យោងតាមក្រុមហ៊ុន Hyundai បានឱ្យដឹងថា ៣០%នៃគ្រោះថ្នាក់ចរាចរណ៍ទាំងអស់ តែងមានការប៉ះទង្គិចក្រោយពេលបុកដំបូង នេះមានន័យថា រថយន្តបើបុកទៅនឹងរថយន្តមួយទៀត គឺមិនប៉ះត្រូវតែខាងមុខរថយន្តទេ វាអាចនឹងខ្ទាតទៅបុកជាមួយអ្វីផ្សេងទៀត ។…
យោងតាមក្រុមហ៊ុន Hyundai បានឱ្យដឹងថា ៣០%នៃគ្រោះថ្នាក់ចរាចរណ៍ទាំងអស់ តែងមានការប៉ះទង្គិចក្រោយពេលបុកដំបូង នេះមានន័យថា រថយន្តបើបុកទៅនឹងរថយន្តមួយទៀត គឺមិនប៉ះត្រូវតែខាងមុខរថយន្តទេ វាអាចនឹងខ្ទាតទៅបុកជាមួយអ្វីផ្សេងទៀត ។ ដូចនេះ បានជាក្រុមហ៊ុន Hyundai បានបង្កើតប្រព័ន្ធថ្មីមួយដែលអាចការពារអ្នកជិះច្រើនចំណុច ។
ក្រុមហ៊ុន Hyundai បានបង្ហាញពោងសុវត្ថិភាព ដែលអាចទប់ការបុកខ្លាំងច្រើនកន្លែង ។ វាប្រើសម្រាប់ការពារសុវត្ថិភាពអ្នកជិះ ពេលរថយន្តក្រឡាប់ច្រើនជុំ ។
ពោងសុវត្ថិភាពធម្មតា ភាគច្រើនគឺមិនអាចផ្ទុះចេញទាន់ពេល សម្រាប់ការបុកចំចំណុចដំបូងនោះទេ ។ វាអាចនឹងយឺតបន្តិច ។ តែសម្រាប់ពោងខ្យល់ថ្មីនេះវិញ គឺមានសមត្ថភាពកំណត់ទីតាំងរបស់អ្នកដំណើរអង្គុយ ហើយផ្ទុះចេញមកលឿនជាងពោងខ្យល់ធម្មតា ។
ជាទូទៅ អ្នកដំណើរមិនអាចរក្សាទីតាំងរបស់ខ្លួនដូចមុនពេលបុកនោះទេ ។ ពួកគេអាចខ្ទាតចេញពីកៅអី ដែលពោងសុវត្ថិភាពពិសេសនេះអាចកំណត់ដឹងទីតាំងបាន ហើយតាមផ្ទុះនៅកន្លែងដែលមានមនុស្ស ។
យោងតាមក្រុមហ៊ុន Hyundai បានឱ្យដឹងថាគ្រោះថ្នាក់ចរាចរច្រើនកើតឡើងជាញឹកញាប់ ដែលមានលក្ខណៈបុកច្រើនតង់ ។ ពោលគឺមិនមែនបុកហើយនៅមួយកន្លែងនោះទេ ។
លោក Taesoo Chi ប្រធានមជ្ឈមណ្ឌលបច្ចេកវិទ្យាសាក់ស៊ីរថយន្តនៅក្រុមហ៊ុន Hyundai បាននិយាយថា ៖«តាមរយៈការធ្វើឱ្យប្រសើរឡើងនូវដំណើរការរបស់ពោងសុវត្ថិភាពក្នុងករណីមានការប៉ះទង្គិចច្រើនកន្លែង យើងរំពឹងថានឹងធ្វើឱ្យប្រសើរឡើងនូវសុវត្ថិភាពនៃអ្នកបើកបរនិងអ្នកដំណើររបស់យើង» ។
គួរបញ្ជាក់ផងដែរថា គេនៅមិនទាន់ដឹងថាបច្ចេកវិទ្យានេះនឹងធ្វើចាប់ផ្តើមផលិតនៅពេលណានោះទេ ៕
ចែករំលែកព័តមាននេះ