រាជធានីភ្នំពេញ ៖ ការមុតដៃ និងរលាត់ជង្គង់ គឺជារបួសទូទៅបំផុតប្រចាំថ្ងៃ។ គួរឱ្យភ្ញាក់ផ្អើលណាស់ ដែលមនុស្សទូទៅយល់ដឹងតិចតួចណាស់អំពីការព្យាបាលមុខរបួសអោយបានត្រឹមត្រូវ ដែលតែងតែនាំឱ្យមានការចម្លងមេរោគ និងផលវិបាកផ្សេងទៀត។ ការជឿលើជំនឿថែទាំរបួសមិនត្រឹមត្រូវមួយចំនួនអាចធ្វើឱ្យស្ថានភាពកាន់តែអាក្រក់ជាងមុនទៀត។
តើអ្នកធ្លាប់បារម្ភថា ចំណេះដឹងអំពីការព្យាបាលរបួសរបស់អ្នកជាជំនឿដែលមិនត្រឹមត្រូវទេ? សូមអានបន្ត ដើម្បីស្វែងយល់បន្ថែមអំពីការព្យាបាលដែលត្រឹមត្រូវដើម្បីបំបាត់ការឈឺចាប់ ជៀសវាងការឆ្លងមេរោគ និងធ្វើឱ្យដំណើរការនៃការជាសះស្បើយរបស់អ្នកមានភាពប្រសើរឡើង។
ជំនឿខុសទី១ ៖ ជាតិអាល់កុល គឺជាវិធីល្អបំផុតដើម្បីសំអាតមុខរបួសរបស់អ្នក។ ជាតិអាល់កុល គឺជាថ្នាំប្រឆាំងនឹងមេរោគដ៏ល្អ ហើយត្រូវបានគេប្រើជាទូទៅដើម្បីសម្លាប់បាក់តេរីក្នុងមុខរបួស។ ទោះជាយ៉ាងណាក៏ដោយជាតិអាល់កុលអាចធ្វើឱ្យស្បែករបស់អ្នកក្រហាយ និងធ្វើឱ្យខូចខាតជាលិការរបួសដែលអាចបង្កឱ្យស្ថានភាពរបួសកាន់តែធ្ងន់ធ្ងរ។ ដើម្បីជួយដល់កោសិការបស់អ្នកអោយសះស្បើយលឿន អ្នកគួរជ្រើសរើសយកផលិតផលដែលមានសារធាតុ allantoin ។
ជំនឿខុសទី២ ៖ មុខរបួសឡើងក្រៀម គឺជាសញ្ញានៃការជាសះស្បើយនៃរបួស។ ជារឿយៗយើងត្រូវបានគេប្រាប់ថា ការឡើងក្រមរនៅលើមុខរបួសរបស់យើង គឺជាសញ្ញានៃការជាសះស្បើយរបស់របួស។ តាមពិតទៅ ក្រមរនេះគឺគ្រាន់តែជាសារធាតុរាវស្ងួត ដែលអាចប៉ះពាល់ទៅដល់ការជាសះស្បើយរបស់មុខរបួសយើង ដោយវាធ្វើឱ្យមុខរបួសបាត់បង់សំណើម ហើយធ្វើឱ្យវាកាន់តែងាយនឹងឆ្លងមេរោគទៀត។ មិនត្រូវកេះក្រមររបស់អ្នកទេ អ្នកគួរតែថែរក្សាជាតិសំណើមនៅលើមុខរបួសរបស់អ្នក ដោយប្រើថ្នាំលាបដែលមានជាតិប្រេង ដើម្បីធានាបាននូវការផ្តល់សំណើមសម្រាប់កោសិកាថ្មីលូតលាស់ដោយគ្មានស្លាកស្នាម។
