មានព័ត៌មានចុះផ្សាយពីការស្លាប់របស់ប្រុសចាស់ៗ នៅពេលរួមភេទជាមួយស្រីក្មេង ដោយសារតែគាំងបេះដូង។ តើនេះអាចមកពីលើសឈាម ព្រោះតែហូបស្មៅខ្ចីមែនទេ?
យោងតាមប្រភពពីMetroបានឱ្យដឹងថា មានការសិក្សាស្រាវជ្រាវថ្មីមួយ រកឃើញពីផលប្រយោជន៍នៃការរួមភេទជាប្រចាំទៀងទាត់ថា វាអាចជួយបន្ថយសម្ពាធឈាម មិនឱ្យកើតជំងឺលើសសម្ពាធឈាម ដែលហៅសាមញ្ញថា «ជំងឺលើសឈាម» ។
ការសិក្សានេះ ធ្វើឡើងដោយសាកលវិទ្យាល័យ Georgia State University ដែលមានអ្នកស្ម័គ្រចិត្តចូលរួមធ្វើការរួមភេទ ពេលកំពុងពាក់ប្រដាប់វាស់បេះដូង ។ ក្រោយពីរួមភេទបានដល់ចំណុចកំពូល ចង្វាក់បេះដូងរបស់ពួកគេ មានត្រឹមពី៦៦ ទៅ១០៦ ដែលជាមធ្យម៨៧ដងក្នុងមួយនាទី ។
សម្ពាធឈាម ជាមធ្យមត្រឹម១១៥mmHg នៅមុនពេលរួមភេទ ។ ក្រោយពីរួមភេទរួច វាបានធ្លាក់១៧mmHg ដែលស្មើនឹងប្រសិទ្ធភាពរបស់ថ្នាំបញ្ចុះទឹកនោម ។ នេះទាល់តែការរួមភេទនោះគឺជាការរួមភេទល្អ ។ វាមានន័យថា ទាល់តែដៃគូឡើងដល់ចំណុចកំពូលបានសម្រេចទើបគេហៅថា ជាការរួមភេទល្អ ដែលអាចបញ្ចុះសម្ពាធឈាមបាន ។
គេបានទាញសេចក្តីសន្និដ្ឋានថា នេះមកពីសារធាតុអុកស៊ីតូស៊ីន ដែលបញ្ចេញក្រោយពេលរួមភេទ និងពេលជិតស្និទ្ធិធ្វើឱ្យមានការបញ្ចុះសម្ពាធឈាម ។
ចែករំលែកព័តមាននេះ