក្នុងខេត្ត ជាពិសេសត្រួតពិនិត្យប៉ុស្តិ៍រដ្ឋបាលមិនឲ្យមានភាពអសកម្មគ្រប់បែបយ៉ាងពោលគឺធ្វើយ៉ាងណាឱ្យបានល្អប្រសើរឡើងវិញ ។
លោកបន្តទៀតថា ធានាការគ្រប់គ្រងកំលាំងឲ្យបាន ត្រួតពិនិត្យវត្តមានជាប្រចាំ ស្នងការ ត្រូវចុះតាមបណ្តាប៉ុស្តិ៍រដ្ឋបាលនានាជានិច្ច ( គ្រប់គ្រងកំលាំងគ្រប់គ្រងអារម្មណ៍) ត្រូវតែចេះលើកទឹកចិត្តដល់កំលាំងដែលធ្វើការងារជោគជ័យ ។ ជាពិសេស ត្រូវតែពង្រឹកកំលាំងអន្តរាគមន៍ឲ្យបានល្អ ការពង្រឹងការ ងារល្អ ហើយត្រូវបំពាក់សម្ភារ និងរបបអាហារឱ្យគ្រប់គ្រាន់ដល់កំលាំងទាំងនេះផងដែរ ។
ជាមួយគ្នានេះដែរ លោក ផាន់ ចាន់ធុល អភិបាលខេត្តប៉ៃលិន បានមានប្រសាសន៍ និងកោតសរសើរលើការដឹកនាំរបស់ស្នងការចាស់ និងសូមឲ្យស្នងការថ្មីពង្រឹងការងារឯកភាពផ្ទែក្នុងឲ្យបានល្អដោយយកចិត្តទុកដាក់ និងអនុវត្តគោលនយោបាយភូមិឃុំមានសុវត្តិភាព ដោយទទួលខុសត្រូវខ្ពស់សហការល្អជាមួយស្ថាប័នពាក់ព័ន្ធ ជាពិសេសជាមួយសា្ថប័នតុលាការ និងព្រះរាជអាជ្ញា ដើម្បីសុខសន្តិភាពក្នុងខេត្តរបស់យើងផងដែរ ។
លោកឧត្តមសេនីយ៍ទោ សេង សុគន្ធ ស្នងការខេត្តប៉ៃលិនដែលទើបនឹងតែងតាំងថ្មីបានសន្យានឹងប្តេជ្ញាចិត្តអនុវត្តតាមគោលនយោបាយរបស់រាជរដ្ឋាភិបាល និងអគ្គនគរបាលជាតិ ជាពិសេសជាសេនាធិការរបស់ខេត្តប៉ៃលិន ដើម្បីបំរើប្រជាពលរដ្ឋនិងប្រទេសជាតិឱ្យមានការរីកចម្រើនជឿនលឿនទៅមុខ ៕
ចែករំលែកព័តមាននេះ