លោកកេន ហ្គ្រីហ្វហ្វីន (Ken Griffin) មហាសេដ្ឋីជនជាតិអាមេរិក ប្រធានមូលនិធិ«Citadel» បានទិញផ្ទះនៅជាន់ខ្ពស់របស់អគារ ឬខុនដូ«penthouse» ក្នុងតម្លៃ២៣៨លានដុល្លារនៅក្រុងញូវយ៉ក និងជាប្រវត្តិសាស្ត្រនៃការទិញអចលនទ្រព្យក្នុងតម្លៃខ្ពស់នៅសហរដ្ឋអាមេរិក…
លោកកេន ហ្គ្រីហ្វហ្វីន (Ken Griffin) មហាសេដ្ឋីជនជាតិអាមេរិក ប្រធានមូលនិធិ«Citadel» បានទិញផ្ទះនៅជាន់ខ្ពស់របស់អគារ ឬខុនដូ«penthouse» ក្នុងតម្លៃ២៣៨លានដុល្លារនៅក្រុងញូវយ៉ក និងជាប្រវត្តិសាស្ត្រនៃការទិញអចលនទ្រព្យក្នុងតម្លៃខ្ពស់នៅសហរដ្ឋអាមេរិក ។
កាសែតThe Wall Street Journal ផ្សាយថាផ្ទះ ឬបន្ទប់នោះស្ថិតនៅខុនដូលេខ២២០ដ៏ស្រស់ស្អាតលើដងផ្លូវ«Central Park South» កំពុងសាងសង់ ។ កាលពីមុននេះអគារមានតម្លៃខ្ពស់ស្ថិតនៅក្រុងHampton តម្លៃ១៣៧លានដុល្លាររបស់លោកBarry Rosenstein ជាប្រធានមូលនិធិម្នាក់កាលពី៥ឆ្នាំមុន ។
ស្របពេលជាមួយគ្នានេះលោកកេន ហ្គ្រីហ្វហ្វីន ក៏បានទិញអចលនទ្រព្យជាច្រើន ខុនដូជាច្រើនជាន់នៅក្រុងស៊ីកាហ្គោ មានតម្លៃសរុបជិត៥៩លានដុល្លារ ប៉ុន្តែមិនបានរួមបញ្ចូលលើតម្លៃផ្ទះ១២២លានដុល្លារនៅក្រុងឡុងដ៍ ។
កាលពីឆ្នាំ២០១២លោកកេន ហ្គ្រីហ្វហ្វីនបានចំណាយប្រាក់ជិត២៥០លានដុល្លារធ្វើជាម្ចាស់ដីធ្លីក្នុងរដ្ឋផ្លរីដា និងត្រៀមសង់ផ្ទះសំដិលថ្ងៃក្នុងពេលដ៏ខ្លីខាងមុខ ៕
ចែករំលែកព័តមាននេះ