ខេត្តកំពង់ស្ពឺ ៖ ពិតជាសាហាវបំផុត ដែលបុរសម្នាក់បានបើករថយន្តប្រភេទបែនដឹកដី ធ្វើការបុករះបារាស់ (ជាកន្លែងគោលដៅត្រួតពិនិត្យចរាចរណ៍)របស់នគរបាល ហើយបន្តបុករថយន្តប៉ូលិស និងបុកដល់រថយន្តកុងតឺន័រទៀត ។ ក្រោយបង្កហេតុ បុរសនោះបានព្យាយាមបើករថយន្តរត់គេច រហូតមកដល់ចំណុចមុខផ្សារថ្នល់ទទឹង ទើបត្រូវកម្លាំងឃាត់ខ្លួនបាននាំទៅសាកសួរនៅអធិការដ្ឋាននគរបាលខេត្ត នៅព្រឹកថ្ងៃទី២៩ មករា ។
សេចក្តីរាយការណ៍បន្តថា បុរសជាអ្នកបើកបរខាងលើត្រូវបានស្គាល់ មានឈ្មោះថៃ ភារិទ្ធ អាយុ៣៧ឆ្នាំ មានទីលំនៅក្នុងសង្កាត់រកាធំ ក្រុងច្បារមន ។
ប្រភពបន្តថា នៅមុនពេលកើតេហេតុ ស្ថិតត្រង់ចំណុចឃុំត្រពាំង ស្រុកសំរោង (កន្លែងកើតហេតុ) កម្លាំងបានដាក់គោលដៅនិងបារាស់ដើម្បីត្រួតពិនិត្យលើអ្នកធ្វើដំណើរតាមរថយន្ត ដើម្បីអនុវត្តឱ្យត្រូវតាមច្បាប់ចរាចរណ៍ ដោយតម្រូវឱ្យរថយន្តឈប់ចូលអែបទៅចិញ្ចើមផ្លូវម្ខាងពិនិត្យ ។ ពេលនោះ ស្រាប់តែរថយន្តបង្កខាងលើបានបើកមកដល់ អត់ព្រមឈប់ទេបែរបន្ថែមល្បឿនបុកទាំងកំរោលបន្តបន្ទាប់គ្នា ហើយព្យាយាមបើករត់តែម្តង ក៏ប៉ុន្តែត្រូវព្រះមិនជួយ កម្លាំងបានធ្វើការតាមប្រមាញ់រហូតដល់ក្របួច.កជាប់ ។
ហេតុការណ៍ខាងលើ ត្រូវគេចាត់ទុកជាសំណាងល្អបំផុត ដែលមិនមានមនុស្សណាម្នាក់ ត្រូវរងគ្រោះថ្នាក់របួសឬស្លាប់ដោយសារជនរូបនេះឡើយ ។
ព័ត៌មានលម្អឹតនឹងមានផ្សាយជូនបន្តទៀត ។
ចែករំលែកព័តមាននេះ