ក្រុមហ៊ុនផលិតរថយន្តធំៗបន្តវិនិយោគយ៉ាងខ្លាំងលើយានយន្តអគ្គិសនី ហើយពិតណាស់រថយន្តទាំងនោះនឹងបង្កើនចំណែកទីផ្សាររបស់ខ្លួននៅប៉ុន្មានឆ្នាំខាងមុខទៀតទេ ។ វាអាចទៅជាយ៉ាងនេះដោយរបៀបណាយើងនៅមិនទាន់ដឹងទេ តែមូលហេតុមួយក្នុងចំណោមនោះគឺមកពីតម្លៃរបស់វា ។
សារព័ត៌មាន Automotive Europe រាយការណ៍ថា រដ្ឋាភិបាលដែលធ្លាប់បានជម្រុញការផលិតរថយន្តអគ្គិសនីកំពុងតែធ្វើវាឱ្យមានតម្លៃកាន់តែថ្លៃសម្រាប់អ្នកទិញរថយន្តទូទៅ ។ ប្រធានប្រតិបត្តិនៃក្រុមហ៊ុន Volkswagen Group លោក Herbert Diess បានព្រមានថា គោលការបំភាយឧស្ម័នរបស់ EU សម្រាប់ឆ្នាំ២០៣០ គឺមានការទាមទារខ្លាំងពេក ដែលជាលទ្ធផលធ្វើឱ្យរថយន្តអគ្គិសនីឡើងថ្លៃ ។
នេះជាហេតុផលរបស់លោក Diess បានបញ្ជាក់ថា ក្រុមហ៊ុនរបស់លោកនឹងអាចសម្រេចបាននូវការទាមទាររបស់ EU ដែលចង់កាត់បន្ថយការបំភាយឧស្ម័នកាបូនឌីអុកស៊ីតនៅឆ្នាំ២០៣០ តែក្រុមហ៊ុនត្រូវជះលុយច្រើនទៅលើផ្នែកស្រាវជ្រាវនិងអភិវឌ្ឍន៍ (R&D) ដែលជាលទ្ធផលគឺតម្លៃរបស់រថយន្តដែលផលិតចេញមក មានតម្លៃថ្លៃសម្រាប់អ្នកទិញ ។ លោកមិនចង់ឱ្យរថយន្តរបស់លោកផលិតចេញមកធ្វើឱ្យមនុស្សភាគច្រើនមិនអាចទិញជះបាននោះទេ ។
លោក Diess ក៏មានការព្រួយបារម្ភផងដែរចំពោះតម្លៃរថយន្តមួយចំនួន ដូចជារថយន្ត Polo និង Up ដែលថ្លៃខ្លាំង ដើម្បីឱ្យគ្រប់គ្រាន់សម្រាប់គោលការឆ្នាំ២០៣០ ។ លោកថា ការកើនឡើងនូវរថយន្តអេឡិចត្រូនិចនាពេលអនាគតអាចមានផលប៉ះពាល់ដល់ការងាររោងចក្រផងដែរ ។ នេះក៏ដោយសារតែ ក្រុមហ៊ុនត្រូវកាត់បន្ថយមនុស្សធ្វើការនៅផ្នែកផលិតរថយន្តម៉ាស៊ីនសាំង ។
ចំណុចសំខាន់គឺ លោក Diess ជឿជាក់ថា គោលការរបស់ EU ក្នុងការកាត់បន្ថយការបំភាយផ្សែងនៅឆ្នាំ២០៣០ គឺមានការទាមទារខ្លាំងពេក ដែលគួរតែកែសម្រួលមុនពេលអ្វីៗយឺតពេល ៕
ចែករំលែកព័តមាននេះ