រាជធានីភ្នំពេញ ៖ មន្ត្រីជាន់ខ្ពស់ និងជាអ្នកនាំពាក្យគណបក្សប្រជាជនកម្ពុជាលោកសុខ ឥសាន បានអះអាងថា អ្វីដែលអតីមេបក្សប្រឆាំងលើកឡើងកន្លងមកក្នុងជីវិតនយោបាយនោះគ្រាន់តែជាការសន្យាខ្យល់តែប៉ុណ្ណោះ ។ ការលើកឡើងរបស់អ្នកនាំពាក្យគណបក្សកាន់អំណាចនេះ បន្ទាប់ពីលោក អេង ឆៃអ៊ាង អតីតអនុប្រធានបានអះអាងទាល់តែប្រមូលថវិកាបាន៣០ម៉ឺនដុល្លារទើបលោក សម រង្ស៊ី អាចវិលចូលស្រុកវិញ ។
យ៉ាងណាក្តីលោក សុខ ឥសាន បានឲ្យដឹងនៅថ្ងៃទី៣១ មករាថា គឺជាសន្យាខ្យល់តែ ប៉ុណ្ណោះ ។ លោកបន្តថា ប្រជាជនកម្ពុជាសូមស្វាគមន៍ការប្រកាសហ៊ានបូជាជីវិតរបស់ខ្លួន ក្នុងការចូលមកក្នុងប្រទេសកម្ពុជា នៅដើមឆ្នាំ២០១៩នេះ ។ តែសូមឲ្យការវិលមកក្នុងស្រុកនេះរបស់ទណ្ឌិតឲ្យមានពិតជាក់ស្តែងកុំថា ហើយចោលនោះកុំបានតែមាត់អត់ប្រយោជន៍ទេ ។ លោកបញ្ជាក់ថា «មិនបាច់ដល់បូជាជីវិតទេ គ្រាន់តែមកចូលគុកតាមសាលក្រមតុលាការទៅបានហើយ មិនធ្ងន់ធ្ងរប៉ុន្មានទេ ។ ប៉ុន្តែខ្លាចតែទណ្ឌិតនិយាយតែមាត់ប្រមូលលុយបាន៣០ម៉ឺនដុល្លារហើយស្ងាត់ឈឹង ។ ប្រជាជនកម្ពុជាមិនព្រួយពីរឿងទណ្ឌិតចូលមកទេ តែដែលប្រជាជនព្រួយពីរឿងទណ្ឌិតរូបនេះមិនហ៊ានអើតក្បាលមកក្នុងស្រុកនោះតែប៉ុណ្ណោះ»។
ជាមួយគ្នានោះដែរលោក សុខ ឥសានក៏បានលើកឡើងថា លោកអេងឆៃអ៊ាង បានប្រកាសរួចហើយថា ក្នុងការវិលត្រឡប់ទៅកាន់ប្រទេសកម្ពុជាវិញនាពេលឆាប់ៗនេះត្រូវការប្រាក់ចំនួន៣០ម៉ឺនដុល្លារអាមេរិក ។ ដូច្នេះបើប្រមូលប្រាក់មិនបានគ្រប់៣០ម៉ឺនដុល្លារទេ ទណ្ឌិតសាម៉ី ជនមិនត្រឡប់ទៅកម្ពុជាវិញទេ ។ ហេតុនេះបងប្អូនខ្មែរនៅក្រៅប្រទេស បើចង់ឲ្យទណ្ឌិតនេះវិ លចូលស្រុកវិញឆាប់ៗគាប្បីជំរុញការបរិច្ចាគប្រាក់ឲ្យបានគ្រប់ចំនួន ប្ញលើស៣០ម៉ឺនដុល្លារ ។
បើមិនដូច្នោះទេ ទណ្ឌិតអាចនឹងមានឡេះមិនត្រឡប់ចូលស្រុកដោយសារមិនគ្រប់លុយ ។ ម្យ៉ាងទៀត បើលុយគ្រប់ចំនួនហើយអាចទណ្ឌិតមិនមកវិញដែរ មានលុយក្នុងដៃហើយអាច នឹងផ្ទេរជើងហោះហើរទៅប្រទេសផ្សេងវិញ ហើយយកឡេះមកសំអាងយករួចខ្លួន ដែលគ្មាននរណាតាមដានរកឃើញនោះទេ ។
ជាមួយគ្នានោះដែរអ្នកនាំពាក្យបក្សកាន់អំណាចក៏បានលើកឡើងថា នយោបាយរបស់ទណ្ឌិត សម រង្ស៊ី ដែលធ្លាប់ធ្វើកន្លងមក គឺពឹងផ្អែកលើបរទេសជាសំខាន់ ។ ប៉ុន្តែនៅប៉ុន្មានឆ្នាំចុងក្រោយនេះគេកត់សម្គាល់ឃើញថា នៅផ្នែកខាងអឺរ៉ុបគ្មានបងែ្អកទេទោះបីទណ្ឌិតមាន សញ្ជាតិជាបារាំងក៏ដោយ ។ ហេតុនេះហើយបានជាទណ្ឌិតរូបនេះតែងតែមកដេកត្រាំត្រែង នៅសហរដ្ឋអាមេរិកជាប្រចាំ ។ ម្យ៉ាងទៀតទណ្ឌិតធ្លាប់ជាអ្នកគាំទ្រលោក អូបាម៉ា នៅពេលយុទ្ធនាការឃោសនាបោះឆ្នោតប្រធានាធិបតីកាលពីឆ្នាំ២០១៦ ។
ដូច្នេះនៅពេលនេះទណ្ឌិតមិនហ៊ានអើតមុខសុំការគាំទ្រពីលោកដូណាល់ ត្រាំឡើយ ។ ដូច្នេះ គេបានមើលឃើញថា ទណ្ឌិតអត់មានបង្អែករឹងមាំទេ ។ ហេតុនេះក្តីសង្ឃឹមរបស់អ្នកគាំទ្រមួ យចំនួនថា ទណ្ឌិតនឹងវិលចូលស្រុកខ្មែរឆាប់ៗ នោះគ្មានផ្លូវទេ ទោះបីទណ្ឌិត និងអាម៉ីអាថោងខិតខំស្រែកក្តែងៗថា នឹងមកក៏ដោយ ៕
ចែករំលែកព័តមាននេះ