ប្រទេសថៃ ៖ យោងតាមសារពត៌មាន Bangkok Post ដែលបានចេញផ្សាយកាលពីថ្ងៃទី ២១កន្លងមកនេះបានឲ្យដឹងថា កំណើនតម្លៃប្រាក់បាត់កំពុងតែបន្ថែមឧបសគ្គដល់សេដ្ឋកិច្ចថៃដែលពឹងផ្អែកលើការនាំចេញ ។ យោងតាមទិន្នន័យរបស់…
ប្រទេសថៃ ៖ យោងតាមសារពត៌មាន Bangkok Post ដែលបានចេញផ្សាយកាលពីថ្ងៃទី ២១កន្លងមកនេះបានឲ្យដឹងថា កំណើនតម្លៃប្រាក់បាត់កំពុងតែបន្ថែមឧបសគ្គដល់សេដ្ឋកិច្ចថៃដែលពឹងផ្អែកលើការនាំចេញ ។
យោងតាមទិន្នន័យរបស់ Bloomberg បានបង្ហាញឲ្យដឹងថា តម្លៃប្រាក់បាតបានកើនឡើង ៥%ក្នុងរយៈពេល៦ខែមកនេះ ។ ហើយលោក Duangrat Prajaksilpthai ដែលជាសេដ្ឋវិទូនៅ TMB Bank បានឲ្យដឹងដែរថា «វាគឺជាឆ្នាំដ៏លំបាក។ ការនាំចេញនឹងអន់ថយព្រោះតែសង្គ្រាមពាណិជ្ជកម្ម។ កំណើនតម្លៃប្រាក់បាត់នឹងប៉ះពាល់ដល់ប្រាក់ចំណូលពីការនាំចេញបន្ថែមទៀតពេលដែលប្តូរមករូបិយប័ណ្ណក្នុងស្រុក» ។
លោក Jitipol Puksamatanan ដែលជាប្រធានផ្នែកយុទ្ធសាស្ត្រនៅធនាគារ Krungthai Bank បាននិយាយដែរមកថា តម្លៃរូបិយប័ណ្ណនេះនឹងបន្តមានភាពរឹងមាំក្នុងឆ្នាំនេះ ប៉ុន្តែលោក Prakash Sakpal ដែលជាសេដ្ឋវិទូនៅ ING Group បានឲ្យដឹងថាឧបសគ្គផ្នែកនយោបាយនៅតែមានវត្តមានព្រោះតែការបោះឆ្នោតឆ្នាំ ២០១៩ ។
គួរបញ្ជាក់ដែរថា ការនាំចេញផលិតផលនិងសេវាកម្មស្មើ ២ភាគ៣នៃផលិតផលក្នុងស្រុកសរុបរបស់ប្រទេសថៃ។ ការស្ទង់មតិរបស់ Bloomberg បានឲ្យដឹងថាការនាំចេញផលិតផលក្នុងខែធ្នូអាចនឹងធ្លាក់ចុះ ០.២% បើធៀបនឹងឆ្នាំ ២០១៧ ។
យ៉ាងណាក្តីអ្នកតាមដានទីផ្សារមួយចំនួននៅតែមានជំនឿចិត្តលើសេដ្ឋកិច្ចថៃដដែល។ ធនាគារពិភពលោកបានឲ្យដឹងកាលពីសប្តាហ៍មុនមកថា កំណើនការចំណាយក្នុងស្រុក និងការវិនិយោគកំពុងតែជួយបំពេញការធ្លាក់ចុះក្នុងផ្នែកនាំចេញហើយ។
ជាមួយគ្នានេះផងដែរធនាគារជាតិរបស់ប្រទេសថៃបានបង្កើនអត្រាការប្រាក់កាលពីខែធ្នូជាលើកដំបូងតាំងពីឆ្នាំ ២០១១ មក មកស្មើ ១.៧៥%ខណៈដែលពួកគេចង់កាត់បន្ថយហានិភ័យក្នុងទីផ្សារហិរញ្ញវត្ថុ។ ប៉ុន្តែកំណើនតម្លៃប្រាក់បាតអាចនឹងធ្វើឲ្យបញ្ហាកាន់តែស្មុគស្មាញដោយដាក់សម្ពាធលើអតិផរណា ៕
ចែករំលែកព័តមាននេះ