១- អាការឈឺណែនក្នុងក្បាល ៖ អាការឈឺណែនក្នុងក្បាល គឺជាទម្រង់មួយនៃអាការឈឺក្បាលលក្ខណៈចម្បងដែលកើតញឹកញាប់ជាងគេដោយជាទូទៅវាចាប់ផ្តើមឈឺសន្សឹមៗ ហើយចាប់ឈឺខ្លាំងឡើងៗនៅពេលថ្ងៃ។ នៅពេលអ្នកជំងឺមានអាការឈឺណែនក្នុងក្បាលខ្លាំង គឺពួកអាចមានអារម្មណ៍ដូចមានខ្សែរឹតតឹងជុំវិញដៃដែលបណ្តាលឱ្យមានអារម្មណ៍ឈឺចាប់ស្ពឹកជាប់នៅផ្នែកទាំងសងខាងក្បាលរបស់ពួកគេ។ អាការឈឺណែនក្នុងក្បាលក៏មានជាប់ទាក់ទងនឹង.កដែរ ដោយការឈឺចាប់នេះអាចរាលដាលទៅដល់ផ្នែកកញ្ចឹង.ក ឬឈឺរាលមកពីកញ្ចឹង.ករបស់អ្នកជំងឺវិញ។
អាការឈឺណែនក្នុងក្បាល អាចកើតមានម្តងម្កាល ឬរ៉ាំរ៉ៃ។ អាការឈឺណែនក្នុងក្បាលម្តងម្កាល ជារឿយៗកើតមានឡើងក្នុងរយៈពេលតែប៉ុន្មានម៉ោងប៉ុណ្ណោះ ហើយបន្តកើតមានអាការបែបនេះក្នុងរយៈពេល បី ទៅបួនថ្ងៃ ។ ចំណែកឯអាការឈឺណែនក្នុងក្បាលរ៉ាំរ៉ៃអាចបណ្តាលឱ្យឈឺក្បាលជាប់ៗគ្នាៗក្នុងរយៈពេល ១៥ ថ្ងៃ ឬច្រើនជាងនេះ ដែលអាចបន្តឈឺយ៉ាងហោចណាស់ ៣ ខែ។
២- ការឈឺក្បាលប្រកាំង ៖ ការឈឺក្បាលប្រកាំងអាចបណ្តាលឱ្យមានការឈឺចាប់ខ្លាំងនៅលើផ្នែកម្ខាងនៃក្បាល។ ការឈឺក្បាលបែបនេះអាចអមជាមួយនឹងរោគសញ្ញាមួយចំនួនដូចជា ព្រឹលភ្នែក ស្រាលក្បាល ចង្អោរ និងមានវិបត្តិនៅញាណណាមួយដែលត្រូវបានស្គាល់ជាទូទៅជា ការបែកផ្សែង (auras) ។
ការឈឺក្បាលប្រកាំងអាចឈឺជាប់គ្នា ២ ទៅ ៣ ម៉ោង ក្នុងរយៈពេល ២ ទៅ ៣ ថ្ងៃ។
៣- អាការឈឺក្បាលខ្លាំងជុំវិញភ្នែក ៖ អាការឈឺក្បាលខ្លាំងជុំវិញភ្នែក (cluster headache) គឺជាការឈឺក្បាលភ្លាមៗដែលធ្វើឱ្យអ្នកជំងឺមានអារម្មណ៍ឈឺចាប់នៅផ្នែកម្ខាងនៃក្បាល។ ជារឿយៗវាត្រូវបានគេពិពណ៌នាថា ជាការឈឺចាប់ស្រួចស្រាវ ឬមានលក្ខណៈក្តៅក្បាលដែលជាធម្មតា ឈឺនៅម្តុំ ឬនៅជុំវិញភ្នែកម្ខាងណាមួយ។ តំបន់ដែលឈឺអាចឡើងក្រហម និងហើមផងដែរ។
