ប្រទេសអេស្ប៉ាញ ៖ ប្រទេសអេស្ប៉ាញកាលពីថ្ងៃទី២៦មករា បានកាន់មរណៈទុក្ខក្រោយការរកឃើញសាកសពកុមារតូច JULEN អាយុ២ឆ្នាំក្នុងអណ្ដូងជ្រៅមួយ ក្រោយប្រតិបត្តិការតាមរុករកពិសេសមួយរយៈពេល១៣ថ្ងៃមក។
រឿងនោះឥឡូវស្ថិតក្នុងដៃតុលាការ ហើយការធ្វើកោសល្យវិច្ឆ័យមួយចាប់ផ្ដើមនាព្រឹកថ្ងៃទី២៦មករា។ លោក ALFONSO RODRIGUEZ GOMEZ DE CELIS ប្រមុខតំបន់ANDALOUSIE គូសបញ្ជាក់ក្នុងសន្និសីទសារព័ត៌មានមួយថា សាកសពរបស់កុមារនោះត្រូវបានរកឃើញ នាវេលាម៉ោង១និង២៥នាទីរំលងអាធ្រាត្រម៉ោងក្នុងស្រុក។
កុមារតូចJULENបានធ្លាក់ដោយចៃដន្យកាលពីថ្ងៃទី១៣មករា ចូលក្នុងអណ្ដូងដែលគេបោះបង់ចោលមួយ មានជម្រៅដល់ទៅ១០០ម៉ែត្រដែលគេជីកដើម្បីតាមរកទឹក។ អណ្ដូងនោះមានមាត់ត្រឹម២៥សង្ទីម៉ែត្រ។
យោងតាមលទ្ធផលដំបូងនៃការស៊ើបអង្កេតថា កុមារJULENបានធ្លាក់ចូលអណ្ដូងក្នុងកម្ពស់៧០ម៉ែត្រ មុនពេលទៅទើរលើគំំនរដីមួយ។ គេសន្និដ្ឋានថា ពេលកុមារធ្លាក់ចូលទៅបណ្ដាលឲ្យខ្សាច់និងកម្ទេចកម្ទីនានាធ្លាក់ទៅជាមួយ ទើបគ្របពីលើខ្លួនគេបណ្ដាលឲ្យកាមេរ៉ាដែលទម្លាក់ចូលតាមរកខ្លួនកុមារនោះមិនអាចចូលទៅដល់។
ប្រមុខតំបន់ANDALOUSIEនិយាយទៀតថា គឹចៅក្រមខេត្តMALAGAជាខេត្តនៃតំបន់តូតាឡា មានទីតាំងនៃអណ្ដូងនោះដែលត្រូវកំណត់ លើបណ្ដាអ្នកទទួលខុសត្រូវចំពោះការស្លាប់របស់កុមារនេោះ។ លោកក៏អំពាវនាវផងដែរឲ្យលុបអណ្ដូងនោះចោល៕
ចែករំលែកព័តមាននេះ