កម្មករ​ប្រមូល​សំរាម​ម្នាក់​ត្រូវ​រថយន្ត​ស៊ិ​ន​ទ្រី​កិន​បាក់​ភ្លៅ​


រាជធានី​ភ្នំពេញ​៖ បុរស​កម្មករ​ប្រមូល​សំរាម​ក្រុមហ៊ុន​ស៊ិ​ន​ទ្រី​ម្នាក់​បាន​រត់​តោង​រថយន្ត​ដើម្បី​បើកទ្វារ​ឡើង​ជិះ ប៉ុន្តែ​រអិល​ជើង​ធ្លាក់​ក៏​ត្រូវ​បាន​រថយន្ត​ដឹក​សំរាម​ក្រុមហ៊ុន​ខាងលើ​កិន បណ្ដា​ឲ្យ​រង​របួស​បាក់ជើង​ភ្លៅ​ម្ខាង​តែ​ម្ដង​។

ហេតុការណ៍​ខាងលើ​នេះ​បាន​កើតឡើង​កាលពី​វេលា​ម៉ោង​២​និង​៤០​នាទី​រសៀល​ថ្ងៃ​ទី​២៨ ខែមករា ឆ្នាំ​២០១៩ នៅ​លើ​កំណាត់​ផ្លូវ​បេតុង​ព្រៃ​ស ស្ថិត​នៅ​ក្នុងភូមិ​ប្រកា សង្កាត់​ព្រៃ​ស ខណ្ឌដង្កោ រាជធានី​ភ្នំពេញ​។

ជន​រង​គ្រោះ​ឈ្មោះ​នួន នឿ​ន ភេទ​ប្រុស អាយុ​៣៣​ឆ្នាំ មុខរបរ​កម្មករ​ប្រមូល​សំរាម​ក្រុមហ៊ុន​ស៊ិ​ន​ទ្រី ចំណែក​រថយន្ត​ដឹក​សំរាម​របស់​ក្រុមហ៊ុន​ស៊ិ​ន​ទ្រី​ដែល​កិន​បុរស​រង​គ្រោះ មាន​ព​ណ៌​លឿង គ្មាន​ស្លាក​លេខ និង​បើកបរ​ដោយ​បុរស​ម្នាក់​មិន​ស្គាល់ឈ្មោះ ។

តាម​ប្រភព​ព័ត៌មាន​បានឱ្យ​ដឹង​ថា បុរស​រង​គ្រោះ​ខាងលើ​គឺជា​កម្មករ​ផ្នែក​ប្រមូល​សំរាម​ដែល​ដើរ​តាម​រថយន្ត​ខាងលើ ហើយ​នៅ​មុន​ពេល​កើតហេតុ បុរស​រង​គ្រោះ​រួម​ជាមួយ​អ្នកបើកបរ​រថយន្ត ព្រមទាំង​កម្មករ​ចំនួន​៤​នាក់​ផ្សេង​ទៀត​បាន​ជិះ​រថយន្ត​ដឹក​សំរាម​ខាងលើ​ដើម្បី​យក​គ្រឿង​អេ​ត​ចាយ​ទៅ​លក់​នៅ​ទីតាំង​ទិញ​និង​លក់​អេ​ត​ចាយ​មួយ​កន្លែង​នៅ​ក្បែរ​កន្លែង​កើត​ហ​តុ​។

លុះ​ក្រោយ​ពេល​លក់​អេ​ត​ចាយ​រួចរាល់​ហើយ ក៏​បត់​រថយន្ត​ចេញពី​ស្តង់​អេ​ត​ចាយ​វិញ ពេល​នោះ​ជន​រង​គ្រោះ​បាន​ចុះ​ស៊ី​ញ៉ូ​ធ្វើ​ចរាចរ​ដើម្បី​ថយ​រថយន្ត​។

ប្រភព​ខាងលើ​បាន​បន្ត​ទៀត​ថា ក្រោយ​ពី​ស៊ី​ញ៉ូ​រថយន្ត​ថយ​រួច ជន​រង​គ្រោះ​បាន​រត់​តាម​រថយន្ត​ដែល​កំពុង​បើក​ទៅ​មុខ​យឺត​ៗ​ដើម្បី​បើកទ្វារ​ឡើង​ជិះ ប៉ុន្តែ​ភ្លាត់ស្នៀត​បាន​រអិល​ជើង​ធ្លាក់​ចូល​កង់​ផ្នែក​ខាងក្រោយ បណ្តាល​ឲ្យ​រថយន្ត​កិន​បាក់​ភ្លៅ​ខាងឆ្វេង​។

ក្រោយ​ពេល​កើតហេតុ ជន​រង​គ្រោះ​ត្រូវ​បាន​រថយន្ត​សង្គ្រោះ​របស់​មន្ទីរពេទ្យ​ឯកជន​មក​ដឹក​ទៅ​កាន់​មន្ទីរពេទ្យ​រុ​ស្ស៊ី ដើម្បី​សង្គ្រោះ​បន្ទាន់​ភ្លាម​ៗ​ផង​ដែរ​។

បន្ទាប់​មក​កម្លាំង​នគរបាល​ប៉ុស្តិ៍​ព្រៃ​ស​សហការ​ជាមួយ​កម្លាំង​នគរបាល​ចរាចរ​ណ៏​ខណ្ឌដង្កោ​បាន​ចុះ​ទៅ​ធ្វើការ​សាកសួរ​អ្នកបើកបរ​រថយន្ត​ខាងលើ​ដើម្បី​កសាង​សំណុំរឿង​។

ដោយឡែក​ខាង​តំណាង​របស់​ក្រុមហ៊ុន​ស៊ិ​ន​ទ្រី​ក៏​បាន​ធ្វើការ​ដោះស្រាយ​ថ្លៃ​ព្យាបាល​ដល់​ជន​រង​គ្រោះ​ដើម្បី​បញ្ចប់រឿង​នៅ​កន្លែង​កើតហេតុ​ផង​ដែរ​៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