អាការឈឺក្បាលខ្លាំងជុំវិញភ្នែក (cluster headache) អាចមានការឈឺចាប់ពី ១៥ នាទីទៅ ៣ ម៉ោង ដែលកើតឡើងភ្លាមៗ ១ ដល់ ៨ ដងក្នុងមួយថ្ងៃក្នុងរយៈពេលពីមួយសប្តាហ៍ទៅមួយខែ។
៤- អាការឈឺក្បាលដែលរើឡើងវិញ ៖ អាការឈឺក្បាលដែលរើឡើងវិញ គឺអាការឈឺក្បាលដែលបណ្តាលមកពីការប្រើថ្នាំបំបាត់ការឈឺចាប់លើសកម្រិត។ អ្នកដែលមានអាការឈឺក្បាលដែលរើឡើងវិញតែងមានអារម្មណ៍ថា ឈឺចាប់នៅកញ្ចឹង.ក រសេះរសោះ តឹងច្រមុះ និងគេងមិនលក់ស្កប់ស្កល់។
ជារឿយៗ អាការឈឺក្បាលដែលរើឡើងវិញ គឺមានការចាប់ផ្តើមឈឺនៅពេលព្រឹក ហើយបន្តឈឺជាប់ពេញមួយថ្ងៃ។ អាការឈឺក្បាលបែបនេះ គឺជាអាការដែលកើតញឹកញាប់ជាងគេក្នុងការឈឺក្បាលលក្ខណៈបន្ទាប់បន្សំដែលអាចមានធ្វើមានការធូរស្បើយបានតាមរយៈការប្រើប្រាស់ថ្នាំបំបាត់ការឈឺចាប់ ប៉ុន្តែវាធ្វើឱ្យឈឺចាប់កាន់តែខ្លាំងជាងមុននៅពេលដែលអស់ជាតិថ្នាំ។
៥- ការឈឺក្បាលផ្គររន្ទះ ៖ ការឈឺក្បាលផ្គររន្ទះ គឺជាអាការឈឺក្បាលដែលកើតឡើងភ្លាមៗ ហើយអាចមានការឈឺចាប់ខ្លាំងបំផុតក្នុងរយៈពេលត្រឹមតែ ១ នាទី ប៉ុណ្ណោះ ហើយអាចឈឺជាប់ក្នុងរយៈពេលយ៉ាងតិច ៥ នាទី។
ការឈឺក្បាលផ្គររន្ទះ តែងជារោគសញ្ញាដែលអាចមានមានការគំរាមកំហែងដល់អាយុជីវិតបាន ដូចជាការហូរឈាមក្នុងខួរក្បាល ការកកស្ទះសរសៃឈាមវ៉ែនខួរក្បាល ការប៉ោងសរសៃឈាមអាក់ទែដែលអាចមានការដាច់ ឬមិនដាច់សរសៃឈាម រលាកស្រោមខួរ និងការដុះដុំសាច់ក្នុងក្រពេញម្យ៉ាងនៅក្រោមខួរក្បាល (pituary)។ អ្នកជំងឺដែលមានបញ្ហា អាការឈឺក្បាលផ្គររន្ទះ គួរស្វែងរកជំនួយពីវេជ្ជសាស្ត្រភ្លាមៗ។
តើអ្នកបានរៀនអ្វីថ្មីខ្លះនៅថ្ងៃនេះ ហើយតើអ្នកចាប់អារម្មណ៍ចង់ស្វែងយល់បន្ថែមទៀតទេ? សម្រាប់ព័ត៌មានបន្ថែមអំពីអាការឈឺក្បាល និងអត្ថប្រយោជន៍នៃការប្រើថ្នាំសម្រាប់ព្យាបាល សូមចូលរួមចុច like និងតាមដានយើងតាមទំព័រ Facebook នៅទីនេះ៕ ដោយសហការ
ចែករំលែកព័តមាននេះ