ជំនឿខុសទី៣ ៖ មុខរបួសរមាស់ គឺជាមុខរបួសកំពុងជាសះស្បើយ។ តាមការពិត ការរមាស់អាចបណ្តាលមកពីប្រតិកម្មទៅនឹងបាក់តេរី ឬមេរោគ នៅក្នុងធូលីដែលអាចនាំឱ្យមានផលវិបាកផ្សេងៗ។ ប្រសិនបើការរមាស់នៅតែបន្តកើតមាន ឬកាន់តែអាក្រក់ អ្នកគួរតែទៅជួបគ្រូពេទ្យដើម្បីដឹងថា ការឆ្លងនេះមានរីករាលដាលដែល ឬអត់។
ជំនឿខុសទី៤ ៖ ទឹកសមុទ្រជួយសំអាត និងព្យាបាលរបួស។ យើងតែងតែលឺគេនិយាយថា ការ
ហែលទឹកនៅក្នុងសមុទ្រអាចជួយដល់មុខរបួសរបស់យើង។ ជាការពិតណាស់ ដែលជាតិអំបិលក្នុងទឹកសមុទ្រអាចជួយកម្ចាត់មេរោគ និងបាក់តេរីមួយចំនួន ប៉ុន្តែទឹកសមុទ្រវិញនោះវាមិនស្អាតទេ។ សូមចងចាំថា នៅពេលអ្នកហែលទឹកសមុទ្រ មុខរបួសរបស់អ្នកអាចប៉ះជាមួយនឹងសារធាតុមិនស្អាត និងបាក់តេរីដែលបណ្តាលឱ្យហើមជុំវិញមុខរបួសវិញផង។
ជំនឿខុសទី៥ ៖ វាល្អបំផុតក្នុងការបញ្ចេញមុខរបួសរបស់អ្នកឱ្យត្រូវខ្យល់។ ជាទូទៅ គេតែងតែមានមតិខុសប្លែកគ្នារវាងការបញ្ចេញមុខរបួលអោយត្រូវខ្យល់ និងការបិទបាំងមុខរបួស។ ប៉ុន្តែធាតុពិតនោះ គឺការទុកឱ្យរបួសប៉ះនឹងខ្យល់ទាំងស្រុង អាចធ្វើអោយកោសិកាស្បែកស្ងួត ហើយអាចពន្យឺតការព្យាបាលទៀតផង។ អ្នកផ្តល់សេវាថែទាំសុខភាពបានណែនាំឱ្យលាបថ្នាំព្យាបាលដែលមានជាតិប្រេង ដើម្បីផ្តល់សំណើមសម្រាប់សរសៃឈាមដើម្បីឱ្យជាសះស្បើយ និងកាត់បន្ថយការរលាក។
ជំនឿខុសទី៦ ៖ មិនចាំបាច់ខ្វល់ពីរបួសតូចៗទេ ។ របួសខ្នាតតូចអាចមើលទៅមិនធ្ងន់ធ្ងរហើយសូម្បីតែស្លាកស្នាមក៏មិនអាចមើលឃើញដែរ។ ប៉ុន្តែសូម្បីតែរបួសតូចមួយនៅលើស្បែករបស់អ្នក គឺជារន្ធចូលដ៏ធំមួយសម្រាប់បាក់តេរី និងមេរោគ! ដើម្បីកុំឱ្យមុខរបួសតូចនាំឱ្យមានផលវិបាកធំ អ្នកគួរលាបថ្នាំព្យាបាលដែលមានជាតិប្រេងនៅលើមុខរបួស ដើម្បីគ្របដណ្តប់រន្ធតូចនោះ និងជួយកោសិកាឱ្យជាសះស្បើយ!
តើអ្នកបានរៀនអ្វីថ្មីនៅថ្ងៃនេះទេ? ហើយតើអ្នកចាប់អារម្មណ៍ចង់ស្វែងយល់បន្ថែមទៀតទេ? សូមចុច Like និងតាមដានទំព័រហ្វេសប៊ុករបស់យើងនៅទីនេះ។ ដោយសហការ
ចែករំលែកព័តមាននេះ