ខេត្តបន្ទាយមានជ័យ ៖ ទីតាំងផលិតស្ករត្នោតក្លែងក្លាយត្រូវបានបិតទ្វារត្រូវបានបញ្ជូនខ្លួនម្ចាស់ទៅតុលាការដាក់ទោស១ឆ្នាំ និងផាកវិន័យពី៥ទៅ១០លានរៀល ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៦ ខែមករា ឆ្នាំ២០១៩ ។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានប្រាប់នៅថ្ងៃទី២៧ ខែមករា ឆ្នាំ២០១៩ថា កាលពីថ្ងៃទី២៣ ខែមករា ឆ្នាំ២០១៩ ស្ថិតនៅភូមិចាន់គីរី សង្កាត់-ក្រុងប៉ោយប៉ែតកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានសហការជាមួយមន្ត្រីកាំកុងត្រូលខេត្តបានចុះប្រតិបត្តិការបង្ក្រាបទីតាំងផលិតស្ករត្នោតក្លែងក្លាយ១កន្លែង រឹបអូសសម្ភារមាន១-ស្ករសររូបអំពៅទម្ងន់៩០០គីឡូក្រាម ២-ខ្ទះត្នោតសម្រាប់រំងាស់ធ្វើត្នោតចំនួន២ខ្ទះ ៣-ធុងស្ពិចត្រូដាក់ស្ករត្នោតចំនួន១៥ធុង ៤-ស្ករត្នោតមិនទាន់កែឆ្នៃ៣០ការ៉ុង ៥-ធុងជ័រដាក់ស្ករត្នោតចំនួន៣ធុង ៦- ធុងជ័រធំដាក់ស្ករត្នោតចំនួន២ធុង ៧-ខ្ទះសម្រាប់ធ្វើស្ករត្នោតក្លែងក្លាយចំនួន២ខ្ទះ ៨-សាច់ជូររឺសាជូរទម្ងន់៦០០គីឡូក្រាម ។
លោកបានបញ្ជាក់ថា ការចុះប្រតិបត្តិការបង្ក្រាបទីតាំងផលិតស្ករត្នោតក្លែងក្លាយ១កន្លែង ក្បែរព្រំដែនក្នុងក្រុងប៉ោយប៉ែតឃាត់ខ្លួនម្ចាស់ឈ្មោះ ផៃ សំណាង ភេទប្រុស អាយុ២៦ឆ្នាំ មានស្រុកកំណើតឃុំបន្ទាយដីស្រុកកណ្តៀង ខេត្តពោធិសាត់ ស្នាក់នៅភូមិចាន់គីរីឃុំ- ក្រុងប៉ោយប៉ែត ។
ក្រោយពេលឃាតខ្លួនម្ចាស់ទីតាំងផលិតស្ករត្នោតក្លែងក្លាយ១កន្លែង និងរឹបអូសសម្ភារហើយត្រូវបានបិទទីតាំង និងបានបញ្ជូនខ្លួនសាកសួរតាមការសារភាពបានធ្វើតពីឪពុករយៈពេលជាង៥ឆ្នាំមកហើយ ដែលផលិត១ថ្ងៃបាន៥ទៅ១០ធុងស្ពិចត្រូ ហើយយកទៅលក់ចែកចាយតាមទីផ្សារក្នុងក្រុងប៉ោយប៉ែត ដែលធ្វើមានធាតុផ្សំដូចជា (ស្កត្នោតលាយជាមួយស្កសរ និងសាច់ជូរឺសាជូរ) បានក្លាយជាស្ករត្នោតក្លែងក្លាយ ។
លោក សាន វិជ្ជាសារ៉ាវុធ បានបញ្ជាក់ថា ចំពោះជនសង្ស័យដែលធ្វើស្ករត្នោតក្លែងក្លាយយោងតាមច្បាប់មាត្រាលេខ១៧ ជនណាដែលផលិតទំនិញ ឬគ្រឿងបរិភោគក្លែងបន្លំ ហើយមានលាយសារធាតុដែលប៉ះពាល់សុខភាពអ្នកបរិភោគត្រូវមានទោសពី១ខែទៅ១ឆ្នាំ ហើយផាកវិន័យជាទឹកប្រាក់៥ទៅ១០លានរៀល ៕
ចែករំលែកព័តមាននេះ