០២និង១៥នាទីរសៀលឱ្យភ្លើងបូជាសព ខេមរៈ ស្រីពៅ…«នាងចាកទៅបានសុខហើយ»
- ភ្នំពេញ
រាជធានីភ្នំពេញ ៖ គិតត្រឹមម៉ោង០២ និង១៥នាទីរសៀលថ្ងៃទី២៨ មករា នេះ សពកញ្ញាខេមរៈ ស្រីពៅ ត្រូវបានបូជាហើយ ស្ថិតក្នុងបរិវេណវត្តសំរោងអណ្តែត…
រាជធានីភ្នំពេញ ៖ គិតត្រឹមម៉ោង០២ និង១៥នាទីរសៀលថ្ងៃទី២៨ មករា នេះ សពកញ្ញាខេមរៈ ស្រីពៅ ត្រូវបានបូជាហើយ ស្ថិតក្នុងបរិវេណវត្តសំរោងអណ្តែត…
រាជធានីភ្នំពេញ ៖ គិតត្រឹមម៉ោង០២ និង១៥នាទីរសៀលថ្ងៃទី២៨ មករា នេះ សពកញ្ញាខេមរៈ ស្រីពៅ ត្រូវបានបូជាហើយ ស្ថិតក្នុងបរិវេណវត្តសំរោងអណ្តែត រាជធានីភ្នំពេញ ក្រោមសំឡេងស្រែកទ្រហោយំនិងអាឡោះអាល័យពីសំណាក់ក្រុមគ្រួសារ, សាច់ញាតិ, មិត្តជាសិល្បករ-សិល្បការិនី និងបងប្អូនជាប្រិយមិត្តអ្នកគាំទ្រលើរូបនាងជាច្រើនផងដែរ ។
គេសង្កេតឃើញទៀតថា ពេលដែលពិធីដង្ហែសព«ស្រពៅ» ចេញពីគេហដ្ឋាននោះ គឺមានការចូលរួមពី
មិត្តសិល្បៈជាច្រើនរូប ក្នុងនោះមានវត្តមានប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា និង
ប្រិយមិត្តអ្នកគាំទ្រនាង ដែលគាត់បាននាំគ្នាឈរត្រៀបត្រាគ្នាតាមផ្លូវ ដើម្បីជូនដំណើរនាង នៅពេលចុងក្រោយ ។
តារាចម្រៀងនិងតារាសម្តែងមួយចំនួន ដែលមានអនុស្សាវរីយ៍ជាមួយ ខេមរៈ ស្រីពៅ បានសម្តែងនូវក្តីក្តុកក្តួល ហូរទឹកភ្នែកណាស់ ពេលដែលពួកគេ បានរំលឹកពីសកម្មភាពនានារបស់«ស្រីពៅ» ។ ក្នុងនោះ តារាចម្រៀងរួមទ្រនំ សុខ ពិសី បានលើកឡើងថា «ដ្បិតមិនបានជួបមុខស្រីពៅញឹកញាប់ ដ្បិតរវល់ការងាររៀងៗខ្លួន ប៉ុន្តែអនុស្សាវរិយ៍ ដែលធ្លាប់នៅជាមួយគ្នាកន្លងមក បានធ្វើឱ្យនាងនឹក និងមិនអាចទប់ទឹកភ្នែកបានឡើយ ។ ពួកនាងបាននិយាយគ្នា លេងសើចជាច្រើន ហើយពេលដែលនាងនិយាយថា «ឃ្លានញ៉ាំម្ជូរ» ភ្លាមៗនោះស្រីពៅ ក៏បានឡើងបេះម្ជូរឱ្យនាងហើយ» ។
ដោយឡែក តារាសម្តែងនាងនៅ សូនីតា ក៏បានរំលឹកអនុស្សាវរិយ៍ជាមួយស្រីពៅ ដោយការបង្ហូរទឹកភ្នែកដែរថា នាងបានចូលរួមសម្តែងជាមួយស្រីពៅ កាលពីអំឡុងចេញទៅសម្តែងនៅសហរដ្ឋអាមេរិកជាមួយកាលប៉ុន្មានឆ្នាំកន្លងទៅ ។ ពេលស្នាក់នៅទីនោះ នាងនិងស្រីពៅប្រៀបបានគ្រួសារតែមួយ ហើយអ្វីដែលនាងស្រណោះជាងគេទៀតនោះគឺ «ស្រីពៅមានបំណងចង់ដើរបង្ហាញម៉ូដ» ហើយបានសំណូមពរឱ្យនាងជួយបង្ហាត់នាងទៀតផង» ។
យ៉ាងណានោះ សូមបួងសួងដល់វិញ្ញាណក្ខន្ធនាង បានទៅកាន់សុគតិភពផងចុះ ។
ចែករំលែកព័តមាននេះ