ជើងហើមអាចកើតមានឡើងនៅលើផ្នែកណាមួយនៃជើងដែលអាចនៅលើកំភួនជើង កជើង កែងជើង ហើយអាចនៅភ្លៅផងដែរ ។ ហើមជើងអាចបណ្តាលមកពីការកើនឡើងនូវសារធាតុរាវ (ជាតិទឹក) ក្នុងជាលិកា ឬអាចមកពីការរលាកនៅក្នុងជាលិកា ឬនៅក្នុងសន្លាក់ ។
មានមូលហេតុជាច្រើននៃការហើមជើងដូចជាការរងរបួស ឬឈរយូរ ឬអង្គុយយូរពេក ដែលមានភាពងាយស្រួលក្នុងការកំណត់រកមូលហេតុ ។ ពេលខ្លះការហើមជើង អាចជាសញ្ញានៃជំងឺធ្ងន់ជាច្រើនទៀត ដូចជាជំងឺបេះដូង ឬបញ្ហាឈាមកកកជាដើម ។
ចូរស្វែងរកការព្យាបាលឲ្យបានឆាប់នៅពេលដែលការហើមជើងបានកើតឡើងដោយគ្មានមូលហេតុច្បាស់លាស់ ឬអ្នកស្រាប់តែមានការលំបាកក្នុងការដកដង្ហើម មានឈឺទ្រូង ឬមានសញ្ញាព្រមានផ្សេងទៀតនៃបញ្ហាកំណកឈាមក្នុងសួត ឬជាស្ថានភាពបេះដូងធ្ងន់ ។
មានកត្តាខុសប្លែកគ្នាជាច្រើនដែលអាចបណ្តាលឲ្យមានការហើមជើង ។ វាអាចត្រូវបានបង្កឡើងដោយបញ្ហាដែលមានជាប់ពាក់ព័ន្ធជាមួយនឹងប្រព័ន្ធរបត់ឈាម ប្រព័ន្ធទឹករងៃ(ឡាំហ្វាទិច) ឬអាចជាបញ្ហាតម្រងនោម ។ អ្នកក៏អាចជួបប្រទះការហើមជើងដោយសារកាចាល់ជាតិទឹកបន្ទាប់ពីការអង្គុយ ឬឈររយៈពេលយូរផងដែរ (ប្រភពពី៖ Health.com.kh) ៕
ចែករំលែកព័តមាននេះ